روايه كامله

رواية دار الزمن .. رواية كاملة

التعرف على الشخصيات المهمة.. في هذا الجزء ..

احمد: العمر 19 سنة تخصصه بزنز

علي: ولد خالة احمد،العمر 19 سنة ومثل تخصص احمد

حسن:صديق احمد وعمره 19 سنة ومثل تخصص ربعه

عبدالله:عمره 19 وفي مثل سنهم ومثلل تخصصهم يعني كلهم ربع ماخذين مثل التخصص

الربع متجمعين في بيت علي ..الساعه 10:00

علي:وينه هالغبي حسنو اتصلوا ليه راح ولا جه

احمد:اكيد يعني مابجي تلاقيه الحين مبسط ويه حبيبة القلب

علي:خخخخ ويش تصير ليه هي؟

احمد: بنت خالتي يعني بنت خالته

علي: يعني بيتهم الحين في بيت خالتك من جذي اسود الوجه راح ولا جه

احمد: ههههه مسكين يقول ولا تفتكر فيه ولا هي حاسه ان هو يحبها

علي: ههههههه مسكين

احمد: وانت مافي اخبار عن خطيبتك

علي:خخخ اذا عرفتها بقول ليك

احمد: ههههه

علي: اي صحي وانت ماقلت لينه عن قلبك

احمد: انا قلبي متكبر مايحب البنات هم بكبرهم الي يلحقونه ولا يفتكر ليهم

علي: صدق مغرور ..

احمد: الكل قال جذي

علي: معقولة يعني ولا وحده ملكت قلبك

احمد:ااااااه

علي: باال اكيد ورى هالاااه شي

احمد: مادري وش اقولك

علي:اوه اوه باين على السالفة قوية قول قول

احمد:مادري من وين ابتدي ومن وين انتهي

علي: انت قولي القصة وانا بعرف البدايه والنهاية

احمد: اوكيه اسمع

ودخل عليهم عبد الله..

عبد الله: وصل الشييييخ ويش تاخرت؟

علي: تصدق لا

عبد الله: افا بس افا لهدرجة ماوحشتكم

علي: انزين اقعد انجب احمد بيقول قصته

عبد الله: جى عنده كم قصة ههههااااي

احمد: ههههه انت اقعد واسمع ولا عليك

علي: يلا قول القصه

احمد: اوكي اسمعو في يوم كان عمري 16 قررت اروح انا وحسون ندرس لينا مادة
نستفيد منها في الصيف بدال لهرار.. عاد رحنا ندرس في اقرب معهد مادة ال EnGlish..

اول يوم في المعهد…(احمد قاعد يقول القصة)

احمد:يلاا مش لا نتاخر

حسن: ويش نتاخر باقي واجد

احمد: انزين مش الصف الي قالوا لينا نقعد فيه علشان بنشوف من بيدرس ويانا

حسن: اي ان شاء الله حليوين عاد

احمد: هذا بس الي يهمك

وبعدين وصلنا الصف قبل لا ندخل

حسن: بل شكله داخل في بنات

احمد: انزين ادخل وش علينا منهم

حسن: استحي

احمد: انا من قص علي وقال لي اخذك ويايي والله انت حدك ترسب وتنزف مش
اقول امش لا اخليك تولي بروحك برا

حسن:انزييين

وخليته يدخل غصب عنه عاد انا كنت جريئ ولا وحده منهم هامتني دخلت وسلمت ردوا
ماردوا اهم شي سلمت( السلام لله مثل مانتون تعرفون يعني)

علي: انزين كمل كمل

احمد: المهم……..

…

احمد: السلام

البنات بصوت منخفض: وعليكم السلام

كانوا على ماعتقد ثنتين

رحت انا وحسن وقعدنا في نهاية الصف طبعا انا كنتون تدرون يعني ماخلي شي الا
اطنز عليه لكن في داك اليوم كنت ساكت يعني للحين ماتحمست انتظر شي اتطنز عليه
… المهم..

جت المعلمة.وقعدت تسالنا عن اسمائنا

بدت اول شي من البنات..

المعلمة:انتي شسمج يالحلوة

ملاك: اسمي ملاك

المعلمة ابتسمت: الله اسمج روعه.. والي جمبج

سارة: سارة

وبعدين اشرت علي

المعلمة: وانت شسمك؟

انا: احمد

المعلمة تاشر على حسن: وانت؟؟

حسن: انا حسن

يعني ماكان في الصف الا اربعه (انا.وحسن. وملاك . وسارة)

المعلمة:تشرفنا .. المهم اني معلمتكم اسمي صفاء

احمد عادي اامر عليك؟

انا ماكان لي زاغر لكن وش اسوي: اي تحت امرش..

المعلمة: هههه يلا قوم .. ابيك تروح تحت وتقولهم يعطونك للصف مذكرات .

انااستانست مدام فيها هياته: اوكي عادي يجي وياي حسن

المعلمة : اوكي عاد لاتتاخرون وجيبوا ممسحه اوكي

انا: اوكي

المعلمة وهي تضحك لان كلحين ولا قالت لينا شي: واربع مذكرات انزين

حسن الي رد هالمرة: اوكيه مافي شي غير ؟

المعلمة وهي تضحك: لا سلامتكم

عاد احنه طلعنا برا الصف نزلنا تحت ماكان في احد يعني خسارة مافي الا بنية
وابوها الظاهر جايه تسجل يعني مافي احد نطنز عليه او نجننه المهم اخذنا الاغراض ورجعنا..

وقعدت تشرح وتشرح وعقب ساعة تقريبا قامت عطتنا تمرين..

البنات يعني كانوا اشطر منه احنا نسولف وهم يكتبون

ملاك: تيجر خلصنا.

المعلمة: اوكي عجل نحل التمرين

والبنات كله هم الي يجاوبون واحنه كانه خالينا نتفرج بس ولا ندري اساسا وشتقول حدنا
لغتنا

عاد خلص هاليوم وافتكينا..

احمد: عاد سمعوا انا بختصر مابقول كلشي مثل الحين علشان اخلص

(نرجع للواقع)

عبدالله: لا ليش تختصر قول كل شي علشان نفهم

علي: احمد قول الي يريحك اهم شي نفهم السالفة

كان ان احنا نروح بس يومين في الاسبوع لمدة 6 اسابيع يعني كانت المده قصيرة

انزين في اليوم الثاني رحت انا وحسنو وماكان في الصف احد وقعدنا نشخبط على الطاولات
وحسن قاعد على كرسي المعلمة ومقابلني ويشخبط
انتبهت على صوت الباب شفت بنية شكلها جديدة ومو عارفة شتسوي و هي واقفة ومو
عارفة شلون تطوف لان حسنو قاعد في المكان الي يطوفون منه
انا: ابو الشباب
حسن: ها تقصدني انا ؟
انا شفته مفهي قلت بسوي فيه مقلب
انا: لا الي وراك
عاد حسنو طالع وراه الغبي وتفشل لان شاف البنية واقفة وسيده تباعد وصار وجهه طماطة

وانا قعدت اضحك عليه..
عاد جت المعلمة..
وعرفتنا على الطالبه الجديدة ..
المعلمة تاشر على الطالبة الجديدة : شسمج يالحلوة؟
الطالبة: اسمي زهراء
وعاد انا من شفت هالبنيه قلت لحسن انها مغرورة مادري ليش
عاد مرت اربع حصص تقريبا يعني اربعة ايام وباقي على نهاية الدورة ثمانية ايام وانا
كنت احس بملل في المعهد مافهم شي ولا شي وكنت انتضر بس اخر يوم
في هاليوم عاد ماجا وياي حسن قال بيجي ويه ابوه
اول مارحت دخلت الصف شفت زهراء قاعده انا سلمت ومادري اصلا ردت او ماردت لان
ماسمعتها قلت يمكن صوتها ماينسمع رحت وقعدت مرت عشر دقايق انتضر حسنو هالغبي تاخر واااجد..وزهراء
كانت قاعده ولا مهتمة تلعب في تلفونها مادري شتسوي المهم ولا كان احد قاعد اصلا
يعني مو مثلي كنت مستحي ومتردد لان من اول الحصص كله نتهاوش قلت بطلع بره
لان اصلا مادري وش فيي..
عاد بعدين وصل الشيخ حسنو ودخلنا الصف وجوا ربعها اكتشفنا ان هم ربع مسوين شله
وجاين مسجلين في المعهد..
وبعد ماجت المعلمة الحصة وقامت تشرح بعدين قامت تدور لينا شي تعطينا اياه
المعلمة: يلا احمد انت كله تقول اني كله اقوم البنات يشاركون وانتون ماهتم فيكم يلا
قوم اقرا هذي الفقرة
سمعت وحده من البنات تقول: مشكل كان هم يعرفون شي او يهتمون عاد ،اظن انها
كانت زهراء
انا سكت عنهم عاد يوم شفت الكتاب انصدمت
انا: واااجد كبيرة الفقرة خلي وحده من العبقريات تقراها
زهراء: اني معلمة بقراها
في هالوقت قلت لحسن: تقول لي مو مغرورة هذي شكلها واجد متكبرة ومغرورة
حسن: انا صراحة ماشوف فيها شي انها قالت بتقراها انت مادري وش فيك
عاد هي قامت تقرا وانا احاول افهم شي صراحة ولا ادري هي في وين وصلت
تقرا كانت بسرعه عاد قلت بسوي حركه اخليها تنتبه لروحها..
احمد: بال بال طيران الخليج
لكن زهراء هالمرة ماردت مو متعود منها تسكت
سكتت وكملت القراءة
ملاك: تيجر شوفيهم مايخلونا ننتبه يسوون ازعاج كله يهدرون
انا قمت اعيب على صوتها سويت روحي بنية:ويي صدق احنه واايد مزعجين واي واي
عاد اهني الكل ضحك حتى المعلمة لان ماكانت متوقعه مني مثل هالحركة..وعلى فكره حتى زهراء
قامت تضحك
(نطلع من القصة شوي stop)
(الحين في الواقع)
علي: انزين الحين ويش الزبده نبي نعرفها
عبد الله: اي ويش الجبنه نبي نعرفها؟!
احمد: وااجد ظريفين انا قاعد اقوليكم القصة فانطموا واسمعوا لا اكنسل
علي: لا كمل كمل ..
(عدنا للقصة هع p:
المهم مرت عن ديك الحصة تقريبا سبع حصص يعني بقوا حصتين وعاد الحصص الي طافوا
مامروا بسلام كله هواش واكثر شي ويا زهراء لان زهراء ماكانت تحب تسكت عن حقها
وانا كنت اعاندها واخلي حمصتها تحترق مادري ليش كنت استانس اذا هي تعصب
وصارت تكرهني ماتطيقني كلشش كله هواش ويايي ..
المهم عاد في يوم في نهاية الدوام قلت لحسن ان نروح نداور على مايجي اخوه
يوسف ووافق
ورحنا ندور ونجنن الجهال مال المعهد الهبلان للحين اذكرهم عاد واحنا نمشي شفنا بنية تمشي
قدامنا متقدمه عنا شوي شكلها خايفة تمشي اصلا لان بروحها..واظن انها كانت خايفة تمشي لان
كانوا وراها صبيان في مثل عمرنا او اكبر منا بسنة ..كانوا يمشون وراها ويتحججون وهي
عاطتنهم (السيين) لاان كانت خايفة
قعدنا نسولف ونهر وهي يوم سمعت ان في صبيان غير وراها صارت تمشي بسرعه مادري
يعني ليش هي خافت او طلعت من الخوف الي كانت فيه..
عاد دخلت زرنوق وراحوا وراها الصبيان يوم مرينا على الزرنوق انتبهت ان البنية هي نفسها
زهراء وكانوا الصبيان محاصرينها ويتعلفون وانا ماكنت ادري وش اسوي سحبت وياي حسنو وانتون تعرفون
حسنو موته المضاربه ونطيح فيهم طيح نتفناهم
7
7
(الواقع الحين)
عبدالله: قوم علوووه قم جيب نفيش المقطع لا يفوت
علي: انجببب انت احمد كمل كمل شوقتني صراحة
احمد: هههه انزين انتون سكتوا علشان اكمل
علي:اكو سكتنا يلا كمل
انزين نرجع للقصة..
يوم طحنا فيهم ضرب هربوا
وانا مادري اصلا ليش دخلت روحي في الموضوع يمكن لان انا كنت اعتبر زهراء مثل
اختي ومارضى عليها.. ويوم دلاك هربوا طالعت زهراء كانت واقفة تطالعنا ووجها كله دموووع انا
اول مره اشوف زهراء ضعيفة جدي وخصوصا قدامي لان هي كانت ماتحب تبين روحها ضعيفة
وانا اعترف انها قوية وماتحب تسكت عن حقها ..
ماشفت روحي الا اقول ليها: ليش كنتين تمشين بروحش
زهراء وهي مو عارفة تتكلم من االصياح:اني كنت بروح بيت عمتي لان قريب ومافي احد
يجي لي يوديني
انا: وين بيت عمتش؟
زهراء: قريب ماباقي عليه شي
انا : حسن انت روح انتضر يوسف اذا جا روح وياه انا بوصلها واذا انتون
مشيتون بتصل لفيصل يجي ليي
حسن: اوكي
زهراء كانت واقفة ومو عارفة شتسوي فشلانه من الموقف الي صار: لامايحتاج بيت عمتي قريب

انا: لايحتاج يلا امشي
انا في داك الوقت صراحة ماكنت ادري ليش سويت جدي وليش كنت خايف عليها لهدرجة
!! يمكن لان في داك الوقت كنت اعتقد انها مثل اختي
وعاد وصلتها بيت عمتها وطلع بيت عمتها مافي احد تخيلوا!! يعني تحمد ربها ان انا
بقيت وياها
(الواقع الحين)
عبد الله:يعني كل هالبلاوي الا صارت واخر شي بيت عمتها مافي احد صدق هبلة
احمد: انت اسكت واسمع السبب
نرجع للقصة..
انا في ديك الحزه مادري وش اسوي قلت ليها: ليش ماتصلتين قبل
زهراء من الفشيله الثانية الا صارت ليها حطت الحره فيي انا:اول شي لان تلفوني مافيه
كردت انزين وثاني شي اني قلت لبيتنا ان اني بروح بيت عمتي وعمتي ماتطلع هالحزه
مادري ويش صاير اليوم كل شي ضدي ..
انا تعاطفت وياها شوي قلت هي مو قصدها تحط الحره فيي من المواقف الا صادتها
وحطيت روحي بدالها: انزين امشي نرجع المعهد واتصلي لبيتكم من تلفوني..
زهراء: اوكي..
يوم وصلنا صوب المعهد ماكان في احد وكان قريب بياذن اذان المغرب..
عاد اتصلت لابوها وقال ليها عشر دقايق وهو عندها..صكت التلفون ،،
زهراء: يلا اتصل لبيتكم يجون ليك الصراحة ماعرف شلون اشكرك اول مرة احس ان فيك
شويه من الطيبة
انا في ديك الحزه قلت في قلبي مغروره وبتظلين مغروره طول عمرش
انا: انا اصلا طيب من زمان بس من يقدر، وانا مابتصل الحين بكمل جميلي لين
يجي ابوش بتصل ليهم اخاف بعدين اتصل وتبنجر سيارة ابوش وتبقين بروحش ويجون ليش دلاك
الصبيان ،، انا قلت جدي بطريقة مزاح
زهراء: تتطنز ها لكن ماعليه بتشوف بتطيح في مثل موقفي بعدين بتقدرني يالمغرور
انا اهني ماقدرت اجود روحي تقول عني مغرور واسكت قلت ليها: محد مغرور غيرش ..

زهراء: صدق مغرور..لو ماكنت بعيد عني شوي شان فلت عليك الدفتر على راسك علشان تعقل

انا: حشى حشى هذي مو بنية صبي جزات خيري واقف وياش واساعدش لكن ماعليه بروح
وبخليش بروحش اهني …سويت روحي بمشي وانا اصلا امزح ماكنت ابي امشي بس ابي اشوف
ردت فعلها
زهراء: لابس خلاص اقعد اهني اني المغرورة اخاف دلاك يردون يرجعون
انا اهني في هالموقف ماقدرت اتحمل موقفها فقمت اضحك واضحك وحتى البنية لعنت الساعه مسكينة
الا عبرت فيها عن خوفها
انا: اوووه طلعت زهراء تخاف بعد
زهراء: لاجايفني ويش مو انسان؟
انا: الصراحة اي
قامت تطالعني بنظرات كانها خاطرها تعطيني كف اشوى انا مو اخوها لو اخوها شان مابقى
فيي ضلع صاحي وهذا الي مشجعني له انا مو اخوها ماتقدر تسوي لي شي

بعدين كسرت خاطري لان ماعرفت ترد قلت ليها: امزح انتين انسان خخخ
هي سوت روحها ماتهتم لرايي قالت: انزين انت بيتكم اي دوار؟
قلت ليها : ليش بتخطبيني؟!
الا تسوي: حدك بااايخ
انا: شرحت ليها وين بيتنا
زهراء: امم يعني قريب من بيتنا انزين ليش ماتجي ويانا وتخلي ابويي يوصلك
انا: الا اذا كنتين ماتبيني عاد
زهراء: سخيف حدك
وبعدين جا ابوها وقالت ليه علشان يوصلني وبعدين رحت وياهم يعني طبعا انا الي قعدت
قدام لان انا صبي يعني ..
7
7
علي: اكيد هي انقهرت
احمد: حدهاا ماتتصور
عبدالله: وانت شلون عرفت انها منقهرة
احمد: صبر له بقول ليكم
علي: انزين يلا خلص
يوم في السيارة..
ابو زهراء: وليش مارحتين بيت عمتش؟
قالت ليه زهراء السالفة من طاطا لسلام عليكم
ابو زهراء: اي ماشاءالله عليه احمد ولد عائلة محترمة
عاد انا ابتسمت يعني اكيد لين واحد يمدحك بتستانس
ماشفت الا زهراء تقول : اي حددده محترم ماشااء الله عليه هي،( تقول جدي تبي
تبين ليي ان العكس يعني)
ابو زهراء: وين بيتكم؟
شرحت ليه بيتنا وقال انه يعرف ابوي وقعد يمدح في اصلنا
ابو زهراء: اي ماشااء الله عليك ولد عائلة محترمة
(وبعدين وصلني البيت وقال لي سلم على ابوك ..)
7
7
احمد : الساعه كم؟؟
علي: اثنعش الا ربع
احمد: باال انا لازم اقوم باجر اول يوم جامعه ماقدر اتاخر
عبدالله: اقعد كمل هاليومين الباقيين بسرعه لاتقوم الا مخلصنهم احنا بعد وياك في الجامعه لاتتهرب
بديت القصة كملها
احمد:خخخ اوكي بقوليكم عالسريع..
واليوم الي بعده يعني تدرون هذا اليوم قبل اليوم الاخير..
دخلت انا وحسن الصف وتوقعنا نشوف زهراء قاعده لان دائما كانت تجي اول وحده.. لكن
ماكانت هناك استغربنا يعني اول مرة قلنا يمكن متاخرة
عاد بعدين يوم جت المعلمة وجت سارة وياها ملاك
سالت المعلمة عن زهراء ..
المعلمة: شفيها زهراء للحين مايت مو من عوايدها تتاخر
ملاك: زهراء مريضة
سارة: اي مصخنه
انا استغربت صراحه توني شايفنها من يومين مافيها شي صدق يعني المرض مايخلي احد في
حاله
المعلمة: ماعليها شر وقامت كملت الدرس…
وعاد هذا اليوم كان هادئ مافي تعليق ولا هواش لان مو اهني زهراء له مافي
احد نتهاوش وياه
ومر هاليوم على خير الا بالنسبة لزهراء يعني لانها مريضة وماعتقد انها كانت بخير ..

رحنا الصف وقعدنه نشخبط مثل اول يوم جت فيه زهرااء بااال من زمان مانشخبط يعني
بس اول يوم واخر يوم لان زهراء تجي اول وحده مانقدر نشخبط
7
7
عبدالله: تشخبطون وش تكتبون..
احمد: ويش يذكرني وش كنا نكتب اعتقد ايميلات احرف ارقام المهم ان جدي يعني
علي: اي مغازلجيين
احمد: خخخخ مالت عليك
عبدالله: انزين كمل
احمد: انزين هذا اليوم كان عجيب ومو عجيب لان مو حليو انك تعودت على ناس
وبعدين تخليهم
علي: حشى هذي مو ستة اسابيع
احمد: حتى لو كان اسبوع بالنسبة لي انا ماحب صراحة شعور غير رائع
عبدالله: خخخ انزين كمل يبو شعور غير رائع
احمد:المهم عاد واحنا نشخبط هالمرة دخلت زهراء
زهراء: السلام عليكم
انا وحسن: وعليكم السلام..
هالمرة انا الي كنت قاعد في المحل الي يطوفون منه لان حسن خاف يقعد وبعدين
يصير ليه نفس داك الموقف خخخ
عاد انا نسيت اتباعد
جت زهراءوقالت: واني ان شاء الله شلون اطوف
انتبهت لروحي وتباعدت بدون كلام لان للحين مااعلنت الحرب قلت بخلي شوي للحصة بنخفف عليها
توها صاحية من المرض ههههه
عاد في الحصه قلت بعلن الحرب ..
رن تلفون زهراء ..
انا سيده صرخت: معلمة مايصير جدي صراحه احنا نفكر وهي تسوي لينه ازعاج بتلفونها
المعلمة: زهراء سوي تلفونش سايلنت
زهراء: معلمة هذي بنت عمي برد عليها بسرعة
انا: لا لا بتزعجينا اكثر
زهراء عناد لي شالت التلفون وبعد ماصكته سمعتها تقول: الظاهر اليوم مابينتهي الا بطراقات
انا اهني ضحكت بالقوة..
المعلمة: يه شفيك احمد استخفيت
زهراء: تيجر هو مو توه مستخف من زمان على فكره بس محد منتبه
انا: محد مستخف غيرش
حسن: اي سكتوا عن ولد خالتي يلاا
ملاك: انتون سكتوا مو تلفون هذا الي رن حشى حشى
حسن: ولا بعد حاطه ليها مدافعين .
زهراء: انت ليش تدافع عن ولد خالتك هالهبل بعد له
انا: معلمة جوفيها تغلط
المعلمة: يلا خلاص سكتوواا واخر مرة احد يشيل التلفون وكلكم سوووه سايلنت
انا: مشكل اليوم اخر شي
المعلمة: انزين احمد لاتتكلم ترى بطلعك برا
زهراء: اي تيجر زين ماتسوين فيه
انا: مايصير مايصير مو بس انا ظلم ظلم
المعلمة: حتى زهراء الحين اذا سمعت ليش صوت بتطلعين وياه برا
ملاك: معلمة هم الي يبدون
المعلمة: انزين خلاص سكتوا ونقلوا الفقرة الي على السبورة
وبعدين خلص الوقت وطلعنا بره ..عاد انا فيي حره مو قادر اسكت عن زهرو لازم
اطلع حرتي فيها لازم توقيع قبل لاتروح..
وقفت انا وحسن بعيد عن البنات بشوي ننتظر ولد عمي فيصل..
وبعدين جوا لملاك وسارة وبقت زهراء بروحها
وانا حالف ماتتحرك الا بتوقيع ماامشي من هناك الا بشي يقهرها من زود قهري
7
7
عبدالله: بل وش بتسوي فيها كل هذا علشان تبي تقهرها علشان انت تستانس خخخ
احمد: اي تقدر تقول ههههه المهم رحت ليها وقفت تقريبا في جهتها وسويت روحي اسولف
ويه حسن
انا: شفتها اليوم تشلخ تقول بنت عمها الي اتصلت ليها ابصم ليك بالعشرة مو بنت
عمها واحد غير
حسن: اي انا بعد اقول جدي
انا: بس ازعجتنا وخلت المعلمة تزفنا وهي الي مبدية
حسن: خخخ مشكل حصلت زف هي بعد
انا انتبهت ليها انها كانت تسمعنا وش نقول بس كنت انتضرها تجاوب تقول شي تنفعل
كانت ساكتة وتسوي روحها ماتسمع..قلت ماالي الا الفكره الجهنمية الا مايحبونها البنات.
اشرت ورا ماكانت واقفة زهراء قلت: وزغه وزغه طالع حسنو وزغه كبيرة
وتطفر ليك زهراء ديك الطفرة وياها صرخه كل الي كانوا هناك انتبهو ليها واقوم ليك
من موقفها اضحك ضحك والله العظيم ماضحكت مثله
7
7
عبدالله:ههههههه الله يغربل بليسك
علي: ماصار فيها شي له؟
احمد: قامت تصيح هههههههه
عبدالله:مسكينة ماتسوى عليها ورطت روحها ويا واحد مجرم مثلك
احمد: انقهرت علي حدها وبعدين جا ليها ابوها واخذها تخيل اخر يوم وقعت عليها توقيع
مابتنساه طول عمرها هههه
علي وعبدالله:هههههه
احمد: لكن الحين نادم يعني من بتذكرني بتذكر سواياي وياها ومتاكد كرهتني كره خخخ
علي: خخخ قصةالصراحة ولا في الاحلام
عبدلله: اي جتني النومة روعه صراحة مافي قصة غيرها
احمد: قوموا ذلفوا عن وجهي تطنزون ها ،انزين انا الحين بقوم الساعة اثنعش ونص علشان
اتسبح واجهز روحي لاول يوم جامعه
علي: ايي اول يوم جامعه كشخه كشخه
احمد: يلا مع السلامة اشوفكم في الجامعه
علي وعبدالله: الله يسلمك
تجمعوا الربع في الجامعه..
حسن: يلا شكلنا تاخرنا
علي: وش فيك مستعجل على رزقك توها الناس
احمد: خله منزهق انه وصل الجامعه مو مصدق ان هو في الجامعه هههه
علي وعبدالله:هههههه
علي: ماعليه الايام جايه وبتكرهها
احمد: وين يكرهها وكل هالاشكال اهني
حسن: هي انتون واجد مصختونها انا عندي مره
علي: اي صدق شخبارها وياك امس
حسن طالع احمد فهم ان احمدو قال ليهم: زينة تسلم عليكم
عبدالله:ههههه صدقنا لكن مااقول مالينا اللا الله محد يسال عنا
علي: وانت كله تسوي روحك تكسر الخاطر
عبدالله:انا اقول الصدق له انا اكسر الخاطر محد يسال عني ،، قام يسوي روحه باقي
شوي ويصيح
حسن وعلي: ههه اي واجد مسكين تكسر الخاطر
احمد قام وسحب الكتاب الي عند عبدالله ومشى بسرعه
وقام عبدالله يلحقه
عبدالله: جيب الكتاب سويتنا جهال
احمد يطالع وراه: تقول تكسر الخاطر واحنا وياك وماكمل كلامه الا هو راقع في بنية

