رواية غراميات مجنونه

غراميات مجنونه روايه عن البويات بقلم اميره الروح

( غراميات مجنونة )

الحب اسمى علاقات حياتنا .. الحب هو عنوان الحياه ..

وللحب معاني عضيمه وتعاريف عديده تختلف من عاشق لاخر .. فلكل محب لديه تصور وتعريف

خاص لمعنى الحب .. ” ولكن ” عندما نتعدى مرحله الحب ونصل للعشق والغرام ..

يمكن ان نصل للجنون .. وهذا ماحدث في روايتي .. بدنا بالاعجاب ثم الحب ثم
العشق ثم الغرام المجنون

هذا مادفعني لاقدم لكم زهرتي الثالثه ” غراميات مجنونه ”

والمميز في هذه القصه انها واقع حياتي الشخصيه .. قصه سعوديه رومنسيه واقعيه .. جريئه
..ومميزه ..

علاقه حب مجنونه وجريئه بين ” فتاتين ” بين بويا وبنت .. هناك خطوط حمراء
كثيره سوف اتعداها واكتب عنها ” ولكن ” بحدود المعقول ..

قصه واقعيه حدثت في احدى الجامعات السعوديه .. ” وانا ” احدى شخصيات هذه الروايه
..

][ كلمه شكر ][

اشكر كل البنات اللي سمحوا لي اكتب عن قصصهم وتجاربهم … وسمحوا لي بالتدخل بتفاصيل

دقيقه بحياتهم .. واشكر كل من ساندني في كتابه هالروايه

شكرا واتمنى اكون عند حسن ظنكم ….

مقتطقات من روايتي ..

انتي بويا ؟ .. مافهمتها بس صرفتها وقالت : احتفظ بالجواب لنفسي ..

اي صح هالشله يغارون مني ويبون يقهروني باي طريقه خصوصا لمى اخذوا مني البويا فهد
..

لاوالله انا حطيت عيني عليه وحطيتها براسي وانا اذا حطيت شي براسي لازم اخذه ..

يالبى السبايكي .. ممكن المس شعرك ..

هنا بالكولج لاحظت انو الكل ميت علي ولو اقول نكته تافهه يضحكون خليني اعطيهم جوهم
واخذ جوي ..

انا ودي اكون الليدي الخاصه فيك وشرايك؟

انا كسرت خشمها ولانها رفضتني خذت منها اللي ابي ومن ورى خشمها وبالاخير انا اللي
فصلتها من الجامعه !!

هذي البويا .. قامت تشوف نفسها وتسوي فيها شخصيه علي محيتها من قبل ماتتكلم ودست
عليها ..

بليز .. ابي اضمك ,, بصراحه شفتك وانت تضم صديقاتك وتمنيت اني مكانهم

شنو هذا ؟ هذي بيره بس بكحول ويدلعونها شامبينا ..

لايفوتك قبل شوي خويتك البويا هنا قاعد يترقص وكل الكيوتات اللي هنا ماتوا عليه انتبهي
على حلالك لاياخذونه منك .. حتى الايمو والمرتبطات ماتوا عليه ..

هذي وصايف مابقى بويا بهالبارتي مانامت معها ..

شوفي بصراحه انا اليوم ماابي المسك زين ..انصدمت وخاب املها وقالت ليش انا موحلوه اليوم
؟

اي بويا يرحم والديك انا بويا شكلا فقط .. وموعاجبني اللي يصير

انا موراعيه حب وعلاقات .. انا لاشبكت مع البنات اشبك اسبوع او اسبوعين بالكثير واخذ
حاجتي وبعدين خلاص ..

وش تبي ذي ؟ رقمتني .. وبتعطيها وجه ؟ ضحكت بسخريه وقالت : ولاتحلم ..

انا عارفه انك مرتبط بس ماعندي اي مانع اني اكون احتياط بحياتك وتجيني الوقت اللي
تكون فيه فاضي وبالسر بعد .. هااه بتوافق ؟!

معقوله اللي قاعد يصير .. كل البويات شاذات جنسيا ويتفاخرون بعد ؟! ,, يعني المساله
مو بس مساله كشخه وستايل .. المساله جد ..

احنا يالبويات الناس مايهتمون باسماؤنا الحقيقه .. الناس كل همها القابنا وكشختنا وستايلنا وبس ..

يمه هذي صديقتي ,, اي صديقه انتي جايبه لي رجال بالبيت وتقولين لي صديقتك ..

امي تدري اني بويا وشاذه جنسيا بعد وعادي عندها .. هي تشوف اني اخربها مع
بنات احسن من اني اخربها مع شباب

فكرت تترك الجامعه وترتاح .. لانها ملت من لعب دور البويا .. وملت من حبها
لخويتها القديمه ومن ترك خويتها لها ..

وملت من تحكم خويتها الجديده فيها ومن ضعف شخصيتها قدامهاا …

وملت من احتقار اهم بويا بالجامعه لها وتصغيرها بكل مره تشوفها فيها ..

اليوم فيه بارتي ببيت نصور البويا اكيد هذا حفل خطوبتهم ..

احيانا ازعل واقول بتوب وبتغير بس احيانا مقدر لمى اشوف البنات يجيني شعور غريب واحس
بجاذبيه لهم بس

الاولاد مايجذبوني عشان كذا ماني ندمانه اني شاذه الا مرتاحه

الفصل الاول ( البدايه)

هناء : بنت عمرها 18 سنه واول سنه جامعه ولقبها هنو .. شعرها كاريه اسود
قصير و نحيفه وطويله وبيضا وجمالها طبيعي بالمره ملامحها ناعمه وجميله وابتسامتها ساحره وفيه شبه
كبير

من الفنانه السوريه سلافه فواخري بس ملامحها اصغر بحكم سنها ..

تنتظر لها نص ساعه … جايه الجامعه من بدري وملت من الانتظار .. واقفه عند
الباب الرئيسي تنتظر وتنتظر .. تشوف البنات اشكال والوان مارين من قدامها ..

