رواية فارس احلامى
( رومانسية مصرية )
الشخصيات :
داليا
بنت زى القمر عندها 15 سنة فى سنة اولى ثانوى محجبة و متفوقة كل الولاد
معجبين بيها و مغرمين و دايبين فيها بس هى مش بتعبرهم و لا بتهتم بيهم
داليا لم تحب و لم يذق قلبها طعم الحب من قبل و لكنها منذ تنسم
قلبها رحيق المراهقة الاول رسمت لنفسها فى مخيلتها صورة لفارس احلامها و ظلت تحلم به
و تنتظره كل يوم و هى مؤمنة بانها ستلقاه يوما ما ، و كل المدرسة
بطلابها و معلميها و مديريها يحترمونها .
احمد
فارس احلام ملايين البنات و يدرس فى مدرسة غير مدرسة اخرى ، متفوق و ايضا
لم يحب من قبل بالرغم من ان كل البنات تجرى وراءه الا انه لم يهتم
لهن قط . عيونه عسليه و شعره ناعم و كثيف و شديد السواد و جسمه
قوى و لديه الكثير من الاصدقاء و كل الناس تحبه .
فاتن
صديقة داليا المقربة ، طيبة و مؤدبة و متفوقة زيها . جميلة بس مش بنفس
درجة جمال داليا ، و تعتبر داليا اختها و هما صديقات من الصف الاول الابتدائى
لذا فكل منهما تعتبر خزانة اسرار الاخرى
اسر
ابن عم احمد و صديقه الروح بالروح و يملك نفس صفاته ، و بينهما توافق
فكرى كبير جدا
فرح
بنت مؤدبة و طيبة و جميلة هتبقى صاحبة داليا بس مش دلوقتى و ليها دور
كمان هنعرفه بس اخر الرواية
انجى
صاحبة بنت خال احمد و اتعرفت عليه فى بيت صاحبتها بالصدفة . بنت عادية لا
جميلة اوى و لا وحشة اوى بس بتموت فى احمد و هو مش بيبادلها الشعور
نفسه و لا يعرف اصلا انها بتحبه .
سيف
اخو انجى لا يختلف عنها فى الصفات . هو و اخته فى نفس مدرسة داليا
و بيحبها جدا و اعترف لها بحبه بس هى صدته و قالت له انا مش
بتاعة الكلام ده .
والدة داليا
سيدة طيبة و حنونة و داليا عندها زى عينيها و اكتر حاجة تهمها سعادتها و
بس و بالرغم من انهم اسرة متوسطة الحال الا ان ام داليا تحاول بشتى الوسائل
توفير الراحة و السعادة لابنتها الوحيدة .
_______
الفصل الاول
( اللقاء )
دق جرس الحصة الاخيرة فخرج الطلاب من الفصل و خرجت داليا مع صديقتها المقربة فاتن
وظلا يتحدثان حتى اصبحا خارج المدرسة
فاتن: زى مابقولك كده يابنتى هشام لسه حاطك فى دماغه
داليا: والله بئه هو حر انا عمرى مهفكر فى هشام ده اساسا ولا هحب حد
غير فارس احلامى
فى هذه الاثناء كان احمد واقفا امام المدرسة مستندا على سيارة و فجاة التفت باتجاه
داليا وفاتن وراى داليا فسرقت قلبه واعجب بها جدااا واخذ يتاملها باعجاب واضح.
فاتن: ايه ده السواق بتاعى جه طب باى بئه يا دودو
داليا: باى ياحبيبتى
وبمجرد ذهاب فاتن التفتت داليا استعدادا للذهاب الى بيتها فرات احمد اوبالاحرى رات فارس احلامها
واقفا ينظراليها فسرق قلبها ووقفت تنظر اليه وهى غير مصدقة ماتراه وتحس انها فى حلم
ليس حقيقة ، ابتسم لها فابتسمت له وظلا على هذه الحال عدة دقائق حتى تحركت
داليا استعدادا للذهاب فمشى ورائها احمد وكلما التفتت راته يبتسم لها فتبتسم له على استحياء
وتتابع طريقها والفرحة لا تسعها وعندما وصلت الى بيتها التفتت له والقت عليه نظرة مودعة
ولوحت بيديها بمعنى ( باى ) ففعل الشئ نفسه ثم دخلت البيت….