البنية: اسفة وفي نفس الوقت
احمد مو عارف وش يسوي تفشل: اسف ماكنت منتبه
البنية مو عارفه شتقول من الفشله: لا عادي ماصار شي
وقام احمد يشيل اغراضه الي تنفروا وهي بعد قامت تشيل اغراضها وكملت طريقها ويه ربعها

عبدالله: ههههههههههههااااااااااي وييييليييي
احمدوو احول ويو ويو
احمد متفشل حده: اسكت لا ادوس في بطنك اهني
حسن وعلي:ههههه
حسن: احمدو ماليك حل تضحك وانت متفشل
احمد: الحين عاد ولا بيسكتون
عبدالله: تصدق لكن حليوة
احمد: احس كاني شايفنها من قبل
حسن: في وينه يعني في القهوة خخخخخخخ
علي وعبدالله: هههه اي يمكن
احمد: بايخين حدكم
علي: هي انتون لا تتكلمون على البنية مايصير الظاهر كان وياها خطيبها
عبدالله: اي كان وياهم صبي
حسن: عجل احمد خلاص مافي امل تصير ليك خخخ
عبدالله:هههههه حلوة حسون حلوة
احمد:انا من قص علي وقال لي امشي وياكم ،، قالها عن طريقة مزح وهو يضحك

كملوا المزحه وياه،،
حسن:قوية والله قوية
علي: افا بس افا
احمد:ههه امشوا يلا تاخرنا، وكملها وقال : على هالاشكال الي عليكم

زهراء: هههه انزين خلاص سكتوا بلعتوني وش فيكم والله حاله
ملاك: تستاهلين علشان هالمرة ماتعيبين عليي يوم اطيح
عماد اخو ملاك: خلوها في حالها بكبرها صايرة طماطة من الموقف
سارة: ايي لو اني بدالها ماتكلم
زهراء: خخخ
ملاك: انزين يالمرشد يلا علمنا وين نروح الحين
عماد: امشوا ورايي
زهراء تكلم ملاك: مصدق عمره هذا المغرور
ملاك: وانتين من ماقلتين ليه مغرور كل الناس عندش مغرورين ولا عاد احمد الحب الاول

زهراء: انجبي اي حب واي خرابيط كنا جهال وكان مجرد اعجاب
ملاك: لكن تصدقين هذا الي رقع فيش شايفتنه من قبل
زهراء: اوهو رجعنا لهسالفة
سارة: وش فيكم انتون تساسرون
ملاك: مافينا شي
عماد: يلا اهني اول محاضرة عندكم
بعد ماخلص وقت الجامعه رجع احمد بيتهم..
احمد: السلام عليكم..
ابو احمد: وعليكم السلام.. ها شخبار اول يوم؟
احمد: الحمدلله..مشا اليوم على خير
ابو احمد: الحمدلله.. الله يوفقك ياولدي
احمد: الله يسمع منك .. يلا انا استاذن بروح ارتاح شوي
ابو احمد: مابتتغذا اكو امك طابخه خوش طبخه
احمد: انا اكلت في الجامعه وشبعان حدي
ابو احمد: اوكي عجل روح ارتاح ليك كم ساعه علشان اليوم بنطلع ويا بيت خالك

احمد: اي اشوى ذكرتني ..
راح احمد غرفته وحط كتبه فوق الطاولة الي كانت بغرفته..تسبح وصلى…وراح على سريره.. انتبه فوق
الطاولة دفتر وردي بنوتي غريب راح اخذ الدفتر من على الطاولة وقعد يفرفر فيه يقول
في قلبه لا يكون اخذت دفتر البنية يوم ادعم فيها ياربي ناقص انا بلاوي حط
الدفتر مكانه ورجع السرير وناااام…
المغرب…
منال اخت احمد الوحيدة عمرها17 سنة دخلت غرفة احمد: احمدوو يلاا قووم كلنا جهزنا قوم
جهز روحك.. راحت صوب سريره وشالت للحاااف ،، يلااا قوووووووووووم الكل ينتضرك
احمد: انزين ذلفي بره الحين بقوم
منال: انزين لا ترد تنام
احمد قام من على السرير : انزين انا بجهز بسرعة انتين قومي عدلي هالكشه الي
عليش
منال وهي تصك الباب : ماعليك من كشتي الا يقول الحين شعرك حرير واجد علشان
تفوشر علي وصكت الباب وطلعت ..
احمد ( اهمشي شعري احلى من شعرش ) راح جهز روحه وتكشخ توه بيطلع شاف
الدفتر الوردي وراح خلاه على السرير علشان يتذكره بكرى ياخذه وياه ..
في السيارة:
احمد:وين قرروا يتجمعون ؟؟
منال: الكورنيش
احمد : انتين سكتي يم كشه انا اسال ابويي
منال: ويييع
ابو احمد:بسكم هواش عاد.. ايه قرروا يتجمعون في الكورنيش..
منال: شاف روحه هو الي يسوق السيارة نفخ روحه
احمد: سمعي انتين لاتتحججين لا اوقف السيارة وانزلش بروحش في الشارع تمشين..
ام احمد: انا لله وانا اليه راجعون . انتون يعني متى طلعنا وماتهاوشتون في السيارة
انتبه ياولدي لاتسبب لينا حادث الحوادث زايدة هالايام..
احمد: ان شاء الله علشانكم بس مو علشان هالجنية ..
منال: ماااااالت
سكت عنها احمد علشان امه

يوم وصلوا الكورنيش وسلموا على اهلهم حسن واحمد راحوا يتمشون صوب البحر ..
حسن: ليش قومتنا جان خليتنا نقعد وياهم ..
احمد: او نسيت حبيبة القلب اهني سامحني حبيبي
حسن: اييه نسيت قول متعمد
احمد: اي متعمد عجل انت تقعد ويه حبيبتك وانا لا
حسن: مالت عليك يالهيس ، انت حصل حبيبتك بعدين عارض..
احمد: ااه ،،ان شاء الله بحصلها
حسن:وين بتحصلها هذي شكلها جنية تندعس في اماكن ماتتحصل فيها..
احمد: خخخ ، قلت ليك ان شاء الله له بس خلاص سد السالفة .
حسن: واذا ماحصلتها مابتتزوج يعني
احمد: ديك الساعة يحلها الف حلال..
حسن: بتحصلها حشى مو مهاجرة هي وبيتهم قريب من بيتكم بس عليك تعرف تحبك او
لا ..
وبعد خمس دقايق اتصلوا ليهم قالوا ليهم يرجعون يتعشون ..
احمد: جاك الخير
حسن: هههه،، يلا مش خل نروح
احمد: تبيها من الله انت
حسن: خخخخ،، محد فاهمني غيرك..
ويوم وصلوا قعدوا ويا ابوهتهم وخيلانهم..
حسن يساسر احمد: طالع اختك منال تساسر فاطمة تطالعنا وتضحك ..
احمد: انت بعد ساسرني واضحك
حسن: ماعندك الا هالحل مالت عليك
احمد: عجل وش تبيني اسوي يساسرون ويضحكون وش اسوي انا بعد لا تراقب خلاص بتموت
بعدين..
ابو حسن:حسن
حسن: نعم
ابو حسن: روح ود علاوي اخوك لامك اكو يصيح
حسن:ان شاء الله
اخذ اخوه الصغير علي وراح بوديه لامه …
يوم وصل وعطاه امه… حسن طالع منال وفاطمة نظرة سريعة وتوه بيمشي..
فاطمة: حسن ناد في طريقك سلمان اخوي
حسن سيده وقف مستانس يوم كلمته كانه يبغيها من الله
حسن في قلبه من عيوني: اوكي ..
يوم مشى حسن..
منال: هذا احس طبايعه غريبه
فاطمة: ليش يعني
منال: مادري احسه مليئ بالاسرار
فاطمة: اقول سكتي يالمحللة النفسية لا تجننيني
منال: خخخخ
حسن يوم وصل للرجال: سلمانوا يبونك ؟
سلمان اخو فاطمة عمره 15: من الي يباني
حسن: اختك فاطمة
سلمان: اوهو وش تبي في هالهبلة بعد
حسن: تبيك بعد وش تبي فيك روح شوف وش تبي صدق خايب
سلمان: انزين الحين برووح..
عقب ربع ساعه.. رجع سلمان
سلمان: لوزين مارحت
احمد: ههههه وش سوو فيك هالسحليات
سلمان: طرشوني اروح اشتري ليهم وهناك زحمة كنت مابشتري ليهم بس لان عطوني علشان اشتري
لي بعد
احمد: صدق مصلحجي
حسن: ليش ماخلوني انا الي روح
سلمان: ليش تبي يعطونك تشتري لروحك
احمد ضحك على اسلوب سلمان لانه فهم غلط: ههههههههههههه
حسن: لا يالغبي بس انا مثلك صبي ليش ماطرشوني يعني مشمعنى خلوني اجي اناديك
سلمان: وشدراني انا،، ومشى
احمد: يستحون يمكن
حسن: اي دلين يستحون طل كم مرة طرشتني منال اشتري ليها
احمد: يمكن فاطمة تستحي منك
حسن عصب: مالت عليها لازم ماتستحي مني
احمد: خخخخخخخخ
و بعدين استانسوا … ورجعوا بيوتهم متاخر الساعه 12:40
احمد يوم وصل بيتهم سيده بدل وانبطح على السرير من التعب.. فتح عيونه شاف صوبه
الدفتر
اخذه قال بيشوف وش اسمها ..
فتح اول صفحه مكتوب يومياتي وتحت مكتوب اسم البنية ((زهراء محمد حسن ))قام مرة وحده
من على السرير
احمد بصدمة:زهراء!! ،،(طارت النومة) لا يمكن وحده ثانية نفس اسمها ،،

معقولة الزمن بيرد يجمعنا.. فتح الصفحه الثانية شاف مكتوب …
15/7/2004 م ( اول يوم في المعهد) وقعد يقره وهو منصدم كل الي يقراه نفس
الي قاله في القصة كانها سامعتنه ومسجلتنه .. قعد يقره صاده فضول يبي يعرف وش
كاتبه عنه شاف مكتوب ( كان ويانا واحد حليو كنت ابي اعرف اسمه وطلع اسمه
احمد) احمد: الله انا حليو توني ادري .. فر الصفحه الي بعدها شاف مكتوب( اكتشفت
انه مغرور مايناسب عليه ) اهني احمد ضحك ، احمد: كانها سمعتني وردت تقول حليو
واذا استانس تقول لي مغرور ، تذكر سوالفها وهواشهم ،، وقعد يقره وكلما يقره شي
يذكره بالاشياء ،، قرا عن يوم كانت بتروح بيت خالتها ولصبيان يتعلفون ابها وهم دافعوا
عنها كانت كاتبة(اصلا اني انزهقت ماتوقعت هالمغرور يدافع عني ) احمد يقول في نفسه: حتى
في مذكرتها كاتبه اني مغرور حشى .. واصل القراءه ( لكن مسكين وقف ويايي وساعدني
) صارت الساعه 2 الفجر وهو للحين يقرا في هالمذكرة ( هذا اليوم ما رحت
المعهد لان صادتني انفلونزا وذبحتني ماقدرت اقوم خسارة فاتني يوم كامل ماتهاوشت فيه) احمد: طلع
حتى هي تستانس اذا تقهرني خخخ، وصل لاخر يوم في المعهد شافها كاتبه(اخر يوم كان
المعهد كشخه، كله هواش ، هو صح اني اتهاوش ويا احمد لكن اني مااكرهه )
اهني احمد تطمن استانس (بس خسارة والله مو حليو اخر يوم ، مو حليو ان
اذا شخص يتعود على ناس وتالي يخليهم ) احمد: تبوق كلامي بعد،،قام يقره بسرعه يبي
يوصل لتوقيع الي سواه ليها يبي يشوف وش كاتبه عنه ( كنت واقفه ماشفته الا
يصرخ وياشر ورايي ويقول وزغه شان اطفر واصرخ صرخه عمري ماصرختها تفشلت حدي ومن الفشله
قمت اصيح ، وقاموا يضحكون عليي ، انقهرت عليه ، بعدين مشيت واني كان خاطري
انتقم كنت اتمنى ان اني انتقم بس ماصار وقت ، وانتهت ايام المعهد لكن كنت
اتمنى لو ترجع ) ابتسم احمد وارتاح ظميره لان طلعت ماتكرهه صك الدفتر لان خلص
الي يبغيه مايبي يتجسس اكثر ،، احمد: واخيرا حصلتش يازهرو ، حشى وينه منخشه ،
بل شلون بعطيها الدفتر باجر وين بحصلها وشدراني وش ماخذه هي ، حتى لو حصلتها
ماقدر اطالعها اخاف تعرفني ، لا ماعتقد تعرفني بعطيها الدفتر وبمشي ولا كاني قريته وسويت
شي اكيد تدور على دفترها الحين..لكن تستاهل محد قاليها تاخذه وياها الجامعة لهدرجة ماتقدر تفارقه،،
وقعد يهر ويا روحه لين مانام…
في بيت زهراء .. زهراء مو عارفه تنام تفكر في دفترها الي ضاع لان هو
علطول وياها محد يقراه غيرها ..
زهراءتكلم نفسها: ياربي اكيد الصبي الي دعم فيي شال دفتري وياه ،، ونامت وهي تفكر
في دفترها..
في الجامعه بعد يومين (الاحد):-
احمد: انزين شباب انا استاذن بروح شوي وبجي
حسن: وين بتروح بعد؟؟
احمد: بروح وبجي مابتاخر…وتباعد عنهم…
عبدالله: اي حسون يقولون تقدمت لحبيبة القلب
حسن: احم احم ايه له
علي: اوه صدق مبروك مبروك متى الخطوبة ان شاء الله
حسن: خلها توافق هي اول بعدين بقوليك متى الخطوبة انا بس خليت امي تكلم امها
امس
علي: يعني هي غبية بعد مايبي ليها تفكير انت مافي مثلك لو انا بدالها شان
سيده اوافق
حسن: لو انت بدالها شان انا الي اكنسل
عبدالله: هههههههااااي .. مسكين فشلوه، حسون لو انا اصلح اكون بدالها له
حسن:لا ولا واحد يصلح يكون بدالها ولا بنية ابغيها بدالها مامبيها الا هي ويلا انجبوا

علي: وييييو فشلوه فشلوه
عبدالله: سد بوزك اقول
حسن: انزين يلا قوموا بنشوف احمد في وين بنروح ليه
احمد قام يدور زهراء واخيرا حصلها قاعده ويا ربعها ..
احمد: لو سمحتين انتين زهراء محمد حسن؟
زهراء دارت راسها شافته وانزهقت تذكرت دفترها: اااي اني ههي امر ؟
احمد ابتسم( هو كان يدري ان هي بس يسوي روحه مايدري): اول شي السلام عليكم

زهراء: وعليكم السلام
حسن: ها اكوها قاعد ويه البنات اسود الوجه
عبدالله: احممد
احمد:سوى ليهم بالاشارت( لحظة شوي.. صبروووااا)
احمد: مسامحه على الازعاج بس انا بالغلط داك اليوم حملت دفتر من عندش وجيت برجعه
لش واعتقد ان هذا هو صح؟ مد ليها الدفتر
زهراء: اخذت من عنده الدفتر، لا عادي مافي ازعاج واي هذا هو دفتري مشكور ،..

احمد: العفو .. ويلا انا استاذن مع السلامة
زهراء : مع السلامة
ملاك: قسم بالله شايفتنه من قبل صدقيني شايفتنه ماااجذب حتى طريقة كلامه
زهراء: انجبي يالهبلة يالملقوفة مالحق يتباعد فضحتينه، حشى حشى في وين شفتينه؟
سارة: على فكره اسمه احمد ها
ملااك: ايييييييييي عرفت في وين شفته هذا احمدو الا كان ويانه في المعهد
زهراء: يوو استخفوا لو هو شان بينعرف هو صح فيه شبه شوووي لكن مو هو،
اقول قوموا لا تجننوني خل نروح تاخرنا
ملاك: ان طلع اسمه احمد جاسم تعشينا على حسابش ،،
زهراء: الي كان ويانه يالغبية مو اسمه احمد جاسم اسمه احمد علي و انزين خلوا
هالهرار عنكم ويلا قوموا
ملاك:حافضة اسمه بعد لكن بتشوفين اني متاكدة ان هو 100 % صح نسيت اسمه لكن
مانسيت شكله
احمد: وش فيكم انتون شان انتضرتوني له قلت ليكم بروح وبجي
حسن: جزات خيرنا جايين نتطمن عليك
احمد: جى انا جاهل
عبدالله: الصراحه اي
احمد:قول والله!!
عبدالله ياشر على روحه: لازم قبل لاتتحرك تقول للبابا ،(اشر على علي) ،و للماما وين
بتروح
احمد: هههههههههه ان شاء الله مرة ثانية بابا
علي يقلد على النسوان وضرب احمد على راسه: وانت تعال يلي ماتستحي اني جم مرة
قايلة ليك لاتروح ويه البنات مايفيد فيك انت بناتي متى نزوجك ونفتك منك ..
احمد وعبدالله: ههههه
حسن: صدق وش كنت تسوي هناك؟
احمد: رحت ارجع دفترها اخذته وياي داك اليوم بالغلط
عبدالله: شفتون ولدي ونعم الولد طلع مقصده شريف
حسن: خخخخخ انزين يلا امشوا تاخرنا
عبدالله: يلا مشينا
العصر الساعه 4:00…
احمد:االو
حسن: هلا هلا بالطش والرش
احمد: وش تبي قعدتني من احلى نومة في حياتي
حسن:افاا بس افااا ماهقيتها منك
احمد: والله امس مانمت شي ،، انزين يلا حبيبي قول وش تبي اسمعك
حسن: خلاص مابقول
احمد: يلا قول لا اصكه في وجهك الحين ماتنعطى وجه
حسن: بل ، المهم ماعلي منك ، اهم شي انا مستانس
احمد:على ويش مستانس؟
حسن: الله مستانس على احلى امنية تمنيتها وتحققت
احمد: لاتقول فطمو وافقت!!
حسن:اييييييه وافقت، ولو سمحت لاتقول عن خطيبتي فطمو اسمها فاطمة
احمد يبي يغربل حسن:انزين ياخطيب فطومة
حسن: لاتقول فطومة اغار انا قول فاطمة
احمد: خخخ انزييين كلشي ولا حسون، اي صحي ماباركنه ليك مبروك مبروك
حسن: الله يبارك فيك
احمد: وان شاء الله متى الخطوبة
حسن: وشدراني للحين ماحددوا انا من دريت سيده جيت قلت ليك
احمد: خخخ اكيد لازم انا اول واحد ادري احم احم
حسن: بسك نفخه ويلا اذلف خلصت رصيدي
احمد:يلا انقلع طيرت نومتي الله يغربلك انقلع يلا باي
حسن: خخخ باي
الساعة 9 على العشاء..
ام احمد: اكو حسن خلاص خطب وخلص يلا الحين دورك لمتى بعد
احمد غص بالسندوييشة:كححح احم احم
ابو احمد: بسم الله ، شوي شوي
منال: اي متى بتجيب لي وحده في البيت كله بروحي حشى
ابو احمد: خلوا الصبي في حاله توه اول سنة لاحق على الزواج
ام احمد: لا مو لاحق ماابي ولدي يتاخر في الزواج اباه يتزوج وهو صغير علشان
الحق على اولاده
احمد: الله يعطيش طولة العمر وتشوفين اولادي واولاد اولادي بس انا ما افكر في الزواج
الحين وان شاء الله اذا الله اراد انتضري سنة بعد
بعد تقريبا شهر وتحديدا في ليلة خطوبة حسن وفاطمة….
في بيت ابو احمد….
احمد في غرفته رن تلفونه
احمد:الوو
عبدالله:هلووو
احمد: هلا حيا الله عبود
عبدالله: الله يحيييك
احمد: ها شطاري عليك تتصل
عبدالله: لا بس جذي ابارك ليك على خطوبة حسن
احمد:الله يبارك فيك ،، عقبالكم
عبدالله: قول عقبالك انت انا خلاص بتصير لي ريم بنت خالتي ، كلمت امي خالتي
وباقي رد ريم
احمد: اوووه مبرووووك ..
عبدالله: الله يبارك فيك
احمد: الا اشوف من ينوي واحد يخطب يخطب الثاني نفس يوم يخطب اخوك خطب رفيقه
هههه
عبدالله: بعد هذي الحياة خخخ،، وانت ان شاء الله لمتى؟؟ لا يكون تنتضر بطلة القصة
لما تشرف
احمد: هههه من زمان شرفت
عبدالله: احلف متى شفتها،ولا يقول بعد
احمد: خخخخ اليوم اذا تجمعنا في الليل بقول ليكم السالفة كامل
عبدالله: اوكي انا بسكر التلفون سهى اختي تناديني
احمد: اوكي يلا باي
عبدالله: باي
منال دخلت على احمد…
منال: احمد شوفني حليوة
احمد: اووه اووه بتغطين على العروس لاتروحين بعدين بيذبحش حسن
منال: مو على كيفه، وش ذنبي اذا اني احلا من زوجته
احمد: طالع صدقت عمرها صدق مغرورة لاتنسين هي عروس يعني بتصير احلى منش
منال:ياعلي متى اصير عروس
احمد: خخخخ طالع هذي ان شاء الله قريب…
منال: وانت عرس له خلني اتعدل يمكن لين شافوني في عرسك تخطبني وحده لولدها
احمد:هههههه صدق اما انتون سوالفكم مادري من وين تجيبونهم، اقول روحي جهزي روحش لا اخذ
امي بس وماوديش الصالة اخليش اهني
منال: انزيييين
احمد: ليش بس عشر دقايق ها مستعجل انا ابغي اطلع
منال: اففففف خمسةعشر دقيقة اني جاهزة وطلعت
احمدبصوت عالي: قلت عشر ها اذا ماجهزتين بمشي عنش
سمع صوت منال تقول:ههههااااي قولي لي شلون بتمشي عني يالغبي …
احمد:يعني ماقدر تحسبين ، الحين بقوم وبخليش
منال: اتحداك
عصب احمد وقام بيطلع،، يدور مفتاح السيارة ماحصله
منال: هههااي عرفت ليش ماتقدر تطلع الحين ماتطلع الا رجولك على رجولي، وتصك باب غرفتها
بسرعة
احمد وقف عند باب غرفتها: طلعي المفتاح احسن لش
منال: انتضر لما اخلص
احمد: قسم بالله اذا ماطلعتين الحين بكسر باب حجرتش
منال علطول فتحت الباب: بس خلاص يالمجنون اكو خلصت مو متبرية من باب حجرتي اني
ابغيه
احمد:هههااااي كشتش طارت عدليها ويلا لبسي دفتش وخلاقينش وامشي انا ويه امي ننتضرش تحت ها