وشوي الا وتجي صديقتها عرفتها من مشيتها العربجيه واول مادخلت فسخت طرحتها وعبايتها ومشت بعربجتها
المعتاده لتجاه صديقتها ..

نور وهي متفاجئه من شكلها وقالت ممازحه : هشوووم .؟!

هناء وهي تسلم عليها : خيررر وراه ؟

نور: هههههه كانك اخوك هشوم وشفيه شعرك كذا

هنا: ااااه يانور .. تخيلي امس صبغت شعري مسويه نيولوك وطااااح شعري كله بس صبغ
اللون وبالاخير صار جزء قصير وجزء طويل وجاء اخوي هشوم وقص لي اياه كله ع
اقصر طول .. وبالاخير صار كذا بوي وسوا لي اياه سبايكي كذا وش رايك

نور: هههههه مره شي كانك هشوم .. انا من يوم ورايح بناديك هشوم موهنو

هنا: اقول لايكثر ..

نور: هههههه تعالي معي اوريك الكولج … فريت فيها لمى قلت بس ..

هنا: بس بالاول خلينا نروح للحمام (الله يكرمكم ) بعدل شعري

__ ويمشون وفيه بنت تقزهم من بعيد وتطالعهم بنص عين ..

البنت: روعه شفتي اللي انا شفته

روعه: مين البويه اللي مرت

البنت: يس .. وش رايك فيهاا

روعه: اول مره اشوفها شكلها مستجده

البنت: والله ماهمتني لو مستجده او لا المهم شكلها اوكي صح

روعه: وش ناويه عليه

البنت بابتسامه خبيثه : تعالي معي .. ( ويتمشون )

(( كانوا بالحمام .. وطبعا الحمام مزدحم بنات اللي تعدل شعرها واللي تضبط مكياجها واللي
تسوي شعرها سراميك واللي تعدل شعر صديقتها واللي واللي واللي ..

هالمشاهد تتكرر يوميا بالحمامات .. ))

هناء وواقفه وتضبط شعرها بالسبراي : كذا اوكي

نور: اي خلاص حلو كذا .. خلاص غرقته سبراي ياهشوم

هنا: لحوووووول

نور وتحب ترفع ضغطها : ههههههههههه يلا خلينا نطلع زحمه

هنا: يلا ( وتطلع بمشيتها العربجيه ويتمشون بالساحه الداخليه وكل البنات يطالعونهم مابين نظرات اعجاب
ونظرات اشمئزاز .. شعرها كان بني فاتح وسبايكي وواقف بالمره والكل يطالع

فيها باستغراب محد قبل تجرا وسوى سبايكي مثلها .. وتنورتها ضيقه وحاطه حزام ابيض ع
ذهبي وبلوزتها بيضا ساده نص كم وواسعه )

هنا وهي تمشي: يؤيؤ نور شوفي شلون يطالعون احس فيه شي غلط

نور: لاعادي بس لانو شكلك مميز ومشيتك بعد

هنا وانحرجت: اوووف شكلي لازم يتعودون عليه ومشيتي المشكله مااقدر اغيرها ..

نور وزعلت لانها تكلمت ع مشيتها تعرف هنا كانت تتحس من مشيتها لانها صارت تمشي
كذا من بعد الحادث اللي تعرضت له بالثانوي ومشيتها سببت لها احراج كبير بالثانويه بس
قالت

نور: هييي يابوالشباب مشيتك مميزه عربجيه فقط لااكثر امش وخلك واثق

هنا بنظره غرور: وهذا اللي بسويه (( وهم ماشين صدمت هنا ببنت والبنت هي اللي
معتمده تصدم))

البنت: ووجع انتبه

هنا: حصل خير ماشفتك زين

البنت: انتبه مره ثانيه

هنا: هييي لايكثر قلنا ماانتبهنا

البنت: بس لازم تنتبه مره ثانيه

نور وتتدخل قبل لاتعلى اصواتهم : لوسمحتي خلاص ماانتبهنا وش تبيننا نسوي يعني ماله داعي
لكل هالعصبيه

البنت: زين حصل خير

هنا وطالعتها بنص عين : يلا نور لانضيع وقتنا _ ومشوا _

البنت: واوووو ياروعه شكلها شي

روعه: الحين تبين تتعرفين عليها بهالطريقه

البنت: هااه لابس كنت ابي اعرف شنو جوه .. شكله شي ..

روعه: طيب وش رايك نروح نفطر البنات ينتظروننا

البنت: نونو خلينا ناخذ فرتين بعد نفطر طيب

روعه: اوكي

(( وبجهه هنا ونور .. ملوا من الدواره وطبعا عيون البنات عليهم وبالاخص ع هناء

نور: يوووه شفتي ذيك البنت تبي تتمشكل

هنا: اي والله المشكله هي اللي قاطه وجهها وصادمه فيني ولامسويه لي فيها شي ..
وتبي تتمشكل

نور: اوووف اول يوم بالكولج ونتمشكل الله يستر

هنا: شوفي لازم نبين لهم اننا موخايفين منهم .. لازم نفرض شخصيتنا من البدايه

نور: معك حق .. مانبي ماساه الثانويه تتكرر ومانبي نظل loser ماصدقنا على الله نتخرج
ونفتك من مضايقات الثانويه

هنا: اي لازم من البدايه نفرض شخصيتنا ونبي نعيش هنا احلا 4 سنين

نور: امييييين .. (وتبي ترفع ضغطها : اقوول هشوم وش رايك نروح نفطر

هنا: لحووووول زهقتيني هشوم وهشوم انا هنوو هااه

نور: ههههههه طيب ياهشوم اقصد هنو .. يلا نروح نفطر ..

(( وبالكافتيرا .. كانت شوي زحمه واول مادخلوا يسمعون البنات

بنت: هذا هشوم

الثانيه: اي متاكده هذا هو ..

البنت: بروح اكلمه

هنا ونور يسمعون ولاكانهم يسمعون ووقفوا عند احد المطاعم طلبوا وينتظرون الطلب ..