—-
دخلت داليا المنزل والفرحة لا تسعها وتحس ان قلبها يكاد يطير من فرط السعادة وفورا
اتصلت بفاتن واخبرتها بما حدث
فاتن: والله مامصدقة الى بسمعه صدفة عجييييييبة بجد بس والله فرحنالك اوى
داليا: يااااه اقولك ايه ولا ايه يا تونة مكنتش متخيلة ان الحب كده
فاتن: بس قوليلى هو الواد ده امور؟
داليا: ايه؟ امور بس؟ ده قمر والله لا احلى من القمر كمان انا مش مصدقة
ان فى بشر بالجمال ده كله
فاتن: شوقتينى عشان اشوفه
داليا: لا الزمى حدودك ده كله كوم وحبيبى كوم تانى . اه امال ايه ؟
فاتن: طب ياحبيبتى اشبعى بيه. بقولك تيجى نروح انهردا النادى؟
داليا: اوك ياحبيبتى نروح ع الساعة 8 كده
واستمرت بالكلام معها……
—–
دخل احمد منزله القريب من منزل داليا وهو تائه لا يرى امامه سوى ملامح القمر
الذى راه منذ قليل وعندما كان فى غرفته يفكر فيها رن التليفون وعندما رد وجده
صديقه اسر…
اسر: ازيك يا احمد؟
احمد: الحمد لله ازيك انت؟
اسر: كويس ، بقولك متيجى نروح النادى انهردا؟
احمد: ………………….
اسر: احمد… احمد …. احمااااااااااااد
احمد: ايه ايه عايز ايه؟
اسر: ايه ياعم انت مش معايا خالص . ايه الى شاغل بالك؟
احمد: اسكت ياد يااسر اما شفت عند المدرسة الى كنت مستنيك عندها حتة بت قمر
ياد قمررررررر مش ممكن جمالها ورقتها من ساعتها وانا مش عارف اشيلها من بالى ابدا
اسر: ايه ياواد انت طبيت؟
احمد: مش عارف يا اسر بس البت بجد خدت قلبى معاها
اسر: انت حر. بقولك انا رايح النادى انهردا تيجى معايا؟
احمد: اوك نروح الساعة 8
واستمر بالكلام معه
——–
وبعد مرور عدة ساعات……
رن موبايل احمد برقم غريب فاستغرب ورد…
المتصل: ازيك يا احمد؟
احمد: الحمد لله . مين معايا؟
المتصل: انا انجى صاحبت بنت خالك واتقابلنا كتير فى بيتهم . فاكرنى؟
احمد: اه . ازيك؟
انجى: الحمد لله
بعد فترة صمت طويييييييلة جدا
احمد: انتى كنتى عايزة حاجة؟
انجى: احمد انا……
احمد: انتى ايه؟
انجى: انا ….. ب …. ب …. بحبك
صدم احمد مما يسمعه خاصة وان سيف اخوها على علاقة طيبة معه
وقال بحزم: بصى يا انجى انتى اختى واخت صاحبى واحترمى نفسك وبطلى قلة ادب ولو
شفت النمرة دى تانى هقول لابوكى ولاخوكى كمان
وقفل احمد الخط فى وجهها فاخذت انجى تبكى بحرقة
وقالت من بين دموعها: انا مش هستسلم وهعرف اجيبك ازاى يا احمد.
***************************************************
ياترى ايه الى هيحصل بين داليا واحمد ؟ وهل هيقدروا يتقابلوا تانى؟
انجى … هتقدر تفرق بينهم ؟ احداث كتيرة فى الفصل الثانى
تابعونا
___________________________
- رواية فارس احلامي