منال: كله منك حتى كشتي تخرعت منك
احمد: يلا روحي لايجيش كف واجد اخرتينا
منال: انزييين
وبعد ساعة كانت منال وامها في الصالة..
واحمد راح لعبدالله وعلي…
عبدالله: حيا الله البطل
احمد: الله يحيييك
علي: شخبارك؟
احمد: تمام الحمدلله اسال عنكم
عبدالله: احنا تمام، ويلا قول لينا السالفة
احمد: اي سالفة؟
عبدالله: طالع هذا، سالفة بطلة القصة وكيف ظهرت
علي: يتكلم فصحه بعد مو هين خخخ
احمد:خخخخ اييي تذكرت، منال ماخلت معلومة في مخي الا طيرتها تطلع الواحد عن طوره
عبدالله:ههههههه البنات كلهم جذي
علي: الا الحين هي في اي صف؟
احمد: توجيهي يازعم خخخ ،انا مادري شلون وصلت لتوجيهي حدها هبلة
عبدالله: ويش تدرس؟
علي: حقويه بتخطبها هههههههاي
عبدالله: مالت عليك عندي خطيبةانا
احمد: خخخ ماخذه علمي تبي تصير دكتورة واجد تحلم هذي
علي:الله يوفقها
احمد: يوفق الجميع
وقاموا يسولفون لين ماصارت الساعة 12 وقال ليهم
احمد كلشي
رن تلفون احمد..
احمد: اوهوو وش تبي هذي بعد
عبدالله: شيله علشان تعرف له خخخ
احمد: هاا ويش تبين
منال: لا احلف تعال لينا لايكون بتخلينا اهني
احمد: انزين بجي ليكم الحين
منال: انزين يلا بسرعة
احمد: سمعي من اسوي رنة سيده تطلعين انتين اول وحده وان تاخرتين بدخل ليش بجرش
من شعرش قدام الناس
منال: مالت عليك يالمتوحش
احمد: دلفي اقول (وصك التلفون في وجهها)
عبدالله: حشى حشى ماكانكم اخوان العدوان مو جذي خخخ
احمد: انت ماتعرفها هذي وحشة
علي وعبدالله: بل ههههاي
احمد: يلا علي قوم وياي بوصلك على طريقي
عبدالله: خله انا بوصله
احمد: اقعد انرز في بيتكم على طريقي وبوصله ويش بينقص مني
عبدالله: انزين فكنا
احمد: هههه يلا علوي قوم
علي واحمد: يلا مع السلامة
عبدالله: الله يسلمكم كل يوم تعالوا خخخ
وصل احمد الصالة اتصل لمنال علشان تطلع وماشافها الا عند باب السيارة مالحق يصك التلفون

دخلت السيارة:
منال شافت علي انزهقت توها بتصرخ ، انطمت ودخلت
احمد: ياعلي اقوليك هبلة سلمي على الاقل
منال تفشلت: السلام
علي: وعليكم السلام
احمد: الا وين امي؟
منال: شافت ام سلمان (الا هي ام زهراء) وقعدت تسولف وياها قالت لي روحي واني
بجي وراش
احمد: بل ولا بتخلص عجل ، الا اشوف نفع وياش التهديد..
منال ماقدرت تسكت: اني جيت بسرعة مو خوف منك اني جيت بسرعة لان مافي احد
في الصاله بس احنا وكم وحده، وي يحسب كنت خايفة منه
علي: خخخخخ
منال تقول في قلبها : يو وش فيه رفيقه يضحك بروحه استخف
احمد: قولي لانش خايفة مني لا تستحين
منال سكتت عنه علشان تطلع حرتها في بيتهم وماتتفشل قدام رفيقه
دخلت ام احمد..
ام احمد: السلام عليكم
الكل: وعليكم السلام
ام احمد: شخبارك ولدي علي وشخبار امك ؟
علي: الحمدلله نسال عنكم
ام احمد: سالت عنك العافية سلم عليها ها لاتنسى
علي: الله يسلمكم ان شاء الله يوصل

في بيت زهراء …
زهراء قاعده في البلكونه تطالع القمر ..وتكتب في دفترها وتقراا الي كتبته قبل من الملل
…
تذكرت احمد واخذت نفس طويل .. علطول راح بالها للي عطاها الدفتر .. وقفت ..

زهراء: معقوله ان يكون احمد اخو منال هو الي كان في الجامعه!!.. يصير.. لان اني
ماشفت اخوها من خلصنا معهد …
طالعت السما الي كانت حدهاا عجيبه صافيه شافت.. ثلاث نجمات صايرين فوق بعض..
جا على بالها انها تسميهم لانها من صغرها تحب تسمي النجوم ..سمت الي فوق الامل
والي في الوسط الحب .. والاخيرة احتارت ماعرفت شتسميها .. رن تلفونها..
زهراء: هلا والله
ملاك: ياهلا بيش .. شخبارش شحوالش ان شاء الله زينة .. اكيد زينة
زهراء: شوي شوي عاد اخذي نفس ياعلي.. لا غلطانه اني زهراء خخخ
ملاك: بايخه ..
زهراء: انزين خلصينا وش تبين قطعتين علي شغلي
ملاك: الله! وش هالشغل الي قطعته عليش
زهراء: مالش دخل .. انزين وش تبين؟
ملاك تسوي روحها زعلانه:يؤؤ شكلش حدش مشغوله و مالش زاغر تكلميني يلا باي باي
زهراء: هههه تعااالي .. لو تدرين وش قاعده اسوي تفطسين ضحك علي ياليت شغل عدل

ملاك: ههه وش تسوين؟
زهراء : الله يسلمش قاعده اسمي النجوم
ملاك: حدددددش متفرغه
زهراء: ههه ادري..
ملاك: انزين تعالي مو بكرى عيد ميلادش؟!
زهراء: اي ؟
ملاك: وشرايش نتجمع احنا الربع بهالمناسبه في اي مكان
زهراء: اممم هع اوكي في البيت لان اريح لينا وش رايكم ؟
ملاك: اوكي في بيتكم عاد هاا اخوش سلمانو مانباه..
زهراء: هه طالع ..لا تخافين بكرى محد اهني كلهم بيطلعون
ملاك: اي زين عجل .. يلا بكرى بنتفق ..
زهراء: اوكيه
ملاك: لاتنسين منال اخت احمد اول وحده ها
زهراء : هههههه لاتوصين ..
ملاك: يلا قلبي سي يو..
زهراء: يو تو

صكت التلفون …
وطلعت من البلكونه ونست ماتسمي اخر نجمه ..
في اليوم الي بعده …
بعد الجامعه رجع احمد تعبااان .. وعلطول تسبح ونااام …
بعد ساعتين وتحديدا الساعه 5 العصر ..
دخلت منال غرفته ..
اول مافتحت الباب شافت الغرفه ظلام .. ومشغله موسيقى هادئة ..
منال بصوت منخفض: الله مااقدر على الرومانسي هاهاهاهاها ..
راحت صوب السرير تبي تقعد …
منال: حموود..
——– مافي رد ولا كانه يسمع شي
منال ضربته على راسه : حموووووووود
احمد:شال للحاف من على راسه… اففف وش تبين الله يغربلش على هالكشه كانش ام السعف
والليف ..
منال: وانت وش فيك على كشتي كلمرة ولا قال كشتش وكشتش
احمد: ذلفي خليني انام.. غطا وجهه
منال شالت للحاف..: حمموود يلا عااااد ابي منك طلب
احمد قام قعد : انا لله وانا اليه راجعون .. وش تبين؟.
منال: ابيك توديني بيت رفيقتي .. وبسرعه كملت قبل لا يرفض ،،.. قريييب والله قريب
مابتتعب وااجد
احمد: روحي قولي لابويي
منال: ابوي طلع
احمد: مو لازم تروحين
منال: احمد يلا عاد لازم اروح اليوم عيد ميلادها وربعنا كلهم بروحون
احمد: جاهله دي بعد تسوي ليها عيد ميلاد
منال:اي احنا للحين جهال نبي نستانس بعمرنا ياعلي
احمد:انزين هذي وين بيتهم؟
منال: قوم انت تدليه..
احمد: ويش اسم ابوها عاد
منال: الله يسلمك ويخليك اسمه محمد حسن
احمد مانتبه للاسم عدل: محمد حسن؟
منال: اي انت تدليه .. الي صوب المسجد.. يلا عاااد قووم زهرو بتذبحني تاخرت واجد

احمد يحاول يركب الاسم لان يحسه مو غريب عليه (زهراء محمد حسن):زهراء!!
منال: اي زهراء وش فيك متخرع
احمد بدون شعور: يعني اليوم عيد ميلادها؟!
منال: يوو وش فيك .. لا يكون تعرفها بعد؟
احمد استيقظ من عالمه الثاني وسمع جملتها الاخيرة: من وين بعرفها انتين بعد .. انزين
يلا روحي جهزي روحش
منال استغربت بهالسرعه!: اني جاهزة يلا قوم
احمد: اوكي روحي انتضريني تحت بلبس وبجي
منال: اووكي .. لا تتاخر ها
احمد: انزين يلا ذلفي
بعد ربع ساعه نزل احمد
منال سمعت صوت احد على الدرج: شان قعدت اكثر بعد.. يوم شافت احمد: الله الله
الله وشهالكشخه مانقدر .. لا يكون اليوم عرسك واحنا ماندري
احمد: امشي وبلا هرار احمد كان روووعه حده .. كان لابس جينز ازرق متدرج للبحري
واسع شوي ..وفانيلة سوده روووعه فيها كلام بالاحمر .. وكاب احمر ونظارة شمسيه ولا اروع
..)
يوم وصلوا بيت زهراء ..
نزلت منال من السيارة وقبل لاتصك الباب ..
منال: حاسب لتلفونك ها من اسوي لك رنة تجي لي مابغي انقع في بيت الناس
لباجر …
احمد: انزين دلفي
صكت الباب وراحت داخل …
اماا احمد ماقدر يتباعد عن المكان الموجوده فيه قلبه ..بركن على صوب وقعد يفكر ….

في بيت زهراء:

منال: زهروو ..والله اسفة لاني تاخرت هذا الغبي اخوي الا اخرني قعد يتكشخ الا يقول
اليوم عرسه

زهراء تذكرت احمد تسوي روحها ماتدري عنه شي: هههههههههه الا هو الحين ايقد وفي وين
يدرس؟

ملاك غمزت ليها: تعرفينها من سنة جدي ولا تعرفين شي عن اخوها

زهراء تكمل الخطه: يؤؤ جى لازم اعرف اخوها

منال: هههه اخوي قدش له ويدرس في جامعة البحرين

زهراء:اهااا

سارة: ويش قاعدين تهرون…

زهراء انتبهت:هااا

ملاك تضحك: ههه الي ماخذ عقلش يتهنا به

زهراء صار وجها قوس قزح: بس خلاص انجبوا

ملاك وسارة ومنال: ههههههههههههههههههه

بعدين حطت لهم زهراء اكلات وحلويات مسويتنهم وحلويات مسويتنهم ملاك وامها وكانوا فننن ..عطوها الهدايه
وباركوا ليها وقاموا يسولفون

زهراء:اوكي حبايبي بروح دقيقة وبجي

سارة: وين؟

زهراء: بروح لسلمانو بجيبه من بيت جيرانا قاعد ويه اولادهم عافسنهم

ملاك: بل اني بقوم اطلع عجل

منال: يؤؤ ليش

ملاك: امووت عليه هالنتفه ومايطقيني اهئ اهئ

سارة: هههه لانش ماتخلينه في حاله

منال: هههه وعليه

زهراء : اوكي يلا اني بروح اجيبه لا يشب حريقة في بيتهم

منال : اوكو

لبست زهراء عبياتها وشالها وطلعت …

يوم طلعت من البيت شافت سيارة واقفه صوب بيتهم وواحد متسند عليها ومنزل راسه والكبس
مغطي راسه… ( كان احمد) مانتبهت له عدل

دخلت بيت جيرانهم … وفي الطلعه هرب من ايدها سلمان اخوها وراح يراكض … ضربت
زهراء على راسها زين ماصاحت خخخ ،،،راحت تركض وراه مانتبهت الا سلمان عند احمد …
جوده احمد ورفعه وقعد يلاعبه يوم رفع راسه .. انتبه لزهراء ونزل سلمان مو عارف
وش يسوي وانتبهت له زهراء وكان قريب منها كلش وقفت مده تطالعه

زهراء في البدايه شكت في الوجه بس يوم صارت عيونها في عيونه طاحت الدمعه من
عيونها بدون احساس .. اما احمد وقف مثل الصنم مايحس بشي لان ماكان متوقع ان
يشوفها …زهراء نادت سلمان وراح ليها توها بتمشي ..

احمد: زهراء …….

زهراء وقفت بدون شعور ورفعت راسها : ن..ع..م

احمد كان يبي بس يسمع صوتها لان من زمان ماسمعه ووحشته سوالفها وهواشها تذكر كل
هذا في لحظة وحده: كل سنة وانتي طيبة وعقبال الف سنة..

زهراء وقلبها يدق بسرعه: تسلم … توها بتمشي

احمد لان وده تبقى معاه للابد وماتبتعد و بدون شعور : وحشتيني .. ( بل
وش هالجرئة الا علي الله يلعني والله مو قصدي وش بتقول الحين )

احمد يوم شافها وقفت ماعرف وش يسوي حس روحه غلط واكبر غلطه .. لكن انتبه
لها تكمل طريقها .. ارتاح شوي وركب السيارة بيمشي لان مايقدر يوقف زياده ..مايقدر يتحمل
زيادة ان يعيش قبل لايدري تحبه او لا ..

زهراء مشت لان ماتبي تبين له انها مهتمة راحت صوب بيتهم بس مادخلت وقفت عند
الباب ..

يوم مر احمد خلاص بيمشي صوب بيتهم حتى مارفع راسه لان يحس روحه غلطان..

زهراء قالت: شلاخ يالمغرور .. وعلطول دخلت ..

احمد يوم سمعها تكلمت ضرب بريك قوي لان اصلا مو مصدق ..

يمكن حتى زهراء في بيتهم سمعت صوت البريك خخخخخ

كان يبي يرجع مكان ماكان موقف لكن وش بتقول اذا رد رجع … قال جذي
جذي بعدين بجي باخذ منالو .. راح المسجد علشان يصلي لان توه كان ماذن…

في بيت زهراء …

زهراء دخلت بيتهم لكن ماراحت داخل تسندت على الباب تاخذ نفس وعلشان تهدا دقات قلبها
لان وش بيقولون اذا شافوها جذي قوس قزح هههههه .. وتسمع صوت البريك … خافت
صار فيه شي وقف قلبها توها بتطلع .. سمعت صوت السيارة تواصل.. ارتاحت

بعد مارجعت طبيعيه شوي دخلت الصاله …

ملاك: جان تاخرتين شوي بعد ..^_$

منال: اي حليو بدونش

زهراء عرفت تغير تعابير وجها بسرعه علشان مايبين عليها الخجل والخوف سوت روحها حزينة :
افااااا

سارة: ماعليش منهم .. من طلعتين قعدوا لي يتافافون متى تجي زهراء ومتى تجي زهراء
لاعت جبدي

زهراء : احمممم ادري مايحتاج تقولين لي مو حليو بدوني

منال: ارجووووووش

ملاك: زهرو تدرين انش مغرورة

زهراء رجع وجها قوس قزح تذكرت يوم قبل لاتدخل انها قالت لاحمد مغرور..

منال: يوو الحمدلله والشكر .. احد يقولون ليه مغرور يصير طماطه

سارة:لاتخافين هذي محد ،غير عن الناس كلشي فيها عكس ضربوها تضحك مستانسة تصيح معصبة تخجل
كلشي كلشي

زهراء خلاص بتصيح صدق : افاااااااا اني محد لكن ماعليه خلاص اني زعلت ماني ماني…

سلمان متربع في نص الصاله ويطالع زهراء من اول مادخلت يوم شافها قريب بتصيح ،،
سلمان: دهلا لاتثيحين ..من الي دلبش؟( زهراء لاتصيحين ..من الي ضربش؟)

سلمان: لا تخافين ..انا لجال بدلبهم كلهووم..( لاتخافين انا رجال بضربهم كلهم) راح ضرب سارة
على رجولها وضرب منال على راسها وملاك يوم جا بيضربها طبت عليه بسرعه وجودت اياديه
وهي تضحك

سلمان: دهلاااااااااااااااااا سيلي هدي الكليهة ))) زهراء شيلي هذي الكريهة))

زهراء: تباعدي عن اخوي انتين يالغوله

ملاك : اني غوووولة شوفي اذا خليته لكن

سلمان: دهلااا خلاااث بمووت من هذي الدباا … ( زهراء خلاص بموت من هذي الدبا))

زهراء تضحك ومنال فاطسه ضحك لان سلمان جودها من شعرها مو راضي يخليها

منال عجبها الوضع طبت وياهم في المعركه ..

منال تدغدغ ملاك علشان تخلي سلمان وزهراء تسحب سلمان …

ملااااااك: لااااااااااااااااااااااااااااااا مابتخلى عن حبيبي مستحيل

سارة: ههههههههههههههههههههههههههههههه

زهراء: اني براويش شلون تتخلين صبري شوي

منال تسحب من صوب وزهراء من صوب ثاااني

سلمان: خلاااااااااااااااااااااااااااااااااااث بتقثين رجولي خليهاااااااااااااااااا خلووووووووووووووونييي (( خلاص بتقصين رجولي خلوني) وقام يصييييح …

زهراء : بل ..خلاص خليه ملاك لا يزلزل البيت

ملاك قدرت تعدل روحها وشكلها كان تحفه .. الشيله في مكان وشعرها تفلل والدموع من
الضحك تارسه وجهها … عدلت سلمان

ملاك: بس حبيبي اسفة .. انت بعد اسف له

سلمان قام وقف ويعدل روحه … سلمان: لوووحي .. انا مو اثف (( روحي انا
مو اسف ))ورفسها وهرب ركب الدرج

منال انبطحت في الصاله من الضحك مو قادره تسيطر على روحها ..

سااارة: ويليييي فشلوهااا هههههههههههههااااااااااااااااااااي

زهراء:هاهاهاهاهاههااي زين ماسوى فيها

ملاك فيها الضحكه بس ماتبي تبينها: خله ينزل لكن انا ماجودته ولا خليته

سارة: انزين شعب قوموا نصلي اذن من زمان

منال: يوووو نسسسسييييت ماتصلت لاحمد قايلة ليه بعد الاذان يجي لي

زهراء كانت تمشي يوم سمعت اسم احمد وقفت … ملاك انتبهت ليها تبي تغطي عليها

ملاك:انزين صلي انتين بعدين اتصلي ليه خليه يجي ..

منال: اوكي

وقاموا يصلون … وبعد ماخلصوا اتصلت منال لاحمد وقال خمس دقايق وهو عند باب البيت
…

زهراء ارتاحت ان رد يعني ماصار فيه شي ( بسم الله عليه))

زهراء: انزين منال ليش ماتتعشين ويانا

منال: لا مااقدر .لاان بنروح بيت جدي جدتي بتسافر

زهراء : اهااا سلمي عليها وعلى الكل .. وين بتروح؟

منال: الله يسلمش .. العمره

زهراء: يووو يعني بشوفها هناك

منال:اي ههههه

زهراء : من بروح بعد . ومتى بيروحون؟

منال: بيروحون وياها اولاد عمي وعماتي سلوى وزينب واحمد اخوي ورفيقه وبيروحون عقب باجر

زهراء استانست وخافت مرة وحده انها بتشوف احمد هناك ..لكن اكثر شي مستانسة لان يمكن
تشوفه اكثر من اهني ..

زهراء: بيروحون ويانا عاد ويه اي حمله ؟؟

منال: حملة ××××× …

منال: يعني اذا بروح اودعهم بودعش مرة وحده

زهراء : ايي

ملاك وسارة دخلوا من الصالة خلصوا صلاة …

زهراء ومنال: غفر الله لكم ..

ملاك وسارة: جميع يارب ..

ويرن تلفون منال ..ردت على التلفون ..

منال: اوكي .. الحين بطلع يلا باي … سكرت التلفون …

ملاك: احمد؟!!

منال: اي يلا بقوم .. مع السلامة

ملاك وزهراء وسارة : الله يسلمش ..

طلعت منال لاحمد …. دخلت السيارة.. تحرك احمد وهو خاطره مايمشي الا لمى يشوف زهراء
…
منال: عجيييييييب اليوم فناااااتك

احمد: جى وش سويتون ؟؟

منال: سلمان اخوها فنتك .. لعبنا حلبة مصارعه هنااك

احمد : ههه ليش؟

قالت ليه منال كل شي من البدايه للنهاية وكلحين تضحك ..

احمد: اشك فيكم جهال انتوا خخخخخخ

منال: ههههههه اخوها سلمان لو تشوفه ماتتركه عجييب

احمد في قلبه ماتدرين ان انا شفته وقبل لايدخل ليكم بعد : هههه اي ابغي
اشوفه اناا

منال: انزين وش فيك مارحت البيت ..؟؟

احمد: بنروح علطول بيت جدي لان البيت كلهم هناك مافي احد …

منال: اهااا الااي عجيب عجل اليوم كله هياااته وناااسه

احمد: جب لا اخليش في البيت بروحش ..

منال: ويع مايحب يشوفني مستانسة …

احمد: افاااا .. ماتدرين انش اذا استانستين انا استانس اكثر منش .. ماعندي الا انتين
اخت والله لايحرمني منش

منال: فديتك حموووودي ..الله بعد لايحرمني منك اخوي الوحيد مادري بدونك وش بسوي …

مهلت شوي وردت قالت: متى اشوفك معرس افففف متىىىىىىى؟؟؟

احمد: هههههههه يلا على ايدش جان عندش عروس لي

منال: صدق ؟!! امممم اي عندي واحلى وحده تجنننن

احمد: من؟

منال: ريييييييييم رفيقتي ..

احمد توقعها تقول زهراء : لاااا

منال: ليش وش فيها والله تجننننننن

احمد: لا انا احب بتزوج حبيبتي

منال فتحت عيونها مترين:احلف!!!! منهي دي قووول لي

احمد: ههههههه لا اخاف تقولين ليها

منال: لااااا والله قول لي

احمد: ليش اقول اسمها وهي ماتحبني انا بس احبها

منال: يعني ماتدري انك تحبها؟؟

احمد: لااا

منال: يمكن تحبك بس بعد هي ماتدري انك تحبها .. عاد منهي ديييييييي؟؟

احمد: بقوليش لان ماعندي اخت غيرش اقوليها .. بس عاد حلفي ماتقولين ليها ولا تعلمين
احد بس لكن تساعديني ..

منال: والله العظيييم بس انت قووول

احمد: اممممم زهراء

منال: اي زهراء ؟؟

احمد: رفيقتش

منال مو مستوعبة : رفيقتي .؟!!

احمد: انا لله وين عقلش انتين .. الا توش جايه من عندهااا

منال: زهرااااااااااااااااااااااء .ايييييييييييي احلف!!

احمد: هههه ليش احلف بعد

منال: ههه مادري بس وش عرفك ابها

احمد: صارت وياي مرة في المعهد كنت ادرس صيفي …

منال: اهاااا … لكن تدري زهرااااء عجيييبة .. اشوى اختار قلبك وحده عدله مو عوجه

احمد: وش جايفه قلبي انتين،، اعقل منش ..

منال: هههه ايي

احمد: وانتين ماعلمتينه تحبين او لا ومن سعيد الحظ…

منال: ههههههههههههههههه ياليت في والله لاقولك اول واحد لو كنت احب بس مو راضي احد
يدخل قلبي ..

احمد: ههههه مثلي يوم كنت اصغر منش بشوي تقريبا كان قلبي متكبر لكن بتشوفين كبري
شوي بس بتحصلينه .. وان شاء ماتعرفينه الا لمى يتزوجش

منال: ان شاااااااء الله .. لكن بعد ابغي احبه قبل له

احمد: ههههههه لاان شاء الله ياخذش وانتين تكونين تحبينه علشان ماتتعذبين مثلي…

منال: ان شاااء الله ..

وصلوا الديرة … وقالت ليه بتكمل وياه السوالف في السهره بتقول ليه كلشي عن زهراء
.. استانس احمد

في بيت جدهم ….

ام فاضل ( ام ام احمد) : حيااا الله الغاليين ..