وتجي بنت : هلا والله (وتسلم عليهم

البنت: انتو مستجدات

نور: اي

البنت: انا اشواق وسنه ثانيه وانتو

نور: انا نور وسنه اولى انجلش وهذي صديقتي هنا

اشواق: تشرفنا

هنا: احنا اكثر ..

اشواق: هنا ممكن اسالك سؤال شخصي شوي

هنا وهي مستغربه: سالي ..

اشواق: انتي بويا ؟

هنا ومافهمتها بس صرفتها وقالت: احتفظ بالجواب لنفسي

اشواق وانحرجت: سوري اذا ازعجتك .. و

هنا: لالا .. عادي

اشواق: اممم وشرايكم بالكليه

هنا: زينه ماعليها

اشواق: عموما اذا احتجتوا اي شي انا حاضره

هنا: ماتقصرين

اشواق: عن اذنكم

نور : اذنك معك (( وتروح وتلفت نور ع هنا

نور: وشتقصد بسؤالها

هنا: وانا وشدراني ؟

نور: اجل وراه تحتفظين بالجواب لنفسك

هنا وتضحك من قلبها : هههههههههههههه بصراحه توهقت وماعرفت اجاوبها ومومعقوله اقولها وش تقصدين فكرت
بسرعه وبما انها قالت سؤال شخصي سويت نفسي عليها وقلت لها بحتفظ بالجواب لنفسي

نور: ههههههه وربي انك خطير هشووم

هنا: لحوووول ازعجتينا هشوم وهشوم

نور: مارح اناديك هنو الا لمى يطول شعرك الحين اشوف هشوم قدامي موهنو

هنا: ههههه اكيد اشبه له موتؤامي (( وياخذون طلبهم ويجلسون ع احدى طاولات الكافتيرا ))

(( وباحد الطاولات الاخرى كانت اشواق جالسه مع صديقاتها .. ))

روعه: بس هذا اللي قلتي لها

اشواق: اي هذا اللي صار وشرايكم ..

روعه: طيب ليه ماناديتيه يقعد معنا ( البويات ينادونهم ع انهم اولاد )

اشواق: احرجني خفت يفشلني ومايرضى بس غريبه لمى عرفني على نفسه ماقال لي اسمه هشوم
قال هنا .. جنا انتي

متاكده انو لقبه هشام

جنا وهي نفس البنت اللي صدمت فيه ونفسها اللي قزته من بعيد: انا متاكده وسمعت
صديقتها لمى قالت له هشوم ..

زينه(وحده من الشله ) : طيب وش رح تسوون معه الحين؟

روعه: بنات الحقوا شله فاطمه الخايسه راحوا يكلمونه

جنا وعصبت (تكره هالشله كره شديد خصوصا بعد مافرقوا بينها وبين فهد خويتها القديمه وراحت
فهد لشلتهم ) : اوووف وشتبي ذي شافتنا كلمناه وحطوا عينهم عليه

زينه: فطوم طول عمرها تغار من شلتنا ومنك خصوصا ياجنا .. ولو تموت مارح تصير
وهي شلتها احسن منا والا اشهر منا

جنا: اي صح اصلا هالشله يغارون مني ويبون يقهروني باي طريقه خصوصا بعد ماخذوا مني
البويا فهد

اشواق: يعني الحين انتي حاطه عينك ع هشوم

جنا: وش رايكم فيه ؟

روعه: شوفي هشوم حلو وحلو حيييل وستايله خطيرر لكن ملابسه ماتعجبني ابدا

زينه: اي ملابسه كانها من بورخيص والا انتو وش رايكم

اشواق: اي والله صحيح انه احلا من فهد .. لكن ملابسه مو شي يعني فهد
كشخه وستايل لكن شكله مو مره شي .. يعني لو تخاوين هشوم يبي لك تغيرين
ستايله

زينه: اي بس شوفي شلون وملابسه من بورخيص لكن البنات ميتن عليه وعلى شعره وعلى
شكله .. حتى مشيته ذابو عليها .. يعني لو تخاوينه بعد فهد بتكونين تقدمتي للامام
ومارجعتي لورى

جنا: يعني اخاويه ؟

زينه: على طول وبدون تفكير قبل لايروح عليك

روعه: خلونا من هالكلام الماخوذ خيره الحين ترى هشوم بيروح علينا

جنا: لاولله انا حطيت عيني عليه وحطيته براسي ولا اخذه وانا اذا حطيت شي براسي
لازم اخذه ..

زينه: طيب ياحلوه روحي لهشوم قبل لا يروح عليك

جنا: اممم روحي انتي احسن انا صار بيني وبينه تاتش روحي انتي ورعه وجيبوه لهنا

زينه: طيب و ترى مالك داعي تتهاوشين معه الصبح

(( وتقوم وتروح لعند هنا ونور وزينه ماشاء الله عليها لبقه بالكلام قالت لهم نبي
نتعرف عليكم وكذا وقاموا وراحوا معهم لطاولتهم ))

( وع الطاوله .. )

زينه: اعرفكم ع نور وهناء او هشوم .. وهذي جنا واشواق تفضلوا اجلسوا (ويجلسون )

جنا: هشوم صار بيننا تاتش الصبح صح ..

هشوم: اي

جنا: سوري كنت مره معصبه وحالتي حاله ..

هشوم: لايكثر بس ..

الشله : هههههههه

هنا بخاطرها( شللي يضحك ) : ….

اشواق: وشنو تحب نناديك هنو والا هشوم

هنا: اللي يريحكم

روعه: هشوم احسن

زينه: عاد اليوم ماشفتوا شي كل قروبنا غايبين اول يوم مااحد يدوام … لكن بكره
رح تتعرفون ع الباقي ..

نور: انتو اي سنه

زينه: اغلبنا انجلش .. وفيه من الاقسام الثانيه .. وانتوو

هنا: احنا بعد انجلش

جنا: حلو حلو .. اي مساعده والا شي نحن هنا هااه

هنا: احلا شي ..