منال واحمد: الله يحيش .. حبوا راسها وراس جدهم وقعدوا …

دخلوا بعد خمس دقايق فاطمه وحسن …

احمد”: هلا هلا هلا والله بالمختفيييي

حسن: ههههه هلا بيك حبيبي … مانا مختفي ولا شي تدري انت وين تقدر تحصلني
ليش ماتجي لي له

احمد: وانت يعني ماتدلي وين تحصلني ..؟؟ ليش ماتجي لي

ام فاضل: ههههههه والله وكبرتون وقمتون تتكبرون على بعضكم .. قبل لاصقين ففي بعض ماتتفرقون
.. عفر حسدوكم

ابو احمد: هههههههه اي والله عمه من كبروا تغيروا على بعض

احمد: لاهذا الي تغير من خطب ماقام حتى يتصل ×_×

فاطمه: ههههههه هييي لاتحطونهااا علي مو منيييي الا ماخليه يتصل او مايطلع

حسن: ماعليش منه داا هو الي مايسال حتى

منال: هييي خلو اخوي في حاله كلكم عليه

ام احمد: اووووه منال الا صايرة في صف اخوش اليوم ..

احمد: هي علطول في صفي لان مالينا غير بعض

ام فاضل: الله يخليكم لبعض ..

ام احمد:الله يخليهم يارب وابلغ فيهم واحضر عرس اولادهم …

الكل: ان شاااء الله ..

بعد خمس دقايق من العراك طلع احمد ويه حسن …

في سيارة احمد ،،،

حسن: ها وين بنروح ؟؟

احمد: انت صبر وبتشوف

حسن : اوكي بنتضر وبشوف ان شاء الله مكان عجيب عاد ^_^

احمد: لا تخاف عجيب ..

حسن: بنشوف..

وصلوا عند البحر..

احمد: وصلنا

حسن: الله اي والله احسن مكاان

احمد: ااه مافي احلى من البحر.. كل ذكرياتنا عنده

حسن: اي تذكر قبل نجي اهني وانا كنت كله اتهاوش ويه فطوم واقول ماتحبني هههه
والحين شوف الزمن صرنا لبعضنا وطلع انها كانت تحبني وانا كنت متعب روحي احسب ماتحبني

احمد:ياليت تطلع زهراء جذي بعد

حسن: ان شاء الله تحبك ، بس انت لاتفكر واجد

احمد:اااااه ياخي انت عايش مثل حالتي لازم تعذرني مو تقولي لاتفكر

حسن: انا عاذرنك بس مابيك تتعذب مثل ماانا تعذبت

احمد سكت واكتفى بابتسامه

وقعدوا يسولفون لساعه 10 بعدين اتصلت فاطمه لحسن ورجعوا ..

وبعدين بيت ابو احمد قالوا بيرجعون بيتهم بعد

في السيارة…

منال: رحتون البحر له

احمد: وش دخلش

منال: ليش ماودييييتني

احمد: عيب اذا الرجال يطلعون مايطلعون وياهم نسوان

منال: احلللف ، الحين انتون رجال؟!!

احمد: لا نسوان عجل

منال: اي له خخخخخخخخ

احمد: انا بحقرش لان انا كرامتي ماتسمح لي ارد على جهال

منال: هههههههههههههههههههههههههااااااااي مغرور

احمد: جب لاتقولين مغرور بس وحده الي تقولي مغرور

ام احمد: وش سوى؟

منال: يقول ان ,,,

احمد: تبي تقول ان انا عقب مارجع من العمره ان شاء الله بخليش تخطبين لي

ام احمد:صدق!! فرحتني ياولدي احلا شي سمعته ، اي انت خلاص كبرت بعد بتنتضر لمتى

منال انصدمت لان ماتوقعته يتسرع جذي :اماه اني عندي ليه وحده

ام احمد: من؟

احمد لف راسه يطالع منال لان خايف تقول وحده غير زهراء

منال: زهراء رفيقتي

ارتاح احمد …

ام احمد: اي زهراء خوش بنية … بس خلاص من ترجع نروح نخطبها

منال: بزيدكم من الشعر بيت بعد

احمد: زيدي وش ورانا

منال:زهراء بتروح وياكم العمره في مثل الحمله

احمد ضرب بريك قوي زين مادعمته السيارة الي وراه

ام احمد: يااعلي وش صاير

احمد خاف امه تكتشفه كمل السياقه: لا السيارة مره وحده شيرت

ام احمد: حاسب عجل ياولدي لا يصير شي

احمد: لاتخافين اماه

ام احمد: انزين نرجع لسالفتنا ،، متاكده انتين بتسافر وياهم

منال: اي هي قايلة لي

ام احمد: زين عجل احمد علشان تعرفها عدل قبل لاتاخذها

احمد( انا عارفنها من زمان مايحتاج لكن احسن بعد علشان اعرف تحبني او لا): اي
صح علشان اعرفها عدل

منال :خخخ ماكانه عرفها وخلص

ام احمد: وش قلتين؟

منال: لا اماه ماقلت شي كنت اكلم روحي

ام احمد: اي يعني

احمد:مجنونة لان خخخ

وصلوا البيت …

بدلت منال وراحت علطول غرفة احمد .. علشان تقوله اي شي يبي يعرفه عن زهراء

منال: ويش نسولف ولا تبي تنام

احمد : دام السالفه فيها زهراء اكيد نسولف اعوف النومه وطوايفها

منال: احممم ماقدر على الحب

احمد: يلا بدي

منال: وش تبي تعرف انت بالضبط ؟

احمد: كلشي

منال: زهرااء صفاتها العامه حساسه واااجد وطيبه وربشه ماتزعل بسرعه وحتى لو سوت روحها زعلانه
ترى هي مو زعلانه بس جذي تتغلى وتحب الناس وماتكره احد

احمد : الحمدلله يعني ماتكرهني

منال: اي ماتكره احد هي الا اذا …

احمد: ويش

منال: الا اذا هذا الشخص يعني شسمه شسمونه اهانها او اهان امها وابوها

منال: اممم اي اكيد بتسامحه بتزعل عليه بس البدايه بس بعدين عادي ولا كان صاير
الشي

احمد: اهاا ،، انزين وش تحب

منال: تحب الورد تحب اللون الاحمر والوردي والاسود تحب الهدووء لانها رومانسية حدها مثلك خخخ

احمد: طبعاا احمم

منال: ايي وفي مرة سالتها عن احلا شخصية صبي عجبتها

احمد: وش قاااااااالت

منال: قالت واحد كان وياهم في المعهد حليو وربشه وعلطول يتهاوش وياها ويهتم لامرها وفي
مرة ساعدها من صبيان كانوا يلاحقونها تقول كانت تحبه ولو واصلوا كان للحين تحبه لكن
بعدين تفرقوا بعد المعهد

احمد استااااااااانس يعني تحبه اكيييد تحبه:حلفيييييييي

منال: وش فيك؟

احمد: هذاا اناااااااا منااااااال

منال : يعني تحببببببببك الاااااي

احمد: منال تدرين انا احبش انتين قمر من وين بحصل اخت مثلش

منال سوت روحها زعلانه: طالع علشان المصلحه صار يحبني وصرت قمر

احمد: لا والله بدونش مادري وش كنت بسوي

منال ابتسمت ووقفت : يلا بخليك في احلامك العجيبه الحين لان فيي نومة

احمد: اوكي تصبحين على خير

منال(طرده دي لو وي؟!): وانت من اهل الخير

احمد في ديك الحزه مستانس حده مو عارف شيسوي حتى مانام للصبح طارت النومة

الساعه 6 تسبح نزل تحت اكل له شيئ وراح يطالع تلفزيون

الساعه 9 نزلت منال

منال فتحت عيونها مو مصدقه: اووووه الاخ اليوم قاعد من وكت وش صاير

احمد: خليني انام انا علشان اقعد

منال: يعني مانمت!!

احمد: اي

منال: يوووووه كله علشان عرفت ان زهراء تحبك للحين؟

احمد: مو مجبور ارد عليش

قام وقف علشان بيطلع

منال:وين رايح ان شاااء الله

احمد: لا والله احلفي من وكلش علي تساليني وين رايح ووين جااي

منال: كنت ابي منك طلب لكن تدري روح تيسر اني حماره لاني سالتك ، لكن
شوف الي تقولك شي عن زهراء

احمد:خلاص مايحتاج تقولين لي بتسافر ويااااي وبعدين بيخبطونها لي ويووو

منال: تدري روح روح انت مو وجه واحد يسووون له خير

احمد اكتفى بس بضحكه علشان يقهرها وطلع

احمد سمع صراخها وماقدر يوقف من الضحك لان يدري اذا تعصب تستجن هع

اتصل احمد لحسن علشان يبي يطلع وياه طلع حسن بيروح بيت خطيبته فاطمه بيتغذا في
بيت عمه..

اتصل لعبدالله وطلع ماعنده شي ،قرروا يطلعون يتريقون برا

مر احمد على عبدالله ..

في السياارة :

عبدالله : اشوى اتصلت لي انا كنت متمللللل حدي زين ماقرعت روحي من الملل

احمد: ههههه جى انت من متى قاعد؟

عبدالله : من الساعه 7 مقعدني ابوي علشان اوديه المستشفى

احمد: ليش عسى ماشر؟

عبدالله : ماشر بس الله يسلمك الوالد رايح علشان يقيس ضغطه يقول يحسه نازل حده

احمد: اهاا ماعليه شر

عبدالله: الشر مايجيك ، انزين انت من متى قاعد؟

احمد : ههه انا مانمت علشان اقعد

عبد الله: ليش مانمت

احمد: حاولت انام قمت اتقلب فوق السرير من الساعه 3 لساعه 5 استمليت وقمت بعدين
ههه

عبدالله: ههه الله يساعدك الظاهر وياك ارق انت

احمد: هههههه يمكن بعد كلشي جايز

عبدالله: ناام لاتقعد تدلع لينا باجر بتسافر علشان مو تقضي السفر كله في النوم

احمد: هههههه ان شاء الله عمي

عبدالله: اي حسبالي بعد

احمد: هههههه

وعند دوار النويدرات الي وشطوله..

كانت في سيارة مسرعه حدها تمشي في الدوار ومرة وحده دخلت في شارع سيارة احمد

واحمد فقد السيطره ماعرف وش يسوي لان مرة وحده طلعت عليه السيارة

افترت سيارة احمد وركبت فوق الرصيف ودعمت بالقوة في حجره كبيره كانت فوق الدوار… وصاحب
السيارة الثانية هرب ولا كان مسوي شي لكن الحمدلله واحد من الي وقف سجل رقم
السيارة .. سيارة احمد تكسرت كلها من قدام

وفي اقل من خخمس دقايق تقريبا تجمعت الناس والمرور والاسعاف ،، الحادث كان فضييع عبدالله
طلع من السيارة وطاح علطول في الارض من الضربه الي صادته في راسه .. واحمد
ماطلع من السيارة لان ماكان موتعي ,,,

شالهم الاسعاف وعلطول عالطوارئ..

اتصلوا في اهل احمد وعبدالله .
في بيت ابو احمد …

رن التلفون …

ام احمد من المطبخ : مناااااال ،، منالو وصمخ تلفون

منال: انزيين اماااه سمعته

راحت شالت التلفون ..

منال: الو

…: بيت احمد…..؟

منال حست من نبرة صوته ان في شي: اي ، خير ؟

….: حبينا نخبركم ان ولدكم احمد عندنا في الطوارئ بسبب حادث

منال وقف قلبها: صاااده شي؟

..: هو للحين في الطوارئ وللحين ماوصلنا عنه خبر بس يعني نبي نخبركم

منال علطول حطت ايدها على قلبها

وصكت التلفون في وجهه من الصدمه وعلطوول ركييض المطبخ

منال: اماااااااااااااااااه

ام احمد: وش فيش وش صاير

منال والدموع في عينها: احمد

ام احمد سيده صرخت وبدون شعور قالت:مات!!!!

منال من الدمع مو عارفه تتكلم: لااماااااااااااااااااااااه في الطوارئ مسوي حاادث

ام احمد بدون شعور تركت الي في ايدها وصرخت: بسرعه بسرعه اتصللي لابوش يجي بسرعه
الحين

وراحت منال علطول ااتصلت لابوها وهي مو عارفه وش تسوي من الخوف وعشر دقايق وهو
عندهم

وعلطول طيران عالمستشفى ..

ونفس الشي اهل عبدالله كانوا هناك …

في الطوارئ.. وتحديدا العنايه المركزة

منال تروح وتجي

ام احمد: ويلي على ولدي في شبابه بيضيع مني..

منال: امااه احمد ماصاده شي بيطلع الحين مافيه شي

وتطب الدموع

منال في قلبها تحس بالذنب :مني اني الي قلت له لاترجع البيت مانبيك ،، افف
استغفر الله وش قاعده اقول اني ..احمد ماعندي الا هوو حرااااام يروح عني ، لا
مابروح عني هو يحبني وعلشاني مابروح .. ياربي لاتبعد عني اخوي الوحيد الي عندي في
هالدنيا

رجع ابو احمد من عند الدكتور..

ام احمد: وش قال الدكتووور؟

ابو احمد وفي عينه دمعه بس يكابر : عبدالله الحمدلله مافيه شي بس ضربه خفيفه
في راسه مااثرت فيه

منال: ابووووووي نسالك عن احمممممد؟

ابو احمد نزل راسه: يقول الدكتور احمد صادته ضربه قويه في راسه والحين هو دخل
غيبوبه

منال قعدت على الكرسي ونزلت راسها وقامت تصيح صياح

ابو احمد يوم شاف بنته علطول طاحت الدمعه

اما ام احمد وقفت من الصدمه ماقدرت تتحرك ومرة وحده طاحت ..( صادها هبوط من
الخبر)

ابو احمد انتبه لام احمد وبسرعه ناده الممرضات واخذوها علشان ترتاح

منال نزلت راسها ولا رفعته كانت تصيح خايفه تفقد اخوها

اذن اذان الظهر

منال راحت المصلى تصلي وتدعي لاخوها ..

وبعد ماخلصت راحت شافت امها وتطمنت عليها كان ابوها وياها ..و الحمدلله هدت شوي،

طلعت وراحت لاخوها

شافت علي رفيق احمد قاعد على كرسي ومنزل راسه يوم حس ان في احد جاي
رفع راسه ،،يوم شافها علطول وقف

منال راحت قعدت على كرسي من الكراسي وحالتها حاله وجها صاير ميت مافيه روح

علي يوم شاف حالتها كسرت خاطره : لا تخافين ، الله ان شاء الله بيشافيه
وبيرجع مثل قبل

منال يوم سمعته قال جذي زادت في الصياح

علي بدون شعور جا صوبها يقول في نفسه بل وش سويت انا ، يبي يتذكر
اسمها مو متذكرنه قال اسم وبس : ليلى

منال( وش فيه دا): : منال

علي ابتسم: اهمشي لاتصيحين احمد في هالوقت مو محتاج دموعش محتاج دعائش

منال مسحت دموعها : ان شاء الله بس شسوي بروحها الدموع تنزل

علي: لا مو بروحها منش انتين .. كلما تشوفين روحش بتصيحين روحش غسلي وجهش اذا
خلصوا دموعش من وين بنجيب دموع لمنال بعدين

منال (والله العظيم متفرغ): ان شاء الله

راح وقف صوب الجدار الي قبالها

علي: شخبار امش الحين

منال(انا لله): الحمدلله اشوى

علي: الحمدلله،… اكلتين شي؟

منال: لا

علي: شتبيني اجيب لش

منال (افف الناس في معمعه والعروس تبي رجل مالي خلق اكل الحين) : لا مابي
شي الا لمى اشوف احمد واتطمن عليه

علي: بس عجل انا بقول للدكتور مايدخلش الا لمى تاكلين

منال ( يؤ وش فيه داا) : ——

علي: ووووش تبين اجيب لش

منال: لا مابي شي

علي: بس عجل مابتدخلين لاحمد

منال(؟؟؟!!؟؟؟؟) …: اول بدخل ليه بعدين باكل

علي :بنشوف

راح يقول لدكتور عادي او لا

علي: انزين دكتور على الاقل خمس دقايق بس

الدكتور: مايصلحش ياحبيبي هذا لمصلحتو

علي: خمس دقايق عاد دكتور مابتاثر

الدكتور: طيب حخليها تدخل بس من دون كلام ولا خمس دقايق بس تشوفو وتطلع

علي :ان شاء الله ..

راح علي لمنال..

علي: يلا يقولون لش دخلي عاد وما تتكلمين وياه يقولش الدكتور(( من دووون كلااام وبس
تشوفينه وتطلعين ))

منال( اهمشي اشوفه الحين) : ان شاء الله

دخلت لاحمد ..

اول مادخلت غمضت، عمرها ماتوقعت تشوف اخوها بهالحال..

فتحت عيونها شافته عليه الاجهزة ووجهه مايبين من الي عليه .

طبت دموعها بدون ماتحس ( احمد الله يخليك لاتخليني برووحي ) قعدت تتامل في وجهه
وتصيح ..

دخلت عليها الممرضة قالت ليها لازم تطلع مايصير تقعد اكثر ..

منال جودت ايده وضغطت عليها بالقوة ترتجااه يتقوى ويتشافى ..

طلعت وشافت ابوها ..علطول نزلت راسها ماتبيه يشوف الدموع الي في وجهها

ابو احمد: ها شخباره ؟

منال: هذا هو حاله .. انصحك لاتخلي امي تدخل

ابو احمد: على طاري امش رجعي ويااها البيت .. بوصلكم انا وبرجع

منال: لا اني بقعد اهني

ابو احمد: لا مايصير تقعدين اهني لازم تروحين البيت ترتاحين وعلشان امش بعد ترتاح

منال:ان شاء الله

علي: عمي خلني انا بوصلهم في طريقي مايحتاج اتعب روحك

ابو احمد : فيك الخير ابو حسين

منال (بل مانبيي) :——

ابو احمد: وسالت الدكتور عن حالة احمد كم بتطول قال ان شاء الله اذا قدر
يقاوم بسرعة بيتشافى

منال: يعني مابيطول؟

ابو احمد: على حسب مقاومته
طلعوا من المستشفى وركبوا السيارة وام احمد كانت حدها تعبااانه غمضت عيونها.. تبي ترتاح شوي

علي: انتين قتلين بتاكلين اذا طلعتين من عند احمد

منال(ياربييي احسب نسى بعد):والله مابي مو جوعانه

منال( يوو وش فيه دا برمي روحي من الدريشة الحين)

وصل عند مطعم واشترى ليها على كيفه لانها مارضت تقول وش تبي واشترى لام احمد
بعد

منال من دخلت من بابا البيت علطول ركيييض على سريرها .. توها بتغمض الا تلفونها
يرن

شالته بدون ماتشوف الرقم

منال وصوتها يبين عليه تعبان: الو

زهراء : هلا هلا والله بالغداره تقول بتجي ولا جت

منال يوم عرفت انها زهراء علطول تذكرت احمد وطبت دموعها بهدووء على خدها : هلا
بيش

زهراء(حست فيها شي): وش فيش؟

منال خلاص انفجرت صياح: احمد

زهراء تخرعت حست ان قلبها تقطع: وش فيييه احمد؟

منال: سوى حادث والحين هو في العناية المركزة

زهراء وقف قلبها من الخبر ماعرفت وش تسوي سكتتت

منال حست ان هدوء (وين راحت دي): الوو؟

زهراء بهدووء وحزن واااضح:والحين وش اخباره؟

منال حست من طريقة زهراء انها تحبه صدق وابتسمت ابتسامة حزينة: في غيبوبة

زهراء انفجررت صياح بعد ماكانت مستانسة قبل ماتتصل لمنال لان كانت تنتضر اليوم الي بعد
هاليوم بفارغ الصبر لانه اليوم الي بيسافرون فيه العمره وبيكون وياها احمد ،،

منال: زهراء وش فيش؟.

زهراء مو عارفه شتسوي ماتبي تبين لمنال انها تصيح

منال سمعت صوت صياحها الهادئ واضح .. وعورها قلبها عدددل ( وينك يااحمد تشوف الي
يحبونك شلون حالهم)

زهراء انتبهت لروحها ومسحت دموعها وقالت بحزن: الله يشافيه ويخليه ليكم

زهراء: يلا مع السلامة

منال حست ان زهراء تتهرب ماتبي تبين حزنها: الله يسلمش

زهراء بعد ماسكرت التلفون علطول طبت على السرير وقامت تصيح (حراام والله حرام )

دخل سلمان اخوه الصغير ولا حست فيه ..

راح صوب سرير زهراء .. رفع راسها

سلمان: سفييس تسيحين؟ (شفيش تصيحين)

زهراء ابتسمت في وجه اخوها الصغير علشان مايخاف عليها: مافي شي حبيبي مريضة شوويه

سلمان:تبين توا؟ ( تبين دوا؟)

زهراء :لا عندي حبيبي انت روح للماما اني بنام شوي وبصير اوكي

سلمان : اوكي

زهراء : تعال تعال اني بروح وياك علشان بقول للماما شي

سلمان : يلا

جودته من ايده ونزلت وياه

ام زهراء: تعال حبيبي

سلمان راح ركييض وحضن امه

ام زهراء: وش فيش زهور؟

زهراء: اماه اني باجر مابروح العمره

ام زهراء: ليييش؟ وش فيش عمري؟ وينها زهراء الي كانت تبي يجي هاليوم بسرعه

زهراء نزلت راسها وهي فيها الصيحه:بس ما اقدر اروح ان شاء الله الشهر الجاي بروح
وياش

ام زهراء: سبحان مغير الاحوال ، انزين بعدين بقول لابوش يخبر المقاول لان بعد في
وحده مسكينة بتموت تبي تروح وياكم كانت ومافي مجال

زهراء: امااه تدرين عن ولد ام احمد وش صار فيه؟

ام زهراء: لا وش صار؟

زهراء: سوى حادث والحين هو في غيبوبه

ام زهرااء: يووو من متى هالخبر؟

زهراء : اليوووم توني متصلة لمنال اخته وقالت لي

ام زهراء: يوو على افادي الله يشافيه على عمري ام احمد ماعندها الا هو

الله يخليه ليها ويشافيه

زهراء:ان شااااء الله

اليوم الرابع من الخبر:

في بيت ابو احمد…

البيت صاااير حزييين وهادئ ..

منال قعدت من النوم كانت الساعه 11 الظهر

شافت امها قاعده على المصلى وتدعي ،، كسرت خاطرها

راحت شربت ماي لاان كانت عطشانه حدها

سمعت صوت الجرس

منال من ورا الباب: من؟

—:علي

منال: علي؟! اي علي ؟

علي : شكلش توش قاعده من النوم او مانمتين متاثر مخش شوي

منال عرفته من طريقة كلامه :اي عليي

علي: صح النوم ، المهم جاي اقوليش ان ابوش متصل لي يقول يتصل ليكم محد
يرد اتصل لي اجي اخبركم ان احمد

منال وقف قلبها:وش فيييه؟؟

علي: ان احمد

منال طبت دموعها خافت حدها ان صار في احمد شي

علي: ان احمد اوتعى الحمدلله والكل مستغرب قدر يقاوم بسرعه

منال يوم سمعت الخبر علطول راحت ركيض علشان تبشر امها ،

طق الجرس…مافي رد … مرة ثانية طق الجرس مثل الشي محد يرد …بعد خمس دقايق
تكلمت منال من ورا الباب: نعم من؟

علي: وش فيكم محد يرد؟

منال تذكرت انها خلت علي برا بدون ماترد عليه تفشلت حدها

منال: من الفرحه نسيناك برا

هلي: ههه لا عادي عساه دوم

منال صارت طماطه مع ان الجمله مو قويه عاديه

علي: المهم اذا تبون تروحون اكو انا اهني امشوا بوديكم لان انا جذي جذي بروح
ليه الحين.

منال:اني اكييد ابي اروح بس لحظة شوي بشوف امي ..

راحت منال لامها وام احمد كانت تبيها من الله قامت علطول راحت تجهز روحها ومنال
بعد، ولمى توها منال بتطلع من الباب الا زهراء داخله !!

زهراء السلام عليكم ..

منال فرت راسها: هلاااااااا وعليكم السلام

زهراء: يوو لايكون طالعين

منال: اي بنروح لاحمد يقولون تحرك يعني خلاااااص زهراء عدت على خيير

زهراء حدها استانست وتمنت لوهي تقدر تروح ليه

زهراء: الحمدلله والله العظيم فرحتيني .. اوكي عجل خيو اني برجع البيت واذا رجعتين اتصلي
لينا طمنينا

زهراء في قلبها( اكييييد والف اكيد ابي اجي) بس ماتبي تبين :امممم اوكي j بتصل
لبيتنا وبخبرهم .

منال: اوكيj

طلعت ام احمد وسلمت عليها زهراء

وعلي المسكين استمل بروحه في السيارة نص ساعه وهو ينتضر يشيل شريط ويحط شريط غيره
لين مااستقر على شيخ حسين واشتغلت (اتعبتني ياقلب في دنيا هواك ..)

ام احمد: شحوالك علي؟

علي: الحمدلله من بعد ماسمعت الخبر الي عن احمد

ام احمد: الحمدلله ، ماصدقت الخبر يوم سمعته امس يقولون لينا حالته خطره خرعونا

علي: اي هو لان بعد يعتمد على قوة تحمله

ام احمد: اي الحمدلله عل كل حال

زهراء كانت متشوقه انها بتشوف احمد وطول الطريق وهي تحمد الله وتشكره على هذا الخبر..

وكانت هي بعد قاعده في الكرسي الي ورا علي بالضبط يعني ينسمع .. هو سمعها
تقول يبي يعاندها بند المسجل ..منال انتبهت لروحها وسكتت وانقهرت حدها على حركته بس ماتقدر
تسوي شي..

يوم وصلوا قريب من غرفة احمد شافوا ابو احمد واقف برا

ام احمد: ليش مو قاعد داخل ويا احمد؟

ابو احمد: لان نايم مابي ازعجه طلعت عنه برا.

ام احمد: شخباره الحين. يتكلم؟

ابو احمد: اي يتكلم عادي بس تعبان شوي ، عيونه مايقدر يشوف منها زين

ام احمد: وي على عمري، اني بدخل ليه ماااقدر انتضر وحشني الغالي

منال: اني بعد بدخل وياش

ام احمد: يلا امشي

ابو احمد: انا بروح الشغل تامرون على شي؟

ام احمد: سلامتك

دخلت ام احمد ودخلت وراها منال من فرحتهم نسوا زهراء برا

وزهراء استحت تدخل بدون مااحد يقوليها ، بقت برا المسكينه بروحها ..

يوم دخلت منال وام احمد ،احمد سمع صوت فتح عيونه ، امه يوم شافته علطول
راحت ليه وحضنته وقامت تصيح ، منال راحت لامها وهي مستانسه وقعدت تطالع في وجه
احمد ( حده متغير يلا اهمشي رجع لينا )

انتبهت لاحمد يناديها

منال: هلا هلا هلا بالقمر

احمد يحس جسمه بيتكسر لكن يوم شاف امه ومنال استانس وحاول يقاوم الالم : ههه
يعني يوم شفتيني على فراش الموت قمتين تدلعيني

منال:ههه اي حسينا بقيمتك

ام احمد: شحوالك حبيبي الحين؟

احمد: الحمدلله احسن بس عيوني مااشوف منها زين كاني اشوف ضباب..

منال: العيون نقدر عليها انت الاهم الحين، مابغينا نسمع صوتك.

احمد حس بحب اهله ليه وحنانهم عليه : ههه لو ادري بتخافون علي جذي جان
ماقعدت بسرعه>>كان بالغصب يتكلم تعرفون يعني لين احد دخل غيبوبه ويطلع منها مو بسهولة يتكلم

ام احمد عصبت : لاتقول جذي احمد ، تباني اموت يعني؟

احمد: بسم الله عليش.. اتطنز انا بس

منال تذكرت زهراء: يووووووووووووووووووووووووووووووو!!!!!!!

احمد: وش فيش يالهبله وقفتين قلبي؟

منال: امااااااااه نسيناااا زهراء براا

ام احمد: يوو خليتين البنية بروحها برا رووحي ليها

احمد يطالعهم ومو فاهم شي ( اي زهراء دي؟)

منال طلعت برا

زهراء كانت قاعده على كرسي مقابل الغرفة وحاطه ايدها على خدها المسكينة تمللت

منال راحت ليها: زهراااااااااااء على عمررررررري

زهراء علطول : شخباار احمد؟

منال: يووو الحين بدال ماتصطريني لاني خليتش بروحش قاعده تسالين عن احمد

منال: سامحيني خلف جبدي من الفرحه نسيناش برا

زهراء: لا عادي عمري ، المهم وش اخباره الحين؟

منال: الحمدلله اكو يسولف عادي ويانا..

زهراء استانست : الحمدلله

منال: امشي ويانا داخل

زهراء: لالالالالالا استحييي مستحييل

منال: وش مستحيل الا احمد

زهراء خاطرها تدخل وتطمن عليه لكن مستحيه حدها تشوفه

منال: وش الحين؟

زهراء: امم خلاص بقعد اهني

منال: زهرااااااااااء

زهراء: منال عاااااااااد والله استحيي

منال: تدرين خلش اهني بروح انادي امي لش

ومشت عنها

زهراء: منااااااال تعااالي

منال: ولا كانها تسمع شي

زهراء : افففففف

دخلت منال الغرفة الي فيها احمد

ام احمد: وينهي ليش ماجت؟

منال: تقول تستحيي

منال: زهراااء رفيقتي له

احمد انصدم حده مو مصدق( زهراء جايه ليي المستشفى معقولة!) كان خاطره يقوم بكبربه ويروح
ليها

منال انتبهت لوجه اخوها شلون تغير: مو راضية تدخل تقول تستحي منك

احمد سوى روحه ماهتم وهو من داخله حده مشتاق لزهراء: انزين خلاص لا تدخل مو
لازم

ام احمد: وش ماتدخل اني بروح ليها الحين .

طلعت ام احمد لزهراء ، وزهراء ماتبي تعترض لوحده اكبر منها … استسلمت وراح ويا
ام احمد

احمد: وينه ابوويي وعلي عجل؟

منال: ابوي راح الشغل من امس ماراح.. وعلي بعد راح الجامعه.

احمد: اي زين مايسوون

منال: ها ويش شخبار عيونك ؟

احمد: اشوف منها بس احس نظري كلما يجي ليه ينقص.شكلي باعمى

منال: لالاان شاء الله مافيك شي لاتفاول على عمرك

دخلت ام احمد ، منال واحمد يطالعون وراها ينتضرون زهراء تدخل واخيرا دخلت وهي منزله
راسها متفشله حدها

احمد في قلبه ( غصبا عنش) .. حس روحه بيطير من الفرحه

زهراء بالعدااال: السلام

احمد عدل روحه : وعليكم السلام

ام احمد : خلك منبطح علشان ترتاح

احمد: لا جذي احسن

زهراء راحت انخشت ورا منال كلش ماتبي تشوف احمد مع انها خاطرها تشوفه

احمد: شخبارش زهراء؟

زهراء قبش لازم اني الي اسالك مو انت: زينة الحمدلله اسال عنك

احمد: انا الحمدلله

زهراء: الحمدلله على السلامة

احمد: الله يسلمش

زهراء متوترة حدها تنتفض بالعدال في قلبها( ياربي ابي اطلع )

منال مستانسة قاعده تشوف فلم هندي قدامها

منال تبي تزيد الفلم بهارات منال: بروح وبجي

زهراء : لحظة بجي وياش

منال: لا قعدي مابتاخر وعلطول طلعت، زهراء حدها صارت طماطه تبي تلحق منال لكن وش
بيقولون ؟

رجعت زهراء وقعدت على كرسي كان صوب الدريشة نزلت راسها تحاول تسوي اي شي بس
ماتطالع احمد لان احمد كان يطالعها

ام احمد: حمود اني بروح لام صادق مرقده اهني

زهراء تبي تهرب بس: اجي وياش؟

ام احمد: لاقعدي اهني احسن بتجي منال الحين لان ان شافتش مو اهني بتقول بقنا
رفيقتها…وعلشان مايصير احمد بروحه بعد

زهراء يؤؤ بخلوووني بروووحي ماني ماني : ابتسمت لام احمد وهي من داخل باقي شوي
وتصيح

طلعت ام احمد وعلطول قامت زهراء تبي تطلع

احمد:وين رايحه

زهراء انزهقت : بروح اشوف منال

احمد( تبين تهربين يعني؟) بنشوف اذا قدرتين: قعدي الحين بتجي ، لا يكون خايفه مني؟!

احمد:تستحين مني يعني؟

زهراء تمنت لو الارض تنشق وتبلعها:ها ؟ لا

احمد: وش فيش عجل باقي شوي وترمين روحش من الدريشة

احمد: مشكورة على زيارتش ماتوقعت انش تجين ، توقعت سافرتين

زهراء خايفة تطالع احمد في وجهه وتصيح: لا ماسافرت ،

احمد: ليش؟

زهراء ( بل): يوم سمعت الخبر كنسلت قلت ببقى ويا منال

احمد: خربت عليش يعني

زهراء ( وش هالكلام ، الا يقول منك الي صار، كل الي صار قدر): لا
جذي جذي امي بتروح الشهر الجاي بروح وياها

احمد:ان شاء الله انا بعد اروح كان خاطري اروح

زهراء ارتاحت من طريقة كلام احمد يعني هدء التوتر الي في داخلها: يلا خيرها بغيرها

زهراء تفشلت فرت راسها وقامت تطالع الارض(وينش يامنالوا .. تقول مابتتاخر بعد)

احمد حس انها الفرصة علشان يستسمح منها على سالفة المعهد: زهراء

زهراء ( ردت رجعت دقات قلبها تدق بسرعه): ننعم؟

احمد:انا اسف على ايام المعهد يوم افشلش كنت جاهل

زهراء (وش ذكرك بهالسالفة الحين): لا عادي كنا جهال

احمد: يعني ماتكرهيني؟

زهراء بل وش فيه هذا يمكن مصخن لو شي : لا السالفة مو قوية يعني
توصل لدرجة الكره عادي

احمد: عجيبة ايام المعهد من احسن الايام

زهراء: ههه اي هبلة كنت اني

احمد :ههه اي وانا مغرور

زهراء: ههههه لا مو مغرور اني الكل كنت اقوليهم مغرورين وهم مساكين مو مغرورين

احمد: ههه يعني

زهراء: اي

احمد: مو مصدق ان انا الحين قاعد اكلمش احسه حلم

زهراء بل!! بقوم بقوم ابي اطلع .. منالوا تعالييي

احمد بدون شعور : زهراء تدرين ان انا .. وتدخل منال وخاشه شي في ايدها
ورا ظهرها

زهراء ارتاااااحت وفي نفس الوقت صادها فضووول على الي كان بقوله احمد

منال حست ان فاتتها اشياء واجد لان من دخلت صار المحل هدووووء

زهراء: تقولين مابتتاخرين

منال خخخ (ااخ يالملاعين..خسارة فاتتني اشياء واجد)): ماتاخرت ولا شي

احمد: وين رحتين ؟

طلعت منال الي كانت خاشتنه .. باقة ورد كبيييرة والوانها رووعه ( الورود الي فيها
باللون الاحمر والوردي والابيض) طالعه روووعه

منال: هذا الي رحت علشانه

زهراء عجبتها البااااقة وتمنت لو انها عادي بعد تجيب ليه باااقة واكبر من هالباقة

احمد: الله روووعه مشكوورة يااحلى اخت في العالم

منال: العفوو ييااحلى احمد في العالم

زهراء كانت تطالع منال واحمد وهي مستانسة من اسلوبهم ويا بعض

منال: تدري وش يقول الدكتور

احمد: وش يقول

منال: يقول بيطلعونك بسرعه يعني يوم يومين مابيتاخرون

احمد: افففف ليش يوم يومين بعد خل يطلعوني اليوم اكو زين انا

منال: لااا لازم يتطمنون عليك

احمد: انا لله وانا اليه راجعون ..لاعت جبدي من هالسجن

احمد يبي يشوف وش تسوي زهراء: اييي .. ابي ديك الي مسويه شعرها مادري شلون
الي كلحين تجي هذي حليوة

زهراء منقهره خاطرها تقوم تفغص منال واحمد ..لكن تسوي روحها تضحك وعادي وهي من داخلها
باقي شوي وتنفجر

منال تعرف زهراء عدل تدري ابها منقهره

منال: وش رايك قبل لاتطلع من اهني ناخذ لك رقمها

احمد: وييش صدقتين مابي ولا وحده منهم دلين عندي وحده انا

زهراء علطول فتحت عيونها وباقي شي وتصيح

منال في داخلها تضحك خاطرها تنفجر من الضحك: اييي هذييك (وهي تطالع زهراء) اعرفها ويلييي
عليهااا تجنن ..خلاص حاجزينها ليك يعني حاجزينها بس خلك تطلع

زهراء وقفت تبي تهرب بس من هالمكان تحس روحها غبيه لانها جت

منال: هيي وين بتروحين انتين

زهراء: بروح وبجي،، وطلعت

منال: يوووووو احمدو تحسب انت تحب وحده غير

احمد: روحي شوفيها وين راحت بسرعه

منال شالت تلفونها وبسرعه طلعت علشان تلحق عليها

زهراء راحت الحمام وقعدت تصيح

دخلت منال

منال: زهراء وش فيش

زهراء مسحت دموعها بسرعه وسوت روحها مبتسمه: مافي شي

منال: حلفي

زهراء: لا بس تاخرت بتصل ليهم بطمنهم عليي وبشوف اذا يقدرون يجون لي

منال: لااا قعدي وياااي ..ليش يعني تضايقتين ويانا؟

زهراء: لااا بس امي بروحها في البيت

منال: انزييين عاادي مو اول مرة ، سحبت زهراء من ايدها وراحوا الكفتيريا

في الكفتيريااا :…

منال : ويش بتقعدين اهني ولا نرجع لاحمد

زهراء تذكرت احمد ان يحب: لا خلينا نقعد اهني

منال: اوكي بس مابنتاخر

طافوا صبيان صوبهم

…:: ماااقدر على الهمر اقوليك احلى همر شفته في حياتي

…:: ولا عاااد االهمر الي صوبه قمر قمر

منال تقول لزهراء بالعدال: يمايي وش فيهم دلين يطالعونا

زهراء: سكتي عنهم ولاكانهم يطالعون

منال: وش دخل الهمر فينا احنا الحين

زهراء: وشدراني اني روحي اساليهم

منال: عليهم القااب مثل وجهم ..

زهراء: يعني وش تبين يلقبونش مثلا يعني

منال تسوي روحها تفكر: اممم القمر يعني مثلا الورده و ال..

زهراء: انجبي اقول لايسمعونش بس

منال: ههههههههههههاااااي

قاموا الصبيان قعدوا في الطاولة الي صووب الطاولة الي قاعدين فيها منال وزهراء..

منال: يووو قومي قومي

زهراء: اي مصخوها دلين مو باقي الا يقعدون في وسطنا

منال: اي يلا قومي قومي

قاموا زهراء ومنال .. وقاموا وراهم الصبيان

منال: يوووووووو اكم جوا وراناا ولاا بعد جيش ينتضرونهم برا

زهراء: انجبي انجبي ماعليش منهم .. ولاكانهم ورانا

واحد من الصبيان : اقول لاتخافون مابناكلكم

رفيقه: اي بس نظره لو سمحتين

زهراء: مصخوها دلين الصراحه بفضحونا

منال: يمايي زهراء وش نسوي الحين

زهراء: يوو منال لاتصيرين لي جاهله اعقلي لاافلتش عليهم الحين

تقرب واحد وصار يمشي في صف زهراء ومنال، وربعه يضحكون

زهراء وقفت ومنال وقفت وراها خايفة

زهراء تكلم الصبيان وحدها معصبة : وش هالسخافه الا عليكم انتون

:… الله ماقددررررر يجنن هالصووت ويليي بمووت

زهراء:استحوا عاد وش كبركم تسوون حركات جهال في الروضة والله فشلتونا

سحبت منال ومشت بسرعه

منال: عااشت زهرااااااء عااشت كلووولوووش ..

زهراء: هههههه ها وشرايش

منال: الصراحه تصلحين ضابطه

زهراء: ههههههه لوزين

ركبوا اللفت وجوا دلاك الصبيان بيدخلون بعد

زهراء: لو سمحتون دخلنا قبل دوروا ليكم واحد ثاني

واحد منهم: لا عاجبنا هذا

جودت منال ومشوا: اوكي قعدوا فيه عجل

راحوا ركبوا من الدرج

زهراء: ياااااااااااااااااربييييي وش هالاشكااااااااال يلوعون الجببببد ..حتى في المستشفى ماتسلمين منهم هدوي

منال: خخخخخخخخخخخخخخخخخخخ بس سكتي راحوا لايرتفع ضغطش علينا

زهراء: ههههه

منال تبي تقهر زهراء: داك حليو له الي مسوي سبايكي ولابس فانيلة سوده

زهراء: عاجبنش؟

منال: ايي

زهراء سحبت منال من ايدها: اوكي امشي بوديش ليه

منال: هههههههههههه خلينيييييي ياحماااره امزح وياش يلوع الجبد

زهراء: احمم حسبالي بعد اني ماعلمت بناتي على هالحركات

منال: ههههههههههه مالت عليش

وصلوا الغرفه الا فيها احمد

تذكرت زهراء سالفة احمد

زهراء: اني مابدخل بقعد اهني

منال: بلا دلللع امشيييي

زهراء: لاا والله بقعد اهني حلفت

منال: زهروووو بلا دلع

زهراء: خللاص حلفت

منال: اففف

دخلت منال..

وهناك كان علي

احمد: وين زهراء

منال: حلفت ماتدخل

احمد: لييش؟

منال: وشدراني روح اسالها

احمد: لايكون على يوم من شوي نسولف

منال: اي يمكن

احمد: افففف

علي: من وين جايين انتون

منال(يوو وش دخلك): جايين من الكفتيريا

علي: اهاا

منال: هههههههههههههههههههههه

احمد: وش فيش استخفيتين ماما؟

منال: ماتدري وش سوت زهراء هناك

احمد: وش سوت بعد

علي: اووه طلعت زهراء قويه بعد

احمد عصب: قووييه طلل لازم ماتعطيهم وجه

منال: لاااولله لو ماعطتهم وجه جان بيمصخونها

علي: اي حتى لو عطتهم وجه بيمخصونها زيادة

منال: يعني وش كان لازم نسوي

احمد: تمشون وانتون ساكتين

ماشافوا الا زهراء داخله وكانها متخرعه

دارت ورا انزهقت ماتدري علي اهني

منال: وش فيش قررتين تدخلين

زهراء انزهقت مو عارفه تتكلم: دلاك برا

منال: منهم؟

زهراء تحسب منال ماقالت ليهم..: دلاك الي شسمه

احمد: الصبيان هاا

زهراء انصدمت وشدراه ،عرفت ان منال قالت (بل) : هاا.. .اي

احمد: الحين بعد تعلفوا؟

زهراء امبي وش اقول .. ويي عادي مشكل بتكلم عادي ليش استحي جذي جذي يحب
غيري : ماادري شلون عرفوا ان احنا اهني اصلا .. وي يخوفون.. ولا بعد جايين
قاعدين صوبي مصخوها من جذي قمت

احمد عصب: وليييش مادخلتين من البدايه ويا منال ها

منال تبي تهدي السالفة لان احمد كانه باقي شوي ويعطي زهراء كف: انزين اهمشي دخلتين

زهراء تبي تقهر احمد: لا بطلع لاني حلفت

توها بتطلع

احمد: قعدي اهني

زهراء: مابي اقعد وطلعت

احمد يبي يقوم يصطر زهراء من القهر والغيره الي داخله: …علي قوم زف الكلاب الي
برا

علي: اوووووكي اراويك فيهم بس ..

كلشي ولا زوجة المستقبل

هههه

منال ( يوو عفر ربعه كلهم يدرون . خخخ)

طلع علي وزفهم زففف وشردوا خخخخ

زهراء تباعدت عن الغرفه .. اتصلت لابوها يجي ياخذها لان مو قادره تتحمل تحس روحها
بتصيح قدامهم اهني

دخل علي

منال: ها وش صار؟

علي: ههههههههههه هربوا احممم يخافون الجبناء

منال تتطنز: اي له لانك قوي

علي: اي شعباللش انا اسدحهم كلهم بصبعتيين

منال تواصل التطنز : اووه ماشاء الله

احمد مو وياهم عالخط: وين زهراء؟”

علي: مادري مو برا

احمد: شلوون مو برااا

علي: وشدراني انا

احمد قام بكبره يبي يطلع

علي: ههييي صل على النبي بروح انا بشوفها

منال: لا خلكم اهني اني بروح

طلعت منال شافت زهراء جايه

منال معصبه على حركات زهراء لانها ماتحس في احمد وتسوي حركات جهال :وش هالحركااات الا
تسوينها؟بكبره مسكين مو قادر يشيل روحه

زهراء: وش سويييت بعد

منال: ليش مارضيتين تقعدين؟

زهراء: حلفت لان له

منال: انزين وين رحتين

زهراء: رحت اتصل بيجي لي ابوي الحين .. قال خمس دقايق وهو اهني لانه طالع
من بيت ابوي العود قريب

منال: بتخليني بروحي يعني؟

زهراء: اكو من الصبح وياش والحين الساعه سبع

منال: انزين ماتبين تقعدين ويا احمد يعني؟

زهراء شقصدها هذي ؟: اكو انتين وياه له اني وشدخلني

منال تبي تنهي الموضوع : ماتحبينه يعني؟؟

زهراء امبيي وش قاعده تقول هذي: ليش تقولين جذي

رن تلفون زهراء ….شالته ..

زهراء: اوكي يلا مع السلامة ابوي ينتضرني تحت

منال: انزين اجي اوصلش؟

زهراء ابتسمت: لاقعدي اهني ،، ومشت

دخلت منال

منال: جا ليها ابوها ومشت

احمد منقههههر حدددده

منال: الا صدق احمد وينه امي

علي : صباح الخير

منال طالعته بحركه كانها تقوليه وييع

علي خاطره يضحك : طلعت ويا ابوش يجيبون اغراض لاحمد

منال: اهااا

علي: تبين اوصلش البيت ؟

منال: لا بنتضر امي وابوي

علي: اذا تبين اكو انا الحين ماشي

منال: لاا بقعد ويا احمد محد وياه

احمد: لا روحي عاادي

منال ( اففف مابي اروح وياه ويييع) : لا بقعد وياك

علي: انزين كيفش تحسب ببوقها

منال حست بعلي انها ظالمتنه: هههه لااا بس ابي صدق اقعد ويا حمودي وحشني

علي: ههه اوكي على راحتش

علي: يلا ابو عبود نشوفك على خير

احمد: اوكي سلم على الربع وقوليهم انا عتبان عليهم ولا واحد فيه الخير

علي: قالوا بيجون ليك باجر

احمد: قوليهم مابيهم يجون

علي: هههههه مو على كيفك ..

احمد:الا صدق شخبار عبد الله

علي: تمام ماصاده شي خطير عادي

احمد: الحمدلله سلم عليه

علي: اوكيي الله يسلمك يوصل..المهم يلا تصبح على خير وتحمل بروحك

احمد:اوكي انت بعد

طلع علي

منال: لاتنقهر من حركات زهراء اليوم هي تحبك من جذي منقهره على يوم تقول تحب
تحسب وحده غير ماتدري ان هي…

احمد: قهرتني ماتحس

منال: ماعليك لاتعور راااسك..انت ارتاح الحين وكلشي بينحل.. على عمري من اول يوم تعبناك

احمد: لا كلشي علشان زهراء يهون

منال: احم احم .. المهم بروح الحمام بعدل شيلتي وبجي

احمد: اوكي

احمد قعد يفكررر ..لاازم اخبر زهراااء باسرع وقت ان احبهاا مايصير جذي

خايف تضيع مني

انتبه لتلفون منال

اخذه قعد يدور على رقم زهراااء .. شاف مكتوب زهور قلبي

عرف ان هي سجل الرقم في تلفونه ورجع تلفون منال

رجعت منال ورجعوا امه وابوه وكانوا جايبين ليه باقااات عجييبة صارت الغرفة عجيبة كل جهة
تشوف باقة ورد..وخلوه يتعشى غصبا عنه والساعه 10 مشوا عنه.. علشان يرتاح لانا لصدق اليوم
تعب عدل.. مع ان الدكتور موصنهم لا يتعبونه بس كله من زهرو

تذكرت يوم منال تسالها تحبين احمد او لا.؟… قعدت تفكر في السبب الي خله منال
تسالها هالسؤال ..معقوله يبين علي يعني؟؟ اففف غبيه اني من قال لي اروح

في المستشفى احمد طلع رقم زهراء ..وفكر يطرش ليها شي

كتب الكلام الي خاطره يقوله وطرشه وحس براحه

وصل مسج لزهراء فتحته شافته من رقم غريب

كااان مكتوب فيه

“تشكين ان احب غيرش؟.. ماتعرفين انش الوحيده الي في قلبي؟،،

وعمري مااابحب غيرش.. واتمنى انش تحبيني لان ما بعرف اعيش من دونش وهذا الي كنت
بقوله لش اليوم

و انا من متى ادووورش واخيراا حصلتش ”

زهراء وقف قلبهاااا مو عارفه وش تسوي ..علطووول صاحت عرفت ان المسج من عند احمد

عورها قلبها على تصرفها الجافي وياه اليوم .. تبي ترد لكن مو عارفه شتقول

في المستشفى احمد ينتضر رد من عند زهراء ..مو عارف ينام

وصله مسج وعلطول فتحه

” للاسف اني ما احب احد…
غير الشخص الي عرفت انه يحبني ومن زمان ابي اعرف يحبني او لا .. ووصلني
الجواب الحين… وابيه يسامحني على تصرفي اليوم …

تحمل بروحك وتصبح على خير ..”