جنا: وشرايكم بشلتنا

نور: فلللله

جنا: وانت ياهشوم وش رايك؟

هنا: مثل ماقالت نور عيني

روعه نور عينك ؟؟

هنا: نور عيني وحياتي بعد

نور وانحرجت: هشووووم

هنا : لايكثر

الكل : ههههههههه

اشواق وتستفسر: انتو تقربون لبعض والا بس صديقات

هنا: احنا ربع من الابتدائي ومثل الخوات واكثر

جنا وتطمنت: حلووو وان شاء الله احنا بعد بنكون مثل صديقاتكم واكثر

هنا: بصراحه انا مره ارتحت لكم واحس ان شلتكم شي وجوكم على جونا

زينه: يوووه للحين ماشفتوا شي

الفصل الثاني يعني انا الحين بويا ..

اليوم التالي بالكولج ..
هنا ونور توهم طالعين من محل اللوكرات ( استئجار الخزانات )
نور ويرن جوالها : هذي روعه (وترد : الو هلا روعه .. اي احنا بمحل
اللوكرات .. انتو وين .. طيب ننتظرك باي
(وتجي روعه : هلا والله (وتسلم عليهم )
نور كانت لابسه بلوزه زرقاء ساده وضيقه ع جسمها وتنورتها ميدي قصيره وتشوز ازرق ستايل
وشعرها باف ورابطته ذيل حصان وفيونكه كبيره ومكياج خفيف قلوس وماسكار زرقاء وبلاشور
هنا كانت لابسه بلوزه من بلايز الاولاد تبع المباريات نفس بلوزه نادي الهلال وشعرها سبايكي
ونظاره شمسيه سودا مغطيه نص وجهها وطالع شكلها شيي واول ماشافتها روعه استغربت وخقت على
ستايلها
روعه: واوووو ستايكم خطيررر اليوم وانت ياهشوم بدعت
هشوم: هههههه من ذوقك والله .. بس بما اننا كلنا اتفقنا نلبس ازرق بمناسبه فوز
الهلال قلت مافي احلا من بلوزه فريق الهلال
روعه: هههه وربي مااحلا منك .. صاير اطلق بويا
هنا وروعه مافهموا عليها ..
روعه: بسالكم سؤال يقرقع بقلبي
نور: اسالي
روعه: الحين نور الليدي الخاصه فيك هشوم ..
نور ومافهمتها بس قالت: انا وهشوم خوات وبس
هنا: واكثر من خوات بعد .. احنا نعرف بعض من زماان احنا خوات وصديقات ..

روعه وتطمنت: حلوو يلا اعرفكم ع الشله .. (( ويروحون للساحه الداخليه مكان شلتهم وكانت
الشله كبيره تقريبا عشرين بنت .. وكلهم كيوتات (مش بويات)
واول ماشافوا هشوم انبهروا من ستايله وخصوصا السبايكي .. ))
بنت من الشله: هشوووم شيي يالبى السبايكي ممكن المس شعرك
هشوم: لالا .. توني مسويته مالي خلق احد يلمس شعري
البنت: بليز بليز
هشوم : لايكثر ..
البنات: هههههههه (( طبعا الشله كلهم لابسين ازرق وصايرين مميزين )
البنت: افااا هشووومي كذا فشلتني (ومسويه زعلانه )
هشوم: لاتزعلين ياروحي بس مااحب حد يلمس شعري
البنت: يؤيؤيؤ انا روحك من قدي رضيت من هالكلمه
البنات: واووووو ( وتصفيق حااار )
جنا: هييي انتي لايكثر هااه
البنت: وي وي جنووون عارفه حدودي
البنات: واوووووو (وتصفيق .. وطبعا كل هالسوالف والضحك تصير بالساحه الداخليه وقدام الامن والوضع طبيعي

وكانت هنا جالسه وبينها بنتين كيوت ويسولفون معها .. اما نور كانت جالسه بزوايه وملااانه
ع الاخر ومحد معطيها وجه ..

بعد نص ساعه .. راحوا هناء ونور ع المحاضره .. وكانت محاضره ممله والدكتور جالس
يشرح والبنات سوالف وجات المراقبه وخذت الحضور وجلست والبنات ساكتين
مافيه الا هنا ونور يسولفون ولاعليهم
المراقبه وتطالع هنا: انتي ياللي هنااا
هنا ومطنشتها وتكمل سوالف
المراقبه: وبعدين ياللي هنا
هنا وتطالعها: انتي تكلميني
المراقبه: لااكلم اللي جنبك
هنا وتطنشها
المراقبه: تستهبلين
هنا: وش قصتك معي تكلميني والا لا ؟
المراقبه: ايه اكلمك وتكلمي معي بادب
هنا: انا للحين ماتكلمت معك لابادب ولاغيره .. وانتي جالسه من الصبح وتزامرين
المراقبه: وتواقحين بعد اسكتي ازعجتي البنات
هنا: والله مااشوف حد منزعج .. بنات منزعجين
البنات: …………
المراقبه: زين زين تابعي المحاضره وانتي ساكته (وتطلع )
هنا: لايكثر
البنات: هههههههههه
بنت من الكلاس: زين سويتي فيها ملغى ( دمها ثقيل )
هنا: من جد وتزامر بعد
الثانيه: كفوا هشوم اجل بما انك معنا بالكلاس مارح نحاتي شي
هنا: افاا عليكم انا كلا عندي ولابنات كلاسي
الثالثه: يالبييييييه والله بنشد الظهر فيك هشوم
هنا: خذوا راحتكم
البنات (واوووو وتصفيق حااار ..؛؛ طبعا موكل بنات الكلاس شلتين بس اللي ميتين على هشوم
ويبون يتلصقون فيه ؛؛
هنا : قومي نور خلينا نطلع من هنا
نور: بس المحاضره ماخلصت
هنا: بناخذ تلخيص من اي حد .. قومي زهق المراقبه وراحت وحضور وحضرنا خلاص قومي

نور: يلا (( ويقومون ويروحون للشله وهم ماشين بالطريق
نور: هااه هشوم اشوف صرتي جريئه وحتى المراقبه ماخليتيها بحالها
هنا: لا والله هي اللي بدت وبعدين هنا بالكولج لاحظت انو الكل ميت علي ولو
اقول نكته تافهه يضحكون خليني اعطيهم جوهم واخذ جووي
نور: اي والله معك حق .. البنات خاقين مع ستايلك الجديد
هنا: وانا مستغله هالشي ( ويرن جوالها: الو هلا اشواق تونا طالعين لاملينا من المحاضره
وانحشنا منها .. وين الكافتيرا طيب باي
نور: هااه وينهم
هنا: راحوا الكافتيرا امشي نروح لهم زين راحوا عاد انا مييييته من الجوع
(( وبالكافتيرا .. ))
كانوا البنات جالسين يفطرون ويسولفون ويضحكون ع الرايح والجاي .. واما جنا تطالع هنا بنظرات
ماقدرت هنا تفسرها وطنشتها وكملت سوالف مع القروب ..
جنا : هشوم تعال شوي ابيك
هشوم: تبيني وين ؟
جنا: تعال شوي برى الكافتيرا (( ويقومون برى الكافتيرا ويتمشون لحالهم .. ))
جنا: وشرايك فيني ؟
هنا من اي ناحيه
جنا مدري الناحيه اللي تعجبك
هنا: مافيك زود
جنا واستغربت ردها: وش قصدك ؟
هنا: قصدي ماشي حالك
جنا: بس
هنا: هذا اللي انا شايفته ..
جنا وانحرجت بس مابينت لها وقالت: طيب انتي الحين البويا الوحيده بالشله
هنا( وهي موفاهمتها ): وين المشكله
جنا: لا عادي .. بس لازم كل بويا لها ليدي ..
هنا وتذكرت كلام روعه الصباح بس مافهمتها : طيب وبعدين
جنا اممم انا ودي اكون الليدي الخاصه فيك وش رايك ؟
هنا وتوهقت هي موفاهمتها عشان ترد عليها : ….
جنا: وش فيك ساكت
هنا(ليش تكلمني على اني ولد .. شسالفه ): اممم افكر وارد لك خبر
جنا: متى ؟
هنا: اذا فكرت وقررت رديت لك خبر
جنا وعصبت ليه قالت كذا .. الكل ميت عليها ويتمنى لها الرضى وهذي شايفه نفسها
: طيب
هنا: خلصتي موضوعك
جنا: هااه
هنا: عندك شي ثاني
جنا: لا
هنا: اجل يلا نروح للشله .. (( ويرجعون وجنا مره متفشله منها .. جنا بنت
جميله جدا .. بيضا طويله نسبيا طول هشوم تقريبا وشعرها بني فاتح لنص ظهرها
وخشمها طويل وشفايفها صغار وعيونها وساع وجسمها مره حلوو .. وكل شي فيها حلو ..يعني
ماحد يقدر يرفض لها طلب وفوق هذا كله غنيه ودلوعه وبنت عز والكل يتمنى يتعرف
عليها
ويتمشى معها .. لانها باختصار ملكه جمال .. ؛؛ عشان كذا استغربت رد هشوم لها
لانها اول وحده تروح لها وقالت لها هالشي استغربت وبنفس الوقت عصبت وحطتها براسها اكثرواكثر
.. ))
00 خلصوا الشله فطورهم وراحوا لمكانهم المعتاد بالساحه الداخليه ويسولفون ويتضحكون باعلا صوتهم .. وشوفي
تجي بويا طويله بيضا ومره جذابه اول ماشافوها البنات شقهوورا
البنات: نصوووووري .. (( ويسلمو عليها ))
نصور: هلا والله وحشتوووني ياكيوتاتي .. اوه اوه فيه كائنات جديده هنااا
جنا: افاا عليكم اعرفك على هشوم ونور
نصور ويسلم عليها: هلا هشوووم .. بويا جديده بالشله
هشوم: هلا بك ..
اشواق: تصدق عاد فقدنا الامل انك ترجع .. خصوصا بعد مااشتكت عليك اروى وصارت سالفه
طويله
نصور بسخريه وغرور: اروى ههههههههههه
روعه: الا صدق وش صار عليها ؟ اخر الايام كانت تقول انها بتفصلك
نصور: امعصي الا هي .. انا كسرت خشمها ولانها رفضتني خذت منها اللي ابي من
ورى خشمها وبالاخير انا اللي فصلتها من الجامعه !!
البنات تضفيق خاار واوووووو
جنا: تستاهل محد قالها ترفض نصوري وتسوي لي فيهاا
نصور: اي والله .. حطت راسها براسي وكسرت لها راسها .. ولاااا بعد هالسنه رجعت
ادرس وانتظام مثل الاول وهي انفصلت من هالكليه نهائيا
البنات ويصفقون : واوووووو نصورررر واوووو (( اللي يشوفهم يقول المنتخب جايب هدف على هالتصفيق
))
نصور: بنات اخبار الكولج والبنات والشلل مافيه جديد
روعه: مثل ماانت شايف ماعندنا جديد الا هشوم
نصور: يالبى جديدكم .. هشوم قوم ابيك (( ويقومون يتمشون هشوم ونصور واشكالهم مميزه كلهم
سابكي وستايل بس نصور ستايلهم احلا بس هشوم احلا منها شكلا .. ونصور كانت
مميزه بالطيحني والكل يمووت عليهاا ))
نصور: هشوم مستجد ؟
هشوم: شوفه عينك ..
نصور: طب يامستجد هشوم بما اني انا وانت بويات الشله لازم اعرفك ع بويات الكولج
وع البنات الستايل واللي
برستيجهم من برستيجنا ونمشي معاهم وبعرفك ع اعدائنا واللي مانحبهم ولانمشي معهم
هشوم: اوووه الظاهر احنا مطولين
نصور: افاااا عليك ..وراك شي انت ؟
هشوم: لا مارواي غير الدواجه طول اليوم
نصور: هههههه يالبى الدواجه .. (( ويتمشون ويشوفون فهد البويا وتصدم فيها نصور متعمده ..
))
نصور: وجع
فهد وتمد يدها تبي تسلم : هلا والله نصور شلونك
نصور بدون نفس: الحمدلله والشكر (( وتمشي وتخليهاا ))
هشوم: ههههههه حلوووه الفشله ..
نصور: هذي البويا اسمها فهد كانت بشلتنا اللعام وكانت خويه جنا وع اخر السنه تهاوشنا
معه وصرنا اعداء بس هو بالمره خووواف ولو امشي من عنده اوتفل بوجهه بيقول لي
شكرا
هشوم: افااا ماعنده شخصيه ووراه يخاف منك
نصور: غصب عنه يخاف مني انا اللي خليته بويا وعملته الكشخه والاناقه والستايل وكان ومازال
تحت رجلي
هشوم: وشللي اختلف الحين
نصور: قام يشوف نفسه على وبيسوي شخصيه علي محيته قبل مايتكلم ودست عليه
هشوم: اووف اووف .. بس شكله ندمان ع اللي سواه وجاء يبي يسلم عليك وانت
طنشته
نصور: يخسي اسلم عليه ؟
هشوم: ليه؟
نصور: لانه نعال وعمر النعال ماينحط فوق الراس والنعال لو مهما غلى بالاخير ينداس ..