احمد كان يبي يرد بس مو عدله يعني لان هي للحين ماصارت ليه اهم شي
عرف انها تحبه استانس حس روحه طاير من الفرح واخيراااااا

بعد يومين… وصل خبر لابو احمد ان المستشفى برخصون احمد لكن لازم يتعالج برا عن
عيونه لان احتمال كبير بيفقد نظره …

احمد كلما يجي له يحس نظره يقل وهذا اثبت لابوه صحة كلام الدكتور… ابو احمد
خبر ام احمد ومنال وام احمد من تشوف احمد تصيح.. المشكله ان ابو احمد مو
عارف شلون يقول لاحمد لكن لازم يقول …

دخل ابو احمد على احمد ..

احمد كان مستانس وعلطول وقف : هاا ويش بيرخصوني له؟

ابو احمد ابتسم لكن في داخله خاطره يحضن ولده ويصيح: اي برخصونك

احمد: وه مابغيييت

ابو احمد: شخبار عيونك الحين؟؟

احمد: مادري احس ساعات ماشوف عدل وراسي يالمني

ابو احمد حس قلبه يتقطع شلون يقول لولده ::احمد

احمد: نعم

ابو احمد: حبيبي انت عمرك مافقدت الامل بالله له

احمد: اي اكيييد

ابو احمد: احمد…… الدكتور يقول احتمال بتفقد نظرك قريب

احمد قعد على الكرسي مو قادر يصدق الا يسمعه

ابو احمد: لكن في امل انك تشوف اذا سافرت برا ويسون لك عمليه ووبتشوف

احمد: واذا مانجحت العمليه.؟ مابشوف ؟

ابو احمد:احمد مو انت قلت عندك امل بالله يعني لاتخاف بتنجح العملية اهم شي انت
توافق تروح تتعالج برا وخل الباقي على ربك

احمد: وكم يعني بقعد هناك؟

ابو احمد: على حسب العملية

احمد: انزين انا وين بسافر؟

ابو احمد: الاردن

احمد مو قادر يتقبل هالخبر مايبي يسافر ويخلي زهراء اهني…

رجع بيتهم وهو ماله زاغر شي … راح غرفته ،قعد يفكر.. دخلت عليه منال..

منال حدها مستانسه برجعة اخوها: الحمدلله على السلامة

احمد: الله يسلمش

منال: وش فيك؟

احمد:تدرين وش فيي

منال: احمد في عمري كله ماشفتك مستسلم جذي ..لاتخاف بتنجح العمليه

احمد: مو على جذي.. بسافر برا مادري كم ببقى هناك وخايف زهراء تضيع مني

منال: اهاا يعنيي على زهرو ..اممم انزين ليش ماتخطبها وتروح وياك

احمد:تتوقعين بوافقون اهلها

منال: ليش مايوافقون يعني

احمد: تدرين انا بخبر امي الحين وبخليها تتصرف

منال: اوووكي واني بكون وياك في صفك لاتخاف …مابتروح الا وهي وياك

رجعت ام احمد البيت .. وعلطول راحت غرفة ولدها … تتطمن عليه

ام احمد:احمد لاتقعد تفكر في سالفة العملية

احمد:اماه انا مو على العمليه

ام احمد: عجل على ويش؟

احمد: اممم انا قررت اخطب قبل لااروح

ام احمد:كلوووللوووووووش هذي الساعه المباركة ياولدي والله فرحتني بهالخبر …وها عندك وحده ولا اني ادور
ليك

احمد: عندي ..زهراء صديقة منال له

ام احمد:والله عرفت تختار ياولدي ..زهراء نجمه الصلاة على النبي ..

احمد: اماه انا خايف ماتنجح العمليه واغربلها ويايي

ام احمد:حبيبي توكل على الله واخطبها الحين وصدقني عندي امل كبير بتنجح العملية والاردن خبيرين
في هذي العمليات لاتخاف ياولدي .. وعمليتك مابتكون اول عملية يسوونها.. الحين انت اخطبها وتروح
وياك عن بروحك هناك واذا رجعتون بالسلامة بنسوي ليها اكبر حفلة زواج …

احمد باس راس امه:مشكورة يااغلى انسانة في هالدنيا

ام احمد:الله يخليك ويحفظك واشوف اولادك يارب

منال دخلت ..

منال: ها ويش تمام اور نوت

احمد: وش تشوفين

منال: والله وجوهكم يعني تبشر بالخير

ام احمد: خلاص بخبر ام سلمان وان شاء الله خير

احمد: انا الحين متى بسافر.؟

ام احمد: عقب اسبوعين ليش؟

احمد: اذا وافقت ابي نعقد بسرعه لان حاس روحي حدي خمسة ايام وبينطفي الضوا عن
عيوني

ام احمد عورها قلبها عدل على ولدها:لاتفقد الامل واصبر ياولدي الصبر مفتاح الفرج ..ولن يصيبنا
الا ماكتب الله لنا .. اصبر هالكم اسبوع وان شاء الله عقب العملية بترجع لينا
صاحي واحسن من الاول

منال: ان شاء الله

ام احمد عطت احمد امل كبير وخصوصا ان احمد مايحب يستسلم بسهولة..

احمد: اوكي اماه انا بطلع الحين ..

ام احمد: يو وين بتروح مارتحت توك راجع

احمد: لا مرتاح الحمدلله ابي استانس هالايام قبل لا اسافر ..بيمر علي حسن الحين بطلع
وياه..

ام احمد: اوكي حبيبي تحمل بروحك

احمد : ان شاء الله

منال: احمد وشرايكم توصلوني بيت زهراء

احمد: اوكي قومي عدلي كشتش

منال قامت طلعت: افف ابي اعرف وش بينك وبين كشتي المسكينة

ام احمد:ههههه الله يغربل بليسك ..على عمري منال ماتخليها في حالها

احمد: هههههه مادري احس بقهر اذا ماجننتها

ام احمد قامت تبي تطلع:خل بنتي خلف جبدتي في حالها مابي بنتي تستجن زيادة

احمد: ههه تعترفين ها ان فيها جنون

وصل حسن وطلع احمد ووياه منال..

وصلوا منال بيت زهراء ..
في بيت زهراء..
ام زهراء: حي الله من جانا ,,
منال: الله يحيش
ام زهراء: تفضلي قعدي
منال: زاد الله فضلش، اني جايه ابي زهراء شوي اذا مو مشغولة
ام زهراء: لا مو مشغولة ولا شي اكي قاعدة في غرفتها .. روحي ليها بتستانس
ابش متمللة حدها
منال: ههه اوكي
راحت منال غرفة زهراء وعلطول فتحت الباب…
زهراء كانت قاعده في البلكونة تدرس
انتبهت لمنال: هلا هلا والله بالغالييين
منال: ههه هلا
زهراء: حياش .تعالي
راحت منال وقعدت في كرسي صوب زهراء
منال: الاي عجيب اهني مافي صوبكم احد ماخذه راحتش
زهراء: اي فن هدوء
منال ابتسمت: شخبارش بعد؟
زهراء: الحمدلله اسال عنش
منال: سالت عنش العافية
زهراء: شخبار احمد
منال: امممم قصة طويلة عريضة
زهراء: ليش وش صار؟
منال: الله يسلمش الدكتور قال ان احمد قريب بيفقد نظره ولا زم يودونه برا يتعالج
وابوي بيوديه الاردن
زهراء انصدمت من هالخبر طبت دمعتها بدون ماتحس
منال: وش فيش زهراء؟
زهراء:مافي شي
منال تبي تخلي زهراء تعترف انها تحب احمد: لا لازم في شي
زهراء :مادري وش اقول ليش ..مو عارفة شقول
منال: قولي اي شي انزين
زهراء تبي تطلع الي في قلبها لاحد: تدريين ان اني من على ايام المعهد معجبه
في اخوش واعتقد ان الحين الاعجاب تحول حب
منال استانست كلش من اعتراف زهراء الصريح:زهراء ترى يوم في المستشفى احمد كان يقصدش
زهراء: ادري
منال: يو جيفى دريتين؟
زهراء تذكرت ان احمد مطرش ليها مسج يعني مو لازم تفضحه:ها بس جذي عرفت
منال: احمد يحبش من زمان ..
زهراء سكتت ماعرفت وش تقول لانها هي بعد مثل الشي
منال: لو يتقدم لش احمد وهو في هالحال تقبلين فيه؟
زهراء مو مستوعبه شي وجاوبت بسهوله لان مو متوقعه ان في هالحال بيتقدم ليها..: اكيد
اقبل فيه ..اذا شخص احبه ابقى وياه طول العمر وماتخلى عنه
منال: عفية على مرة اخوي
زهراء:مرة اخوش؟
منال: هههههههههههههههههه مسكينة ماتدري
زهراء مو مستوعبه: ويش تقولين؟
منال: احمد اليوم كلم امي عنش بيتقدم لش يعني مابتسون خطوبة بس عقد وبياخذش وياه
..بعدين اذا رجعتون بسوي لش حفلة وش كبرها لان مستعجل حده مافي وقت ..وهو لان
خايف ياخذش احد غيره في هالمدة
زهراء منصدمه من الخبر مو قادرة تصدق واخيرا..

منال: يوو وش فيها مرة اخوي
زهراء:ههههه سكتي سكتيييي مو قادرة اصدق بستخف
منال: انتين الي سكتي مو قادرة اصدق انش مرة اخوي .. بل بتصيرين وياي في
نفس البيت الاااااااااااااااااااي ويلي بستخف واخيرا احد بصير وياي في البيت
زهراء: ههههههههههههه مو قادرة اصدق
حضنوا بعض وقعدوا يناقزون الهبلان من الفرح
وعقب يومين ام احمد كلمت ام زهراء.. وام زهراء وابو زهراء ابدا ماعترضوا لان احمد
خوش رجال ويستاهل زهراء وزهراء تستاهله..حددوا يوم علشان العقد..الا هو قبل السفر بيومين.. واحمد وزهراء
راحوا سو فحص ماقبل الزواج .. وبواسطة بيطلع الفحص عقب اربعة ايام
احمد مو قادر يصدق طاير من الفرحه ..طلع ويا ربعه ..راحوا صوب البحر
احمد: الله من زمان مانتجمع جذي
علي :اي والله ..وحشتني هالايام
حسن: ههههه يلا علي له كلنا خطبنا واكوا احمد بيخطب مو باقي الا انت
علي: اذا تزوجتون بخطب
عبدالله:ههههههههه ليش عاد
علي: بس
احمد:مافي وحده في بالك يعني
علي: في بس ماعتقد توافق
حسن:افا ليش؟
علي: شكلها ماتطيقني
عبدالله:منهي دي عاد؟
علي:ها ،وحده اعرفها
احمد: شلون تعرفها يعني وش تصير ليك
علي :اففف تحقيق هو؟
احمد: ايي يلا اخطبها وفكنا علشان يصير عرسك عقب عرسي
حسن:ههه وشرايكم نخلي اعراسنا ورا بعض
احمد: ههههههه جى على كيفنا
عبدالله: بنشوف ان شاء الله يصير بصير فن طول الاسبوع .. بصير اسبوع عرس الاربعة
المرحين
احمد:هههههههههههه عجبتني اسبوع الاربعة المرحين
حسن: علووو لاتغااور ..تقول لينا منهي دي يعني تقول
علي : يه اذا عرفت انها ماتكرهني ديك الساعه بقوليكم
عبدالله: اوكي بنشوف
حسن: تصدقون خاطري اسبح
احمد:انا بعد
علي:انا بعد
عبد الله: ههههههههه انا بعد
الكل:هههههههههههههههههه
راحوا استانسوا وتسبحوا في البحر …نسوا الدنيا شوي
وفي اليوم الثاني طلعت الفحوصات والحمدلله طلعت الفحوصات اوكي
وزهراء المسكينة راحت تدور ليها فستان وكانت علطول يروحون وياها ملاك وسارة ومنال
والحمدلله قدرت تحصل ليها فستان روعه ومناسب بسرعه
وفي يوم العقد:
احمد متكشخ طالع قمر .. بالثوب والغترة الاماراتيه …
كان يتكلم في التلفون مع حسن.. متصل له يبارك ليه
ددخلت منال .. وفي نفس الوقت احمد صك التلفون
منال دخلت غرفته: اوووووه الصلاة على النبي قمر والله قمر لو اعرف اصفر صفرت ليك

احمد: لو تصوفرين اكسر بوزش
منال: بل في يوم عقده جذي حشى .امم انزين حمود وشرايك فيني كشخه
احمد: اي كشخه بس للاسف ماتقدرين تغطين على جمال زوجتي
منال: ماتعرف تقول شي عدل مالت عليك بروح اخذ راي امي وابوي فديتهم
احمد:ههههههه لازم اول ماتدخلين علي تقولين لي مبروك
منال: روح ول ماتستاهل
احمد:افااا
منال تسوي روحها زعلانة
احمد:والله مانقدر على زعل الغاليين
منال: لاتحاول مابكلمك
احمد: والله العظيم تجننين لكن زهراء احلى
منال: اففففف
احمد( يحب يجننها): ويش قاعد اقول الحقيقة تبيني اجذب يعني
منال: انزين خلاص مابي رايك ..ومشت عنه
ام احمد دخلت وفي ايدها المبخر: الف الف مبروك يالغالي … ،،{راحت صوب احمد وقعدت
تبخره
احمد: الله يبارك في حياتش بس للحين ماصار شي
ام احمد:غمض عيونك وفتحها وكلشي بصير
احمد ابتسم: ان شاء الله
احمد:الله ياام احمد وش هالجمال
ام احمد:ههههه االي يشوفك يقول حاطه لي مكياج ومسوية شعري
احمد:انتين بدون ماتسوين لش شي قمر
ام احمد:ههه لا حبيبي محد قمر في البيت غيرك
احمد:انزين انا قمر من الي جابني انتي يعني انتي القمر وانا ماخذ الجمال منش
ام احمد:ههههه ماقدر عليك
منال دخلت: امااه وشرايش فيني
ام احمد: نجمة تجننين
منال: ليش مو قمر؟
احمد: انجبي انا القمر اهني
منال: اها جذي يعني يلا راضية بالنجمه اهون من لا شيئ
ام احمد:ههههههه يلا بسرعه جهزوا روحكم علشان لانتاخر
في بيت ابو سلمان …
ملاك: تجنننييييييين فديتش والله قمر قمر
سارة: زهور بجي بشببش خايفة احسدش
زهراء: ههههههههههه الله يغربل بليسكم
ملاك: والله صاير وجهش منور مادري شلون صايرة كشوخيه
سارة: الحين وحده بيتقدم ليها الي تحبه ماتبينها تستانس
زهراء صار وجها طماطه كلما تتذكر احمد وشلون بتشوفه تتوتر اكثر : انزين وشرايكم في
المكياج
ملاك : رووووعه
سارة: التدريج مال الالوان فن
ملاك: زهور وش فيش كانش في عالم ثاني
زهراء:ههههه متوترة حدي مادري شلون بشوفه
سارة: ههههه لازم جذي في البدايه اني ماسويت سوايه يوم ادخل على عماد
ملاك: هههههههه اييي اتذكرش بالغصب تشيل رجولها
زهراء: ههههههههههه اني الحين يمكن مو بالغصب اشيل رجولي يمكن انشل مرة وحده
سارة وملاك: هههههههههههههههه
ملاك: بسم الله عليش .. اني الحمدلله للحين ماجربت الشعور
زهراء: ان شاء الله بس كم يوم ويجيش واحد وتوافقين عليه وبتحسين بويش حسينا
ملاك: ههههههه
دخلت ام زهراء .. وقامت تبخر زهور
ام زهراء: الصلاة على النبي غطيتين على القمر
زهراء: ههه تسلمين
دخل سلوم … علطول راح صوب زهراء وقعد يطالعها ظل مده يطالعها ولا تحرك
ملاك: زهور طالعي اخوش يحسبش وحده غير
سارة: هههههههههه طالعوا فيسه ويلييي ماني قادرة
سلمان جود ايد زهراء: دهلا؟ (زهراء؟)
زهراء: ههههههه ايي اني زهراء حبيبي
سلمان ابتسم وراح قعد في حضنها وقعد يطالع وجها

زهراء: ههههههههههه اي هذي الوان بس مو الالوان الي عندك تشخبط ابهم
ملاك: اتخيل اخوش الغبي يروح يخلي له في وجهه الوان
زهراء: والله يسويها
سارة وملاك:هههههههههههه
ام زهراء …
ام زهراء دخلت: اكو اتصلوا جايين في الطريق…وردت طلعت
ملاك: قبش
زهراء: امبييي بهرب
سارة: ههههههههههههههههههههههههههه والله تضحكين ، مابصير شي يالغبيه ،لاتخافين انتين بس ،، الا يقول هي
اول وحده
عقب خمس دقااايق ..دخلت منااال
مناااال علطول راحت وحضنت زهراء: شخبارش مرة اخوييي
زهراء: سكتي خايفه حدي
منال: ههههه اخوي موو وحش ترى عاادي .. بيكلمش عادي مابياكلش
ملاك: احم احم نحن هنا
منال: يوو هههههه نسيتكم .. راحت باستهم
سارة: مو منش ..من فرحتش
منال: ههه ايي شخباركم.؟
زهراء ومنال: الحمدلله وانتين شخبارش؟
منال : اني مستاانسه حدي تخيلوا اخوي وصديقتي فن
ملاك:ههه اي حاسه فيش لان صار لي مثل الشي
زهراء: اي عماد وسارة
سارة: احمم يعني مو بس زهرو
منال: ههههههههه
ملاك: يلا سارة جان عندش اخو خاشينه عني زوجيني اياه
سارة: هههههههه لوزين عندي جان والله اخليه ياخذش
منال: زهور طالعه روووعه ..صدق احمد يوم يقول
زهراء: وش قال

زهراء استحت وفي نفس الوقت مستانسه على ان احمد قال عنها جذي: ههههه
ملاك: ياعلي حرام ماعندي احد يقول عني حليوة
منال وزهراء وسارة: افا احنا وين رحنا
زهراء: ترى كلكم طالعين رووعه تجننون
عقب نزلوا للناس تحت
وخلوا زهراء تقعد على كرسي وقاموا يغنون عليها ..ومنال وملاك وسارة ماسوو سوايه ،وزهراء بس
تضحك عليهم
( البنات كانت فساتينهم روووعه ..منال كان فستانها وردي فاتح وسارة بنفسجي وملاك احمر ..وكل
وحده فستانها يقول الزود عندي وتساريحهم كانت فن والمكياج كان اخفف مكياج ملاك لان ماتحب
مكياج غامق ) كانوا هالشله هم الوحيدات الي الانظار كلها كانت عليهم ،زهراء كانت مستانسة
حدها لان عندها صديقات مثل منال ملاك وسارة ..تطالعهم وتبتسم في وجهم خاطرها تقوم تحضنهم
ولا تخليهم
دخلت ام احمد الصالة ووياها ام زهراء علشان يباركون لزهور.. بعد مااخذ الشيخ وكالة احمد
وخلاص صاروا لبعض..(لان الشيخ ماخذ وكاله زهراء من الصبح )
زهراء من شافت ام احمد علطول وقفت مو عارفه وش تسوي
ام احمد راحت ليها وباستها وزهراء باستها على راسها
ام احمد وام زهراء: مبروك حبيبتي
زهراء: الله يبارك في حياتكم
ام احمد: الصلاة على النبي قمر والله تستاهلون بعض
زهراء باقي شوي وتختفي صارت حمرة/ ابتسمت : تسلمين
ام احمد: شخباركم بناتي؟
سارة وملاك: الحمدلله نسال عنكم
ام احمد: سالت عنكم العافيه
وراحت ام احمد وام زهراء ويا الباقي..
قاموا البنات يباركون لزهور
وعقب عشر دقايق نادوا زهراء علشان تروح لاحمد
زهراء تنتفض مو عارفه تمشي: بل بل ماااانيي
سارة: ههه لاتخافين عادي
منال: لاتخافين زهرااء اخوي عجيب
زهراء مو وياهم على الخط تفكر بالي بصير هناك:هه اوكي يلا ادعوا لي
سارة: حشى حشى الي يشوفها يقول بتسافر
ملاك ومنال: هههههههههههههههه
دخلت زهراء على الغرفة الي فيها احمد
مو عارفه تمشي تنتفض..
احمد بعد مو عارف وش يسوي متوتر.. من شاف زهراء دخلت علطول وقف

احمد:شخبارش زهراء
زهراء يوم سمعت صوته جايه تبي تهرب لكن تذكرت ان لازم ماتستحي منه خلاص: الحمدلله
انت شخبارك
احمد ابتسم: الحمدلله بخير دامكم بخير
(زهراء كانت لابسة فستاان اخضر عجيب طويل شوي من تحت ..ستايله هندي .. وكان شعرها
مرفوع وbig puv طالعه روعه عليها التسريحة والمكيااج صاير العين تدرج الاخضر ووياه لون ذهبي
خفيف ولااروع طالع عليها والحمره ورديه فاتحه روعه وزهراء بشرتها حنطاوية فطالع عليها المكياج روعه)
واحمد بعد كان روووعه ثوب والغتره مسونها اماراتي وحالق طالع ولا اروع
راح احمد ورفع المشمر الاخضر الي على راسها… وحب راسها ..وهو ينتفض بس مايبي يبين
..
زهراء غمضت عيونها .. ومن داخل نبضات قلبها تدق بسرعه
احمد: مبروك
زهراء: الله يبارك في حياتك ..انت بعد مبروك عليك
احمد: الله يبارك في حياتش ..امم بتظلين واقفه يعني؟

راحت وقعدت في كرسي وراح احمد قعد في كرسي صوب الكرسي الي قعدت فيه زهراء…

احمد مو عارف وش يقول: امم زهراء تدرين ان عقب يومين السفر له
زهراء: اي
احمد:مو خايفة ان العملية ماتنجح واظل طول عمري اعمى؟
زهراء: لا ليش اخاف.. اني ماحبيتك علشان عيونك
احمد عجبته جراة زهراء : يعني متقبلة الامر؟
زهراء: اي الحمدلله .. ولا تخاف اني الي احبه ماتخلى عنه
احمد عجبه اسلوب زهراء في الكلام ..
وقعدوا يسولفون .. وعقب ربع ساعه دخلت ام زهراء تبارك لاحمد


،وزهراء بس تبتسم ليهم وخاطرها تقوم تصطرهم
ملاك ومنال راحوا قعدوا صوب زهراء وحده على اليمين ووحده على اليسار
ملاك: ماعليش منهم ادري ابش خاطرش تقومين تفغصينهم هم يحسبون عادي يعني يتطنزون


واحمد مااكل شي بس قاعد يطالع زهراء مو مصدق انها خلاص صارت ليه طاير من
الفرحه ..
احمد: مو مصدق ان عقب كل هالعذاب الي عشته وانا احسب ماتحبيني صرتين لي
زهراء حدها مستحيه: ههههه
احمد: الصراحة قصتنا غريبة
زهراء: اي والله حدهاا غريبة ..من الي بصدق ان زهراء واحمد الاعداء في المعهد صاروا
لبعض الحين
احمد يستانس اذا زهراء تتكلم: هههههههه


زهراء كانت تعبانه بس ماحبت تكسر خاطر ربعها سهرت وياهم واستانسوا.. وكان هذا اليوم بالنسبة
لزهور احلى يوم في حياتها ..
اما احمد رجع بيتهم مستانس حده ..قعد ويا منال شوي في الصالة ، قعد يسولف
وياها .. بعدين راح غرفته حاول ينام مو عارف بعدين اذن اذان الصبح قام صلى
ورجع يحاول ينام ..
في اليوم الثاني :-
قعد احمد من النوم من وكت الساعه 8 مع انه نايم متاخر..يحاول يشوف.. مايشوف الا
خفيف وظلام
عرف انه خلاص فقد نظره …قام من على السرير يمشي شوي شوي علشان مايرقع في
شي .. راح غرفة منال طق الباب ..مافي رد لان اكيد نايمة… ماحب يروح لاامه
وابوه علشان مايخرب عليهم نومتهم ويخرعهم ..دخل غرفة منال ..
احمد:مناال
منال ولا كانها تسمع شي
رد نادها احمد بصوت اعلى
انزهقت وقامت
منال: وش تبيييي
احمد:منال خلاص مااشوف انا
منال سيده قامت من على السرير وراحت صوبه
منال عورها قلبهااا ماكانت تبي تشوف اخوها بهالحال جودته من ايده ونزلت وياه تحت
منال: احمد لاتفكر الحين واجد بسالفة عيونك باجر بتسافر وان شاء الله ترجع لينا تشوف