هشوم: يعني راحت عليه
نصور: وراحت ايامه .. خلينا منه وتعال اعرفك بباقي البويات والكيوتات والايمو المهمين طبعااا
(( وراحوا لاحدى الكيوتات ومعاهم ثنتين ايموو واول ماشافوا نصور قعدوا يبوسون فيه ويسلموون عليه
ويحضنونه بطريقه جريئه وبوسط الساحه ومحد يقول شي ))
نصور: يالبى قلبوبكم .. ياجعلني افداكم كلكم .. بنااات اليوم البارتي عندي بالبيت هاااه بمناسبه
بدايه السنه
البنات : واوووو عاد بارتيتك ماتنرد ..
نصور: هههههه نشوفكم
الايمو: نصور ماعرفتنا ع البويا الخقق اللي معك
نصور: هذا هشوم ومافيه حد مايعرفه
الايمو الثانيه: ماشاء الله عليه شكله مره مميز وكل الكليه خاقه معه والحين يمشي معك
وربي انتو الاثنين قطع تمشون ع الارض
نصور بغرور: مشكوره من ذوقك
الكيوت: طيب هشوم ممكن طلب
هشوم: امررري
الكيوت: بليززز ابي اضمك .. بصراحه قزيتك وانت تضم صديقاتك وتمنيت اني مكانهم
هشوم وانحرجت بس مابينت: عادي خذي راحتك
الكيوت وتضم هشوم بطريقه جرئيه : يالبيييييييييييييييييييييييييييييييييييييييييه
هشوم ويبعد عنها: يالبى انتي .. (( ويروحون عنهم ))
نصور: هالبنات مره ستايل وشلتهم حيل كشخه وذولا برستيجنا خذ راحتك معهم بالحكي .. شوف
هشوم اليوم عندي بارتي بالبيت تعال انت ومين يعز عليك
هشوم: وبيتك وين
نصور: انا رح اكتب لك العنوان بس تجي
هشوم : اكيد بجي انا عشقي البارتيات ..
(( وقضوا طول اليوم سوالف وتعارف على البنات .. ))

رجعت للبيت تعبااانه حيييل من المشي اللي مشته اليوم بالجامعه .. اليوم حست روحها تقدمت
كثيررر ,, تعرفت ع كثير بنات وشلل اكثر والكل ميت عليها وع ستايلها .. وكان
ببالها
بارتي اليوم وشلون تستعد له وتتجهز له .. ( ويقطع عليها حبل افكارها صوت جوالها
والمتصل نور عيني ..وترد
هنا: هلا نور عيني
نور: هلا هشوم شلونك
هنا: تمام انتي كيفك
نور: كويسه .. اسمعني هشوم .. انا عرفت شنو يعني بويا ؟
هنا: شنو يعني .. بويا يعني مسترجله وعربجيه .. يعني نفسك انتي الحين عربجيه بس
الكل يعتبرك بويا عشان حركاتك ويفكرونك مسترجله عرفتي وهالبويات
ماينادون نفسهم الا بالقاب او اسماء اولاد عشان كذا يحسبونك هشوم .. وكل بويا لازم
لها ليدي يعني بنت تكون عاديه والبنت العاديه يسمونها كيوت .. وفيه بعضهم ستايل الايمو
.. بس
المهم انو كل بويا لازم لها ليدي وبعضهم مايهتمون بالليدي بس كل همهم يكون عندهم
اكثر من ليدي ..
هنا وفهمت اخيرا : اهااا يعني انا الحين بويا
نور يسسس عليك نور ..
هنا: طيب .. انتي من علمك هالسوالف كلها
نور: افااا .. اعجبك انا .. اليوم قعدت مع روعه وسحبت السوالف كلها منها ..
اي صح بتجي بارتي اليوم حق نصور
هنا: اكيييد مره متحمسه للبارتي وانتي؟
نور: اي انا بعد بجي عاد انا مره متحمسه اول مره نصير مشهورين والكل يهتم
بامرنا وشله وقروب وصديقات كثير وناااسه
هنا: وانا مثلك مره مستانسه اليوم يمكن تعرفت ع نص بنات الجامعه .. احس غير
عن اول ايام الثانويه الله لايردها محد كان يعطينا وجه بس الحين احنا الكل بالكل