احمد اكتفى بابتسامه ..
منال: بروح المطبخ تبي اجيب ليك شي؟
احمد: ماي
قعد احمد على كرسي في الصالة ..ومنال مامشت قعدت تطالع فيه كاسر خااطرها ..
احمد: وش تنتضرين روحي عطشان انا
منال انزهقت: احلف ماتشوف؟
احمد: هههههههههه صدق ماشوف لكن احس
منال تبي تنسي احمد الي فيه: هههههه يعني
راحت سوت ليه ريوق وجابته ليه
تريقوا بعدين قعدت امه وعرفت بالسالفة وقامت تصيح لكن بهدوء
تكلمت وياها منال على انه لازم هم يكونون اقوياء علشان يساعدونه يصير قوي ومايضعف
ابو احمد وصل احمد غرفته علشان يرتاح .
احمد فكر يتصل لزهراء .. لان خلاص عادي يتصل ليها

زهراء كانت قاعده تتريق وتاكل سلوم .. رن تلفونها شافت رقم احمد .. استحت تشيله
لان اول مرة ..لكن الشوق وقلبها خلاها تشيله غصب عنها ..
احمد: الو
زهراء: هلا
احمد: هلا والله قلبي..شخبارش؟
زهراء (بل بل) صارت طماطه يعني اول مرة: ….الحمدلله ..انت شخبارك؟
احمد: امم تبين اخباري ماعندي الا اخبار مو زينة
زهراء: بل ..وش صاير
احمدد: امم يوم قعدت الصبح صرت مااشوف
زهراء عورها قلبها لكن لازم ماتبين ليه انها ضعيفه وتساعده :ماعليه اصبر ماباقي شي ..
بس هالكم يوم مابتشوف
احمد: ها ويش جهزتين روحش لباجر
زهراء: ههه من اسبوع مجهزة روحي
احمد:ههههه متحمسه شكلش
زهراء( قبش): اي شوي
احمد: شوي؟
زهراء تبي تغاور : انت جهزت روحك
احمد: لا للحين والمشكله الحين مااشوف يعني منالوا الي بتجهزهم ههه
زهراء خاطرها هي تروح وتجهز اغراضه عنه: الا شخبارها منال؟
احمد: زينة ..مسكينة اول وحده قعدتها هي خربت عليها نومتها
زهراء: ههه على عمري منال
احمد: سوت لي الريوق بعد متحمله ابي
زهراء: هههه
احمد: بعدين عاد اذا سافرنا دورش تتحملين ابي
زهراء: واني من بيتحمل ابي هناك
احمد : اناا له يعني شفتيني مااشوف قلتين ماقدر ادافع عنش
زهراء ماكانت تقصد جذي كانت باقي شوي وتصيح
احمد:اسف زهراء ماكان قصدي اصرخ جذي
زهراء: لا عادي اني الي اسفة ، مع ان ماكان قصدي على انك ماتشوف
احمد: ادري ماكان قصدش ..امم يلا اخليش علشان بنام لي شوي امس مانمت الا 4
وقعدت 8
زهراء: ههه اني بعد مانمت الا اربع سهرانه ويا ملاك وسارة ووقعد ت 9 وهم
للحين نايمين
احمد: اوه زوجتي نشيطه

احمد: يلا اشوفش على خير
زهراء : اوكي ..نام عدل
احمد: اوكي.تحملي بروحش
زهراء :ان شاء الله
احمد: باي قلبي
زهراء ياربي والله استحي: باي
في اليوم الثاني الا هو يوم السفر … وتحديدا الساعه 7 الصبح والطائرة بتطير الساعه
8 ونص
بيت ابو احمد كانوا كلهم جاهزين علشان بوصلون احمد وزهراء المطار وبسلمون عليهم
ومثل الشي بيت ابو سلمان ..
احمد كان خاطره هو الي يمر على زهراء بسيارته ويوديها وياه المطار لكن مايقدر ..

وصلوا العائلتين المطار وربع احمد جوا بعد علشان يسلمون عليه ونفس الشي ملاك وسارة ..

ويوم قريب بتطير الطائرة .. ام احمد حضنت ولدها وزهراء
ام احمد: ماوصيش يازهراء على احمد
زهراء: على احمد لاتوصيني بشيله في عيوني
احمد عجبه رد زهراء
ام زهراء سلمت على احمد وزهراء وقامت تصيح ووصت احمد على زهراء ..واحمد مايحتاج اقوليكم
وش قاليها لان احمد مستعد يفدي زهراء بحياته
وسارة وملاك ومنال سوو المطار ماتم من الصياح ..
وربع احمد ماصاحوا لكن يبين على وجهم انهم حزينين لانهم مو متعودين بدون احمد …

والساعه 8 ونص بالضبط اعلنوا على الركاب ان يستعدون لركوب الطائرة …
سلمت زهراء على ربعها ملاك وسارة ومنال .. وكانت تبي تمشي بسرعه لكن اخوها سلمان
مارضى يخليها قام يصيح وعفس الدنيا ..لكن ام زهراء اخذته وباعدته علشان يخلي زهراء تروح
لاان تاخروا
جودت زهراء احمد .. وراحوا علشان بيركبون الطائرة …
وعقب ماطارت الطائرة زهراء قامت تصيح مو متعوده تسافر بدون امها وابوها لكن بدون ماتطلع
صوت .. احمد حس ان زهراء تصيح جود ايدها ..(كان يقوليها لاتخافين ) .. زهراء
كانت تحس بالامان بوجودها ويا احمد .. لان هو الي كانت تتمنى تكون وياه.. حتى
دراستها في الجامعه ماواصلت خلتها لمى ترجع هي واحمد بالسلامة وتنجح العمليه بتواصل هي وياه
دراستهم…
عقب ساعة الا ربع تقريبا .. وصلت الطائرة مطار الارد ن.. (وصلوا بالسلامة)
اول ماوصلوا راحوا علطول الفندق الي حاجزين فيه ..
احمد سيده نام لان كان تعبان مانام عدل .. اما زهراء اتصلت لبيتهم وطمنتهم انهم
وصلوا بالسلامة و قعدت تعدل الاغراض ..
في اليوم الثاني احمد راح ويا زهراء المستشفى الي بسوون ليه فيها العمليه علشان يعرف
متى العمليه قالوا له بعد يومين .. طلعوا من المستشفى ,..
احمد: بما ان العمليه عقب يومين خل نطلع نستانس قبل لا اموت
زهراء هدت ايده: احمد بلا هرار لا امشي عنك واخليك
احمد: تقدرين؟
زهراء: هذي هي المشكله له مااقدر
احمد رد سحب ايدها وجودها: انزين وشرايش بوديش حديقة عجيبة ا السنة الي طافت يوم
نجي رحناها فن
زهراء: اوكي
وصلوا الحديقة وكانت صدق فن
احمد: هو انا صح مااشوف لكن انا شفتها وشبعت منها الحين دورش
زهراء تتضايق اذا احمد يقول جذي: احمد لاتقعد كلحين تقارن بان اني اشوف وانت لا
..
احمد: انزين انا الحين ماقلت شي
زهراء: اي واجد ماقلت شي
احمد: انزين على الي اذكره ان في نافورة في الوسط صوبها كراسي
زهراء: اي صح
احمد: امشي بنقعد
زهراء: اوكي
راحوا قعدوا على الكراسي ..
احمد: زهراء؟
زهراء: هلا
احمد: تدرين على ويش انا حبيتش؟
زهراء: امم لا
احمد: هم ستة اسباب
زهراء ابتسمت: الاول؟
احمد: الاول لان قلبي اول ماشافش مادري وش صار فيه والثاني احب طيبتش والثالث حنونة
وحساسه الرابع احب ابتسامتش الخامس لان تخافين علي والسادس عاشق عيونش
زهراء صارت طماطه كانت فيها الصيحه: امم انزين وشدراك ان اخاف عليك
احمد: سر سر
زهراء: هههه انزين تبي تعرف من متى حبيتك
احمد: من متى؟
زهراء: اني في البدايه ماكنت ادري اني حبيتك بعدين على اخر الايام يوم تجي تصطر
دلاك الصبيان ويوم توديني بيت خالتي وتنتضر وياي في هاليوم عرفت اني صدق احبك
احمد: ههههههه
زهراء: اني توقعت نسيتني يعني هالثلاث سنواات
احمد: لا مانسيت .. حتى تذكرين يوم اتغلفط وياش اول يوم جامعه واخذ دفترش
زهراء: اي
احمد: قبل هاليوم كنت اقول لربعي قصتنا في المعهد وماكنت متوقع ان اشوفش
زهراء: هههه سبحان الله
احمد: قريت مذكرتش
زهراء:يالكرييه .. لايكون حبيتني يوم عرفت اني حبيتك
احمد: لاااا اقوليش من اول ماشفتش حبيتش ..
زهراء: امم انزين وشرايك نقوم نتمشى ..
احمد: اذا خاطرش تمشين روحي مشي شوي وتعالي لان انا راسي اخاف اقوم واطيح
زهراء : لا خلاص بقعد وياك
احمد: لاا قومي تمشي شوفي الحديقة
زهراء: امم اوكي
احمد: تدرين خلاص بجي وياش
زهراء: لاا اقعد ارتاح
احمد: لا صار خاطري اتمشى وياش
زهراء استانست لان احمد بجي وياها تحب تبقى علطول وياه ولا تخليه ،جودها من ايدها
وراحوا يتمشون
زهراء: ناس واجد خليجين اهني
احمد: اي
زهراء شافت جاهل وقفته وقعدت تساله عن اسمه وتسولف وياه..
احمد : شكلش تحبين الجهال
زهراء: ههه اي احبهم هذا لكن ذكرني بسلوم اخووي يشبهه عدل وفي نفس عمره
احمد: اهاا ..عجيب اخوش
زهراء: احم اكيد طالع على اخته
احمد: صدق مغرورة
زهراء: انت المغرور
احمد: ههههههه ،، امم تبين اسكريم ؟
زهراء: ايوة
احمد: امم تحبين على ويش
زهراء: اي شي
احمد: اخذي مثلي
زهراء: اوكي
راحوا عند الي يبيع اسكريم واخذوا اسكريم .. وقعدوا ياكلونه
احمد صار مايهتم انه يشوف او مايشوف نفس الشي اهم شي زهراء وياه ..
طافوا صبيان شكلهم خليجين .. وووقفوا صوب زهراء وقعدوا يتحججون .. زهراء سمعتهم بس سوت
روحها ماسمعتهم علشان احمد لايتهاوش وياهم ..
زهراء: حمود قوم بنتمشى
احمد: الله صرتين تدلعين اسمي بعد
زهراء: ههههه اذا مادلعت رجلي بدلع من
احمد: لا شكلي احلم
زهراء: هههه قوم انزين خل نتمشى
قاموا يتمشون .. والصبيان للحين يلحقونهم
زهراء ماتبي احمد ينتبه لان ان انتبه ليهم مابخليهم
زهراء: امم وشرايك نرجع الفندق
احمد: تعبانه ؟
زهراء ( اصلا مو تعبانه بس تبي تطلع من اهني): اي راسي
احمد: اوكي يلا عجل خل نرجع
وتوهم بيطلعون من الحديقة .. انتبه احمد لصوت واحد منهم وراهم يقول : يالحلوة عطينا
وجه عاد
احمد وقف
زهراء خافت انه سمع : وش فيك؟
احمد: الي ورانا يقصدون من؟
زهراء: مادري ابهم مش خل نطلع ماعلينا منهم
توه بيمشي الا واحد يقول : لا حرام عليش تخلينا علشان هالاعمى زهراء عورها قلبها
..
احمد عرف انهم يقصدون زهراء ماهتهم للي قالوه عنه ودار ليهم ورا..
احمد: تقصدوني انا؟
: هههه اي انت ..

احمد عصب حده وزهراء يوم شافت احمد عصب خافت عليه يتهاوش ..جودته من ايده
زهراء: احمد صل على النبي ماعليك منهم
احمد: لا والله تبيني اشوفهم يتعلفون ابش وانا اقعد اصفق ليهم
زهراء: انزين اني اقوليك خلهم يولون ماابيك تتهاوش وياهم وتعب روحك على ناس مايستاهلون
سمعها واحد منهم
: افا افا احنا مانستاهل يالغلا
واحمد اهني هد ايد زهراء ..صاد ليه واحد منهم وعطاه طراق
هم كانوا ثلاثة
الاثنين الباقيين طبوا على احمد .. زهراء قامت تصيح خايفه على احمد لان مايشوف وخايفه
يسوون فيه شي
تجمعوا الناس .. في واحد اسمه محمود صديق احمد من فريقهم كان طايف انتبه لاحمد
الي يتهاوش ..
راح هو وكم واحد حاولوا يباعدونهم عن احمد .. لين ماهربوا ..
احمد كان منقهر انه مايشوف لان لو كان يشوف جان راواهم..
محمود: شخبارك احمد ؟
احمد شك في الصوت: الحمدلله من؟
محمود: محمود ولد جيرانكم
احمد: هلا والله ابو علي شخبارك؟
محمود: الحمدلله اسال عنك
احمد: سالت عنك العافيه
محمود: الحين خبرني ليش متهاوش ويا هالاشكال
احمد: يتعلفوني بزوجتي
محمود: اووووه لا تقول تزوجت؟
احمد: هههه امم الحين خاطب وجيت اهني علشان بسوي عملية لعيوني لان من الحادث مااشوف
الحين .. بعدين اذا رجعت بنتزوج
محمود: اهاا مبروك
احمد: الله يبارك في حياتك
محمود: ومتى العملية
احمد: عقب باجر
محمود: ان شاء الله خير
احمد: ان شاء الله
محمود: في وين ساكن انت؟
احمد في فندق(×××××)
محمود: اي قريب من الفندق الي انا فيه
احمد: زين عجل علشان اجي ليك
محمود: اي حياك
احمد: يلا الحين اشوفك على خير
محمود: مع السلامة
احمد: الله يسلمك

رجع احمد لزهراء
زهراء: مااكلمك اني ها
احمد: افا ليش؟
زهراء: مو قلت ليك لاتتهاوش ليش رحت وتهاوشت وياهم

ماعرفت وش تقول زهراء هع
احمد: وانتين كنتين تدرين انهم ورانا سويتين روحش تعبانه ها
زهراء: اي لان مابيك تتهاوش
احمد: ليش تخافين علي؟
زهراء: سؤال سخيف
احمد: افا انا سخيف؟
زهراء: مو انت السؤال
احمد: مو سخيف ابي اعرف الجواب
زهراء: اي اكيد اخاف عليك
احمد: لحظة بروح وبجي
زهراء : وين بتروح
احمد: بروح اتهاوش علشان تردين تصيحين علي مرة ثانية
زهراء: وشدراك اني صحت
احمد: قلبي قال لي
زهراء : ههه مش يلا لو تتهاوش اخليك بروحك وارجع البحرين
احمد: بل حشى ماتسوى علي
زهراء: هه هه
احمد: ماجعتين؟
زهراء: امم شوي
احمد: امشي بنروح اي مطعم بنتعشى
زهراء: اوكي
الساعه 12 ونص رجعوا الفندق وصلوا ..وعقب اتغذوا اتصلت زهراء لمنال ..

زهراء : الوو

منال: هلا هلا والله

زهراء: شخبارش عمري؟

منال: الحمدلله اسال عنش قلبي

زهراء: سالت عنش العافيه ..

منال: ها وش فيش متصلة هالحزة

زهراء: امم مشغوله يعني؟

منال: لااامو مشغوله ولا شي بس مستغربة يعني انش متصلة هالحزه

زهراء: متصلة لش ابيش في موضوع ضروري

منال: اهاا وش صاير؟

زهراء: ماصاير شي بس مو احنا وعدنا بعض مانخبي على بعض شي

منال: اي

زهراء: امممم بدخل علطول في الموضوع ..منال وش شعورش تجاه علي؟

منال: علي صديق احمد؟

زهراء: اي

منال مستغربة يعني وش دخل علي : عادي

زهراء: ماتكرهينه يعني؟

منال: ليش اكرهه !

زهراء :اممممم انزين انتين تحببينه؟

منال: زهراء وش السالفة ليش كل هالاسئلة

زهراء: منال انتين عاجبه علي ويبي يتقدم لش بس خايف ترفضينه

منال انصدمت علي الي علطول هواش وياه ويقهرني ويجنني يحبني؟

زهراء: هلوو وينش

منال: اممممم زهراء مو عارفة شقول

زهراء: بس قولي لي عاجبنش او لا

منال: الصراحه هو عاجبني بس ابدا ماكنت متوقعه ان هو يحبني وبيتقدم لي

زهراء: وش افهم من كلامش يعني ان رافضة؟

منال علطول: لااا

زهراء: عجل وييش

منال: زهراء خليني بفكر وبرد عليش

زهراء:منالو السالفة مايبي ليها تفكير وش يقولش قلبش؟

منال مو عارفه وش تسوي متوترة وحست الدنيا تدوور لكن في نفس الوقت تحس روحها
مستانسة : زهراء

زهراء: هلا

منال:الصراحه علي خوش رجال وماينرفض

زهراء استانست : يعني ويش الجواب اوكي؟

منال صارت طماطه: ____—-

زهراء: السكوت علامة الرضا

منال: هههه

زهراء: اوكي بروح اخبر احمد تحملي بروحش

منال: انتين بعد
مسااااااااااامحة اخووواااااااني نسيت بارت قبل البارت الاخير …
لان رديت اقراه وحسيت بغلط وطلع ان في جزء ناقص وهو هذا الي بحطه الحين

علشان جذي بعدله ليكم كامل وبحطه للنهايه

اتعشوا بعدين راحوا الفندق علشان يرتاحون
اليوم الثاني قعدت زهراء من وكت … راحت تسبحت وبدلت وجهزت روحها وجهزت ثياب لاحمد
بانطلون جينز ازرق غامق وفانيلة حمره فيها اسود وراحت علشان تقعده
زهراء: احمد
احمد:…….
زهراء: يلا احمد قوم الساعه 10 علشان نتريق
احمد :اوكي بس شوي
زهراء: قوم الحين بتقوم تسبح يبي ليك ساعه
احمد : اكو خلاص قمت … قعد على السرير وزهراء قباله
احمد: لوزين اقدر اشوفش الحين
زهراء: ليش؟

زهراء اخذت ايده وحطتها على خدها : ها الحين تحس ببتسامتي ؟
احمد ابتسم: اي عجيبة
زهراء: هههه
احمد: ليش ماتريقتين
زهراء: انتضرك
احمد:جان اكلتين بدوني عادي
زهراء: عادي عندك ماعرف اكل بروحي
احمد: امم اوكي لحظة بسبح بسرعه وبجي
زهراء: اوكي
بعدين سبح وبدل وراح تريق ويا زهراء
احمد : امم باجر العمليه ها
زهراء : لاتفكر فيها
احمد: ماقدر ماافكر .. مو قادر اعيش مااشوف حاس روحي اثقل على كل الي حوالي

زهراء: لا احمد لاتقول جذي بالعكس
احمد: يلا انا عندي امل بتنجح العمليه والدكتور قالي انها بتنجح لان مو اول عملية
يسوونها مثل حالتي ..
زهراء: اي حبيبي خل الامل عندك
احمد: الله عيديها
زهراء: ههه لا كلمة قلتها مااعيدها
احمد: افا علشاني
زهراء صارت طماطة: اممممم
احمد: خسارة مااقدر اشوفش وانتين طماطه
زهراء: ههه احسن جان بتضحك علي
احمد: يلا الايام جايه
زهراء : ههه اي
احمد: امم وشرايش نروح صوب البحر
زهراء: الااي اوكي
احمد: شكلش تحبين البحر مثلي
زهراء: اي احلى مكان عندي
رن تلفون زهراء
زهراء: هلاااااا والله عمري شخبارش
ملاك:زهووور وحشتيني
زهراء: انتيي اكثر
ملاك: شخباركم؟
زهراء: الحمدلله ، نسال عنكم
ملاك: سالت عنش العافيه ،،، ها متى العملية؟
زهراء: بكرى
ملاك: الكل يدعي ليه
زهراء: ماتقصرون
ملاك: سارة تسلم عليش
زهراء: الله يسلم عليها سلمي عليها هي ومنال والكل

زهراء: نتريق
ملاك: بل يعني وياش احمد
ززهراء : ههه اي
ملاك : سلمي عليه
زهراء : الله يسلمش
ملاك: اوكي عجل عمري اخليش
زهراء : اوكي
ملاك: تحملي بروحش وباحمد
زهراء: لاتوصين .. انتي بعد تحملي بروحش
ملاك: اوكي ، باي
ملاك: بايات ..

زهراء: تسلم عليك ملاك
احمد: الله يسلمها
زهراء: ها ويش نروح الحين؟
احمد: اوكي يلا
راحت زهراء جهزت روحها ..وطلعت لاحمد الي ينتضرها برا
زهراء جودته من ايده : يلا
احمد: امم لحظة نسيت شي
دخل جاب نظاره شمسيه
زهراء: هه ماتعرف تعيش بدونها يعني
احمد: علشان الصبيان اذا بيجون يتعلفون يحسبوني اشوف ومايتعلفون
زهراء ماتحب احمد يقول هالكلام ..
وهم نازلين بالفت ..
زهراء: اني كم مرة قلت ليك مابيك تقول هالكلام
احمد: ماقلت شي انا الحين
وقف الفت في الطابق الثاني ودخلت بنية في مثل عمر زهراء

الصراحه مانلومها لان احمد وسيم وجميل

خب احمد مايدري انها تطالعه لان مايشوف حتى مايدري من الي دخل بنية لو صبي
وهي ماخذه راحتها لو يدري ابها جان ماقبل انها تطالعه جذي كانها منزهقة
اول مانزلوا من الفت ..
زهراء: وش فيها هذي السخيفه
احمد: منهي
زهراء: دي الي دخلت الفت من اول مادخلت وهي تطالع فيك للحين
احمد: الله لحقوني المعجبات لهني احم احم
زهراء: لا والله.. اشوف مستانس
احمد اصلا مو مستانس بس يبي يقهر زهراء: اي ليش ماستانس
زهراء: تدري اكي قدامك اطلع وياها اني برجع
ومشت عنه
احمد وقف مو عارف وين يروح لان زهراء خلته وهي الي تدليه
زهراء مامشت قعدت تطالعه من بعيد تبي تشوفه وش يسوي
جت ليه ديك البنية
زهراء يوم شافتها جايه صوبه توها بتروح ليه شافت احمد ماشي عنها ولا عطاها وجه

استانست زهراء .. وراحت ليه جودته من ايده
زهراء: احم يلا خل نروح
احمد: وين رحتين وخليتيني
زهراء: مارحت مكان اني كنت وراك
احمد: شفتينها يعني يوم تجي لي
زهراء:اي
احمد: ماتستحي
زهراء: وش قالت ليك
احمد: تقولي: لوين رايح ياحلو؟
زهراء: لاااا والله
احمد : هههه وش فيش
زهراء: وينهي ووين راحت
احمد: وش تبين فيها
زهراء: بقوليها هذا الحلو خطيبي
احمد: ليش تغارين يعني
زهراء: لا مااغار
احمد: اي مبين
زهراء : ههههه انزين يلا له متى بنروح
احمد: يلا امشي
وصلوا صوب البحر ..كان عجييييب
قاموا يتمشون..
يجننون ويا بعض يناسبون بعض..
كل بنية تطوف لازم تطالع احمد
زهراء: وش فيهم دلين بحسدونك
احمد: منهم
زهراء: كل بنية تطوف لازم تطالعك قول في وحده منهم طالعتني كاني هوا
احمد: احم المشكله عندي معجبات واجد
زهراء: اني بعد عندي معجبين واجد
احمد: اي انتين كنسلتين علي
زهراء: ههه لا عاد انت احلى مني
احمد: انتين شكلش ماشفتيني صوبش كانش اميرة وانا الخدام
زهراء: هههه هي لاتقول عن روحك جذي والله انت تجنن قمر
والدليل ان كل وحده تطوف لازم تطالعك
احمد: لا بس خلاص دام زهور قالت انا حليو يعني صدق حليو لان هي ام
الذوق كله
زهراء تعودت على كلام احمد صار عاد ماتستحي منه :ههههه
احمد: يقولون عنش رومانسية وتحبين اللون الاحمر والاسود والوردي
زهراء: من الي قال ؟
احمد: ههه منال قالت عنش كلشي
زهراء: باال هههههه
احمد: وقالت بعد زهراء ماتزعل بسرعه واذا زعلت يعني تتغلى
زهراء: هههههه او عارفتني زين
احمد: اي وانا الحين تاكدت انش ماتزعلين
زهراء: اني مستحيل ازعل منك على سبب بايخ وحتى لو زعلت اسامحك بسرعه
احمد: انا بعد ماازعل منش

احمد: تدرين امس متصل لي علي وش يقول؟
زهراء: وش يقول؟
احمد:اعترف لي الي يحبها منال وخايف ان يتقدم لمنال وترفضه وخايف ان ارفضه الغبي مايدري
ان انا اتمناه لمنال
زهراء مو مستوعبة: علي يحب منال؟
احمد: اي له
زهراء: لا تخاف مابترفضه
احمد: لكن هي كله هواش وياه
زهراء: هههه اني لاحظت عليها من يجيبون طاريه تصير طماطه
احمد: ههه يعني الحين ويش اقوليه يتوكل ويتقدم ليها؟
زهراء: اممم وشرايك اكلمها بعدين واشوف؟
احمد: اي احسن
زهراء : اوكي

الساعه 12 ونص رجعوا الفندق وصلوا ..وعقب اتغذوا اتصلت زهراء لمنال ..
زهراء : الوو
منال: هلا هلا والله
زهراء: شخبارش عمري؟
منال: الحمدلله اسال عنش قلبي
زهراء: سالت عنش العافيه ..
منال: ها وش فيش متصلة هالحزة
زهراء: امم مشغوله يعني؟
منال: لااامو مشغوله ولا شي بس مستغربة يعني انش متصلة هالحزه
زهراء: متصلة لش ابيش في موضوع ضروري
منال: اهاا وش صاير؟
زهراء: ماصاير شي بس مو احنا وعدنا بعض مانخبي على بعض شي
منال: اي
زهراء: امممم بدخل علطول في الموضوع ..منال وش شعورش تجاه علي؟
منال: علي صديق احمد؟
زهراء: اي
منال مستغربة يعني وش دخل علي : عادي
زهراء: ماتكرهينه يعني؟
منال: ليش اكرهه !
زهراء :اممممم انزين انتين تحببينه؟
منال: زهراء وش السالفة ليش كل هالاسئلة
زهراء: منال انتين عاجبه علي ويبي يتقدم لش بس خايف ترفضينه
منال انصدمت علي الي علطول هواش وياه ويقهرني ويجنني يحبني؟
زهراء: هلوو وينش
منال: زهراء مو عارفة شقول
زهراء: بس قولي لي عاجبنش او لا
منال: الصراحه هو عاجبني بس ابدا ماكنت متوقعه ان هو يحبني وبيتقدم لي
زهراء: وش افهم من كلامش يعني ان رافضة؟
منال علطول: لااا
زهراء: عجل وييش
منال: زهراء خليني بفكر وبرد عليش
زهراء:منالو السالفة مايبي ليها تفكير وش يقولش قلبش؟
منال مو عارفه وش تسوي متوترة وحست الدنيا تدوور لكن في نفس الوقت تحس روحها
مستانسة : زهراء
زهراء: هلا
منال:الصراحه علي خوش رجال وماينرفض
زهراء استانست : يعني ويش الجواب اوكي؟
منال صارت طماطه: ____—-
زهراء: السكوت علامة الرضا
منال: هههه
زهراء: اوكي بروح اخبر احمد تحملي بروحش
منال: انتين بعد

زهراء راحت تدور احمد ماحصلته راحت الصاله بعد ماحصلته دورت في كل الشقه ..توها بتفتح
باب الشقه الا احمد داخل وفي ايده ورد
زهراء انصدمت معقولة احمد نزل بروحه لتحت واشترى الورد

احمد: زهراء؟
زهراء: اي
احمد جودها من ايدها ودخلوا داخل
احمد: وين كنتين رايحه
زهراء: ادور عليك
احمد ابتسم وعطاها الورد: رحت اجيب لش هذلين لان ادري تحبين اللون الاحمر والوردي
كانت البااقة تجنن مربوطه بشريطه بنفسجيه عجيبه والورد احمر ووردي وورود بنفسجين صغار
زهراء ماعرفت وش تقول حدها مستانسه ..لانها تحب الورد وتحب الطبيعه
زهراء: عجييييبه ليش تعبت روحك
احمد: افا علشان زهور اسوي اي شي
زهراء: تسلم قلبي
احمد: اكيد تقولين شلون نزل بروحه وعرف الالوان
زهراء: امم اي صادني فضول
احمد: تذكرين ديك البنية شافتني صوب الباب جودتها من ايدها ونزلنا تحت واشتريت لش
زهراء رجعت ليه الورد
زهراء: روح عطهم اياها عجل وعلطول راحت الغرفة وصكت الباب
احمد وصل عند الغرفة قام يطق الباب
احمد: زهراء والله امزح مارحت ويا احد ولا شي لهدرجة ماتثقين في
زهراء طلعت من الغرفة ماشافت احد شافته يضرب في باب الغرفة الثانية
جتها الضحكه بس ماحبت تفشله ..زهراء في قلبها على عمري
راحت من وراه وغمضت عيونه
احمد: ،من؟
زهراء:—-
احمد جود ايدها ..
احمد:زهراء؟
زهراء: ههه اي زهراء
احمد: شلون طلعتين وانا عند الباب
زهراء ماتبي تفشله : لان اني مادخلت كنت واقفة برا
احمد: اهاا ، لكن انا سمعت صوت الباب يوم تصكينه
لا يكون كنتين في الغرفة الثانية وانا اطق هذا الباب؟
زهراء: اممم مادري
احمد: هههههههههههههههه مسكين انا
زهراء يوم شافته يضحك قامت تضحك هي بعد: هههههههههه
احمد: الحين ويش بتكسرين بخاطري ومابتاخذين الورد
زهراء: باخذه بس لمى تقولي شلون نزلت واخذته
احمد: في جاهل صار رفيقي من اول يوم اهني اسمه راشد .. طلعت جا لي
قلت ليه يروح ويشتري وقلت ليه الالوان وراح وجابهم لي
زهراء (على عمري): اهاا
احمد: يلا اخذيهم
زهراء اخذتهم من ايده وقعدت تطالعهم مده
زهراء: تسلم يالغالي
احمد: الله يسلمش ياحياتي كلها
زهراء ابتسمت: عندي ليك خبر حليو
احمد امشي نقعد وقوليه لي
زهراء: اوكي
راحوا قعدوا في الصالة
احمد: يلا قولي خليني استانس
زهراء: امم احمد اتصلت لمنال ومنال موافقة على علي
احمد علطول وقف من الفرحه: حلفي!!
زهراء: ههه والله
احمد: الله احلى خبر سمعته اليوم ..
زهراء: يلا اتصل لعلي علشان يخبر بيتكم بسرعه وتكتمل شلتكم كلكم خاطبين
احمد: هههه اي بس انا من ارجع بتزوج اول واحد فيهم

احمد: يلا انا بروح بتصل لعلي بخليه يستانس
زهراء: اي يلا

في المغرب الساعه 7 ونص احمد قاعد في الصاله ينتضر زهراء تجهز روحها علشان بروحون
يتمشون
خلصت زهراء ونزلت هي ويا احمد
راحوا يتمشون صوب البحر القريب من الفندق
احمد : اممم باجر العمليه
زهراء: اي ماباقي شي وبتشوف
احمد وقف وجود زهراء من ايدها
احمد: زهراء انا خايف يصير في شي وتتعذبين ويايي
زهراء: احمد وش قلنا قبل لاتفكر في هالسالفة ولن يصيبنا الا ماكتب الله لنا ومو
انت قلت ان العمليه ناجحه يعني خلاص بتنجح ليش خايف
احمد: زهراء مو عارف وش اسوي لش علشان اشكرش على وجودش وياي في هاللحظة ماعتقد
لو وحده بدالش بتسوي الي سويتينه
زهراء: احمد مايحتاج تسوي شي وجودك وياي هو احلى هدية
احمد حده مستانس لان زهراء وياه مو قادر يصدق ان هذي انساان شاك فيها ملاك
هدية من السماء
كملوا مشيهم وبعدين راحوا يتعشون .. والساعه 10 تقريبا رجعوا الفندق علشان ينامون لان عليهم
قعده من الصبح للعملية
احمد مانام الا بالغصب يفكر في زهراء وفي العمليه خايف ان ماتنجح العمليه، يعني اذا
مانجحت العمليه بظل معتمد على زهراء طول حياتي … قام يقرا قران وصلى ركعتين وحس
بالراحة وبالامل
نفس الشي زهراء مانامت قامت قرت قران وقرت ادعية ودعت من الله ان تنجح العمليه
ويرجع احمد مثل ماكان وان مايحرمها من احلى هدية في حياتها …
في البحرين …
ام احمد للحين سهرانه ..فارشة المصلى وقاعد تدرس قران وتدعي لولدها مو عارفه تنام وولدها
بعيد عنها خاطرها تحضنه واحشنها واجد
كل الي يحبون احمد ماعرفوا ينامون داك اليوم .. ينتضرون بس يجي اليوم الثاني ويسمعون
الاخبار الحليوة..
في اليوم الثاني زهراء قعدت من الساعه ست وقعدت احمد وتريقوا والساعه سبع ونص راحوا
المستشفى لان ثمان وقت العملية
يوم صار وقت العمليه زهراء جودت ايد احمد بالقوة تترجاه مايخاف ويخلي امله قوي بالله

دخلوا احمد غرفة العمليات وزهراء مو عارفة توقف في مكانها رايحه وجايه في الممر
رن تلفونها ..
زهراء :الوو
ام احمد: هلا حبيبتي
زهراء: هلا عمتي شخبارش؟
ام احمد:مالي حال احاتي احمد
زهراء: لاتخافين عمه توه مدخلينه غرفة العمليات
ام احمد: ياعلي الله يحفظه ..زهراء من يخلصون من العمليه وتعرفينه اخباره علطول تتصلين لي
مااوصيش ها
زهراء:ان شاء الله
ام احمد: مو تنسينا
زهراء: لا ماانساكم
ام احمد: يلا في حفظ الله
وبندت التلفون وردت رجعت لحالتها يارايحه ياراجعه
وبعد مدة من الزمن ..انفتح الباب وطلع الدكتور
زهراء علطول راحت لدكتور
زهراء: ها دكتور شخبار احمد
الدكتور:امممم مابعرف شو برد عليك
زهراء حدها خافت: يعني شنو دكتور وش صار في احمد

الدكتور : ههه انتي زوجتو؟
زهراء: اي
الدكتور: ماتخافي العمليه ناجحه 100%
وراح الدكتور
زهراء من الفرحه كان خاطرها تناطط مو عارفه شتسوي قامت تصيح
حمدت الله وشكرته الف مرة
تذكرت ام احمد اتصلت ليها وبشرتها ..وام احمد من فرحتها ماخلت احد الا بشرته والكل
فرح من هالخبر ..
كانت ام احمد مسوية مفاجاة لاحمد وزهراء ..لمى يرجعون البحرين بتعرفونها :p
بعد مدة .. وبعد ماوتعى احمد ..دخلت عليه زهراء
احمد: زهراء اشوف مو مصدق
زهراء: هههه لا صدق
احمد: فلصيني يمكن احلم
زهراء: ضربته بالخفيف على راسه لا ماتحلم حبيبي
احمد: وه هم ونزاح
زهراء: اي والله
احمد: واخيرا برجع البحرين
زهراء: اي صحي متى بنرجع البحرين ؟
احمد: اذا طلعت من اهني بروح اخذ التذاكر وبنشوف متى
زهراء: اوكي
وعقب ماطلع احمد بالسلامة ..راح اخذ التذاكر الا هي عقب يومين
بيرجعون البحرين، وماخبروا احد علشان يسون ليهم مفاجاه
في اليوم الثاني والي هو قبل اليوم الي بسافرون فيه
راحوا السوق واشتروا هدايا حق ربعهم واهاليهم
وبعدين راحوا صوب البحر لان احمد خاطره يشوف البحر لان احلى مكان عنده ومايبي يفوت
شوفة اول بحر مشى هو وزهراء فيه ..
راحوا هو وزهراء ..
زهراء: احمد طالع ثلاث النجوم الي في الوسط
احمد: عجيبين
زهراء :اني من يوم صغيره احب اسمي النجوم وكليوم اغير اساميهم هه عاد اخر مرة
كنت بسمي هالثلاث نجوم سميت الاولى الحب والثانية الامل والثالثة للحين ماسميتها وابيك انت تسميها

احمد: اممممم وشرايش في الشوق
زهراء: اي والله روعه تناسب
احمد: احم
زهراء: ههه مغرور
طب مطر وهم يمشون ..احمد يحب المطر قام يراكض ومستانس حده ..مو صدق ان رجع
يشوف مرة ثانية يحس روحه كان ميت وتوه عايش ..
زهراء قامت تضحك عليه ..احمد سحبها من ايدها وقام يركض ..
زهراء: هههه احمد خلني بطيح
احمد :لا مابتطيحين انا مجودنش
زهراء: انزين الناس تطالع
احمد: وش علينا من الناس
زاد المطر …
زهراء: خل نرجع لا نمرض
احمد: لاخلينا شوي احب المطر
زهراء: هه اي مبين عليك
عقب رجعوا الفندق وهم حدهم متبللين من المطر هههه
احمد وهو يمشي انتبه لوحده تطالعه من اول مادخل
احمد يطالع زهراء مستغرب كانه يقول ليها بنظرته ( وش فيها دي؟)
زهراء: هذي البنية الي كلمرة تطالعك المعجبه

زهراء: زين له ومشت عنه وراحت ركبت اللفت
احمد مالحق على اللفت .. ركب من لفت ثاني
زهراء وصلت الشقه … وراحت الغرفة القريبة من الباب وقفلت باب الغرفة ..
احمد دخل ..عرف انها معصبة وقفلت على روحها الباب
احمد:زهراء فتحي الباب
زهراء: وش تبي؟
احمد: ابي اقول لش شي
زهراء: روح مابي اسمعك
احمد:زهراء فتحي الباب لا اكسره
زهراء فتحت الباب وراحت رجعت قعدت على الكرسي الي كانت قاعده فيه وقعدت تجهز اغراضها
لان بكرى بيرجعون
احمد راح صوبها: زعلتين يعني يوم اقول عنها حليوة
زهراء معصبة: لا ليش ازعل
احمد: والله العظيم تلوع الجبد .. عندي وحده احلى منها بمليون مرة
زهراء: قص على وحده غيري
احمد: جاب منظره صغيره كانت على الطاولة الي صوبه وحطاها في وجه زهراء ..
احمد:طالعي في ذمتش منهي احلى هذي ولا الي كانت تحت
زهراء ماعرفت ترد
احمد: علشان ماتقولين اشلخ له
زهراء: يعني لازم نتهاوش؟
احمد: احنا الحين ماتهاوشنا
زهراء: عجل وش تسمي هذا
احمد: امم نقاش
زهراء :اهاا
احمد: امم انزين زهراء غمضي عيونش
زهراء: ليش؟
احمد: غمضي عيونش انتين
غمضت زهراء عيونها
طلع احمد من كيس صغير كان صوبة بوكس صغير حليو عليه شريطه حمرا
احمد: فتحي عيونش
زهراء فتحت عيونها وشافت الصندوق في وجها
احمد فتحيه
زهراء ابتسمت واخذته فتحته .. كانت داخله سلسله ذهب عجيبة فيها قلب متوسط الحجم وداخلها
مكتوبaوصوبه حرف الz … زهراء عجبتها السلسله عدل
احمد: ها ويش عجبتش؟
زهراء دمعت عيونها : احمد مو عارفه وش اقول .. ابتسمت وحضنته
:شكرا
احمد : والله تستاهلين اكثر
زهراء:الله يخليك لي ولا يحرمني منك
رن تلفون احمد كانت منال ..
احمد غمز لزهراء: هلا والله بمنول القمر، الله يسلمش .. الحمدلله على كل حال.. اممم
(طالع زهراء) اممم شكلنا بنتاخر في الرجعه
زهراء قامت تضحك بالعدال
احمد: اي بنتاخر لان ماحصلنا حجز قريب .. اوكي..الله يسلمش .. انتين بعد تحملي بروحش
..باي
زهراء: اكيد تسال متى بنرجع
احمد: اي
زهراء: ههه اي احسن ماقلت ليها علشان نسوي ليهم مفاجاة
احمد: اي
زهراء: يلا قووم خل نغير ثيابنا علشان نتعشى ..
احمد: اي والها نسيت روحي اشوف روحي بردان
زهراء: هههههه
بعدين تعشوا وناموا

والساعه 8 طارت الطائرة وهبطت في دبي شوي ترانزيت .. وبعدين ردوا واصلوا وماصارت الساعه
11الا شي تقريبا الا هم في البحرين … اخذوا تاكسي .. واتفقوا اولشي يروحون بيت
ابو زهراء يسلمون عليهم وبعدين يروحون بيت ابو احمد ..
وصلوا بيت ابو زهراء وكلهم تفاجئوا ..وخصوصا سلوم من شاف زهراء علطول راح ركيض ليها
وحضنها وقام يصيح
زهراء حضنته وحشهااا عدل
وبعد ماسلموا على بعض وصاحوا وخلصوا قعدوا يسولفون ..
سلوم كان يطالع احمد كان يبي يعطيه طراق
احمد: وش فيك سلوم؟
سلمان: ليس تبوق دهلا؟( ليش تبوق زهراء؟)
احمد: انا مابقتها
زهراء: ههههه سلمان احمد مسكين مو حرامي
سلمان: عتل وين لحتين؟) عجل وين رحتين)
زهراء طلعت اللعبه الي كانت جايبتنها لسلوم لان كانت خالتنها فوق في الشنطه علشان تعطيها
اياه اول ماتوصل
زهراء: هذا الي رحت علشان رحت اشتري لك العاب
سلمان: سكرا
زهراء: احمد بعد اشترى ليك قول ليه شكرا
سلمان: سكرا احمد
احمد: عفوا سلمان
الكل: ههههههه
عقب نص ساعه طلعوا وراحوا بيت ابو احمد
اول مادخلوا ماكان احد في الصالة ..
احمد: امشي بنرد نطلع وبنطق الجرس واذا قالوا من قولي اي اسم
طقوا الجرس
ام احمد :من؟
زهراء: اني
ام احمد ماعرفت من فتحت الباب وانصدمت يوم شافت احمد وزهراء علطول حضنت احمد وقامت
تصيح مستانسه ان ولدها رجع بالسلامه
عقب حضنت زهراء وسلمت عليهم ودخلوا داخل وقعد يسولفون وام احمد كلحين ولا صاحت واحشها
ولدها عدل
زهراء: عمه وين منال؟
ام احمد : فوق في غرفتها
زهراء: اها اوكي عجل بروح ليها بفاجئها
ام احمد: ههه اي روحي بتستانس حدها مابتصدق
راحت زهراء غرفة منال طقت الباب وعلطول دخلت
منال كانت منبطحه على السرير يوم شافت زهراء سيده وقف وفتحت عيونها مو مصدقه
منال: زهراء؟ ولا جني زهراء؟.
زهراء: هههههههههههههههههههههه الله يغربل بليسش منهو دا جنيي بعد
منال: زهراااااااااااااااااء ،راحت علطول طبت عليها وحضنتها
منال: مو مصدقه
زهراء: لا صدقي
منال: ليش شلختون علي
زهراء: علشان نسوي ليكم مفاجاة
منال: مالت عليكم
زهراء: هههه
منال: احمدو تحت له
زهراء: اي
منال سحبت زهراء من ايدها وعلطول نزلت تحت
راحت ركيض لاحمد وحضنته
منال: احمدو يالكريه وحشتني البيت بدونك ولا شي
احمد: انتين بعد وحشتيني وحشتني هبالتش
منال: الحمدلله على السلامة
احمد : الله يسلمش
دخل ابو احمد
وانصدم يوم شاف احمد واقف قدامه
راح ليه احمد وباس راسه وسلم عليه وحضنه ابو احمد
ابو احمد: الحمدلله على السلامة يالغالي
احمد: الله يسلمك
راح ابو احمد وسلم على زهراء .. باست راسه
ابو احمد: الحمدلله على السلامة يابنتي
زهراء: الله يسلمك عمي
بعدين قعدوا في الصاله يسولفون ..
ام احمد : احمد اني ومنال وربعها وام زهراء مسوين ليكم مفاجاه
احمد: وش المفاجاة؟
منال: اممم جهزنا كلشي لعرسكم حجزنا الصاله والاستيديو والاكل والفستان والصالون وكل شي ماباقي عليكم
الا بس تستعدون وتشترون الطقم
زهراء حدها استانست مو مصدقة ان سوو كلها هذا عنها
احمد: اووه احلى مفاجاة هذي
زهراء: تعبناش يعني عمتي
ام احمد: لا والله تعبكم راحه
منال: وزهور بعد اخذنا ليش فستان باللون الي تحبينه الوردي خليناه وردي فاتح كلش علشان
يصير مناسب ..لان هذي الحفلة خطوبة وعرس مرة وحده
زهراء: هههه ماتقصرون والله
احمد :ومتى الحين العرس؟
ام احمد: عقب ثلاثة ايام
احمد: قبش ماباقي شي
ام احمد : اي
ومنال: وازيدكم من الشعر بيت عقبكم بيومين خطوبتي
زهراء قامت باست منال: اووه اووه مبروك عمري
منال: الله يبارك في حياتش
احمد: مبرووك منولة …
منال: الله يبارك في حياتك
احمد: الله عجيب كله اخبار تفرح القلب
ام احمد : وباجر عرس حسن
احمد: اووه الهيس بيعرس قبلي
منال: ههه زين منه انتضرك لين ماترجع مسكين
الكل : هههههه
وفي اليوم الثاني راحت زهراء واحمد السووق واشتروا الطقم كان رووعه واشترت زهراء ليها فساتين
مرة وحده واحد لعرس حسن اليوم وكان لونه (وردي) وواحد لخطوبة منال ( احمر)
زهراء شافت كلشي سووه عمتها وامها وربعها وعجبها كلشي وخصوصا الصالة والفستان .. وعزمت ملاك
وسارة ومنال على بيتهم لان وحشتها القعده وياهم وسوالفهم وهم وحشوها اكثر

وفي يوم عرس زهراء واحمد …
الكل كان مستانس …
وخصوصا زهراء واحمد .. كان هذا احلى يوم بالنسبة ليهم
على الساعه عشر كان تقريبا كل المعازيم موجودين في الصاله .. وكانت سارة وملاك ومنال
طالعين روووووووووعة .. كل وحده تقول الزود عندي
يمشون كانهم اميرات في الصاله ..
وعلى الساعه 10 ونص وصلوا المعاريس الا هم احمد وزهراء ..
ودخلوا الصاله على اغنية (هب السعد ) وسلوم قدامهم مجود بنت خالته الي قده ،
سلوم لابس بدله وبنت خالته حوراء فستان ابيض وحامله ورود صايرين كانهم معاريس صغار طالعين
روووعه .. كانت ليتات الصالة كلها مطفيه بس الضوا صاير على احمد وزهراء
زهراء كانت طالعه قمر بالفستان والباقة الي حاملتنها وتسريحة شعرها الي صايرة عليها جنان ..
واحمد بالبدله دوخ كل البنات الي في الصاله طالع رووعه انيق .. كانوا يمشون في
الصالة كانهم امير واميرة
يوم وصلوا على المسرح .. باس احمد راس منال وبارك ليها ونفس الشي هي ..
وقعدوا على الكراسي
احمد: الحمدلله امنيتي الوحيده حققتها
زهراء: اي الحمدلله اني بعد تحققت امنيتي الوحيده ..

بعدين قامت المصورة تصورهم .. وصوروا ويا اهلهم ..
وكان هذا اليوم لاينسى بالنسبة لزهراء واحمد
وهذي قصة زهراء واحمد وشلون الزمن رد رجعهم لبعض

الن هاااااااااااااا ايه ..

اممم مابعد النهايه ..
احمد وزهراء جابوا بنية وولد سموهم ريم وعلي وعاشوا في بيت متوسط قريب من بيوت
اهلهم .. وحسن وفاطمه جابوا توام ولدين ..حيدر وكرار …وعلي ومنال توهم معاريس جدد وفي
شهر العسل ..

وعبد الله وريم بعد توهم معارييس جدد ..

• صبف ألله حو ألأ شبه2023
• حدد القرآن الله د و الا شبه2023
• عبد الله علي طقت إلا بله ودإلا شبه 2023
• كلمة صباح الخير مشكل بي ان جي