نور: اي والله .. الله لايردها من ايام .. هشوم ياحلو اخليك الحين بروح اقول
لمامي ع بارتي اليوم طيب
هنا: حلو حلو .. اجل انا بخليك الحين وبروح ادور لي شي البس وافكر بستايل
اليوم
نور: يالبييييه
هنا: حتى انتي يالبيه هالكلمه نص بنات الجامعه يقولونها ..
نور: ههههه احنا معاهم معاهم .. عليهم عليهم .. ههههه طيب هنوو اخليك الحين باي
..
.. انتهى هالبارت ولكن نهايته بدايه جديده في احداث ومسار القصه ..
البارتي شنو رح يصير فيه من تطورات تخدم قصتنا ؟
نصور مين وهل رح يكون له تغير كبير في احداث القصه ..؟ ام انها مجرد
شخصيه عابره ؟

وهل رح تكون هناء او هشوم مثل مايسمونها .. هل رح تصير فهد الثاني ..؟!
ام انها رح تتمرد على نصور وتفرض شخصيتها .. بس اللي شفناه انو محد يتجرا
يقول لنصور لا ..
وجنا وهشوم (هنا ) شنو مصير علاقتهم ؟ وهل رح تتطور والا لا ؟
وهل لهفه نور وهنا للشله رح تخليهم ينجرون لاي شي وبسهوله ام انهم يقدرون ع
الرفض ؟

الجزء الثالث: البارتي

دخلت البيت وهي تفكر بالبارتي ياترى وشلون رح يكون وشنو رح تلبس ومين من بنات
الشله بيجون .. كل هالتساؤلات ببالها ..

راحت لدولابها وماشافت شي حلو .. او بالاحرى كل

الموجود قديم ويبين انه رخيص .. الكليه اهون بالنسبه لها تنوره وحده تلبسها يوميا وتغير
وتشكل بالبلايز .. اووووف فكرت وفكرت

وقررت تروح لغرفه اخوها هشوم هو يحب يهتم باناقته وستايله ..

راحت لدولابه وبالاخص لدولاب الملابس الجديده .. وشافت لها بدله عجبتها ماترددت بسرعه وخذتها وفكرت
انو عندها حذاء يناسب

اللبس ومولازم تحط ميك اصلا هي ماتحب ولاتعرف وبعدين بويا

والبويات مايحطون شي .. خذت الملابس وجات تطلع من الغرفه الا بوجهها اخوها

هشوم: وش عندك ؟

هنا وتوهقت: هلا والله باخوي وتؤامي

هشوم: لا والله حلفي بس .. مع كل هالترحيب اكييييد عندك شي وش عندك ؟

هنا وحست انو مافي مفر : ماعندي شي بس ( وترفع الملابس )

هشوم: يوووه هذولي ملابسي الجدد مالبستهم ولامره ليش ماخذتهم ؟

هنا: بصراحه عندي اليوم بارتي وماني عارفه شنو البس قررت اغير ستايلي والبس ملابسك

هشوم: ملابسي ؟؟ وشلون تروحين حفله بنات بملابس ولد

هنا: نيولوك وش رايك ..

هشوم وبوجهه ميه علامه استفهام :

هنا: حبيبي هشوم وتؤامي انت شوف انا بصراحه ومن الاخير ماعندي ملابس كشخه وتناسب البارتي
فقررت اغير ستايلي و

البس معك وش رايك ؟

هشوم وفيه الضحكه من اخته متوهقه وحالتها حاله بس سوى نفسه: اممممممم

هنا: بليز بليز .. رح انفذ لك اي طلب تطلبه مني

هشوم: اوكي بس بشرط

هنا:امر

هشوم: ترتبين غرفتي والحين لاني مالي خلق تجي الوالده وتسوي لك قلق

هنا وتطالع غرفته بنظره احباط(اوووف الله يعيني ) :طيب صار

هشوم: حلال عليك البدله .. ولارح اكرمك بعد ورح اوصلك وارجعك للبارتي بنفسي ..

هنا واستانست: هييييي مشكوره يااحلا اخ وتؤام بالدنيا ( وتطلع .. وجهزت ملابسها للحفله وراحت
لغرفه اخوها بسرعه ورتبتها و

حطت راسها ونامت استعدادا للبارتي .. ))

باحد القصور الفخمه .. بمدينه الخبر .. كانت جالسه بمملكتها السريه وتسمع اغاني المسجل بصوت

عالي ويدق باب غرفتها بصوت مزعج ..

ام جنا ( وعلى طول تطفي المسجل ) : قصري صوت هالبلا .. الحين ابوك
واخوانك جاين من الشركه تبينهم يسون لك سالفه

على هالازعاج

جنا: هههههههههههه لا والله يعني حتى لو ماشغلت المسجل اعيالك هالعلل رح يسوون لي سالفه
على اي شي ..

ام جنا: استحي على وجهك وتكلمي على اخوانك زين هذولي اخوانك وعزوتك وسندك بالدنيا ..
واي شي يسوونه لانهم خايفين

على مصلحتك وشكري ربك على النعمه اللي انتي فيها انتي احسن

من غيرك بكثير ..

جنا باستهزاء : اشكر ربي ؟ اشكره على شنو ياحسره على السجن اللي انا عايشته
على العز اللي انا فيه بس للاسف ماني

قادره استمتع فيه .. عبايه ع الكتف ممنوع .. جوال ممنوع ..

بنطلون وبيجامات بالبيت ممنوع ,, انترنت كل البيت عنده بس لحد جنا لا وممنوع ..
لاطلعه ولادخله الا للكليه وبس .. والحين

الظاهر حتى المسجل بيصير ممنوع

ام جنا: احترمي نفسك وتكلمي معي بادب انا امك والا نسيتي هالشي

جنا: هذا انتو اذا ماكان عندكم رد قلتوا تكلمي بادب ومدري شنو ..

ام جنا: انتي جاحده النعمه اللي انتي فيها المفروض تحمدين ربك وتشكرينه باليوم مليون مره
.. ع الاقل انتي تطلعين بشكل

شبه يومي لعند المدرسات الخصوصيات ويعطونك دورس خصوصيه ..

وابوك مخليك على راحتك كل سنه يسوي لك حفله عيد ميلاد بافخم فنادق الخبر وتتشرطين
بعد وموعاجبك وكل صيف تسافرين

لاحسن مناطق العالم وتقضين طوال الصيف هناك وموعاجبك ..

وحسابك كل شهر بالبنك ينحط لك المبلغ الفلاني وحده غيرك تحمد ربها وتشكره مليون مره
باليوم موتتكبر ع النعمه اللي هي

فيها ..

.. ااااخ ياليتك طلعتي مثل اختك عبير طوال فتره جلوسها بالبيت ماكانت تقول شي لين
تزوجت وهي ماشاء الله عليها مو مثلك

جنا: عبير هبله ومقصه وزوجتوها واحد متزوج عشان الفلوس وعشان اسم العايله .. عبير تزوجت
عشان تطلع من هالسجن اللي

سجنتوها فيه .. بس انا لا انا جنا موعبير موالمقصه اللي رح

تقول ان شاء الله وحاضر على اي شي .. وهالسفرات اللي تعايريني فيها وجودها مثل
قلتها وقسم بالله استحي اطلع من

الفندق بالعبايه اللي عالراس كاني عجوز ومخبيه جمالي عن الناس .. وهالعيد

ميلاد اعيالك مايقصرون وكل سنه يسوون لي سوالف كل ماقرب هاليوم حتى هاليوم مايبوني افرح
فيه .. وروحاتي للمدرسه مع

الخدامه والسواق يوديني ويجيبني وتذولني عليها بعد ولااا حاسبين لي الوقت

وياحسرتي على هالحساب اللي تعايريني فيه موقادره اشتري فيه لاجوال ولاملابس زي الناس ولاشي ..
ياشيخه خليني ساكته

احسن

ام جنا: هذا كله وساكته .. انتي ليش طلعتي كذا ياربي انا شسويت عشان ربي
يعاقبني فيك

جنا: والله انا اللي ربي عاقبني فيكم يالعايله المعقده الناس دخلوا الالفيه الثالثه وانتو للحين
عقد اووووف منكم اووووف .. والحين

انتي وش عندك جايه تبين تطفين المسجل خلاص طفيته ماله داعي

تسمعيني الموال اليومي لو سمحتي طلعي برى ابي انام وراي قومه بالليل بروح للمدرسه

ام جنا وفاقده الامل من بنتها: الله يهديك يابنتي (( وتطلع .. وجنا تسكر الباب
ورى امها ..))

لاهلها بتروح للمدرسه وتروح للمكان اللي تبيه

وهي متفقه مع السواق والخدامه والمدرسه بالبدايه امها كانت تروح معاها بعدين ملت وصارت تروح
لحالها > وتطلع الفستان

واكسكوراته وتحطه على جنب وتطلع لاب توبها السري وتدخل المسن

تدردش مع صديقاتها .. ))

بالليل ..

كانت هناء توها واصله للبارتي اول مادخلت تفاجات شافت قصر ماتشوف مثله الا بالمسلسلات والافلام
دخلت وهي تحس

انها تدخل عالم جديد عاجبها كثير واول مره تدخله .. كانت متضايقه

بالبدايه لان نور اعتذرت بالدقيقه الاخيره .. بس ماحبت تعتذر لانها متحمسه للبارتي ولانها وعدت
نصور بالجيه وعطتها الاوكي ..

دخلت البارتي و وسمعت اغنيه مايكل جاكسون thriller

فسخت عبايتها بسرعه وراحت ترقص مع اللي يرقصون الرقصه الموحده واغلبهم بويات .. وانتهت الاغنيه
وحطوا الدي جي اغاني

راب وهيب هوب وتحدي بين البويات وهنا معهم وجلسوا يتحدون

لين انحصر التحدي بينها وبين بويا عبود ورقصوووا كثير لين تعب عبود وفازت هنا وبالاخير
الكل صفق لها ويقول هشوووووم ..

عبود/ مبروك عليك الفوز تستاهلها

هشوم: ههه هارد لك واكييييد استاهلها ولو مااستاهلها مافزت

عبود: ههههههههه لاااا لازم نتحداك مره ثانيه ونشوف

هشوم: اوك اوك متى ماحبيت انا موجود بالراب والهيب هوب محد قدي ( هنا كانت
طول عمرها مع اخوها يحبون هالرقص وفعلا

(ويجي نصور : هلا والله بالربع (ويسلم عليهم

نصور: تعرفتوا على بعض

عبود: اي هذا هشوم توه غالبني بهالهيب هوب

نصور: واووو يعني طلع لنا بطل جديد

عبود: هوب هوب للحين ماصار شي هو تحدي واحد بس

هشوم: ههههههه تحدي واحد وفزت فيه لكن الجايات اكثر

نصور: هههههههه هشوم نجمنا الجديد ( وتمر احد الجرسونات معها كاسات خمر وتناديها نصور وتاخذ
كاس لها وللي معها

عبود: ثانكس

هشوم: شنو هذا ؟

نصور: هذي بيره بس بكحول ويدلعونها شامبانيا

هشوم وخافت من هالشي بس مابينت: لا شكرا ماابي

نصور: افااا وراه ؟

هشوم: مو جوي ..

نصور وياخذ الكاس ويشرب وتروح الجرسون

عبود: اجل شنو جوك

( وتجي اغنيه مايكل جاكسون beat it

هشوم : هذا جوي .. ( ويروح يرقص مثل مايكل جاكسون ولا سوت حركه رقصه
القمر وكل الكيوتات_ البنات موبويات _ ميييييتييين

عليها حتى المرتبطات ولمى

خلصت الاغنيه بدوا الكيوتات يتملحون وهشوم ماله خلقهم وكان واقف وكل الكيوتات من حوله ..
وعلى دخله جنا شافت هشوم

واقف ويكلم الكيوتات ومن طرف خشمه باين انه ماله خلقهم وهم ماتوا

على ثقله بزياده

بجهه اخرى

عبود: اوووف خويننا حشروه هالكيوتات

نصور: هههههههه تخسبق بروح اخلصه منهم ( ويروح بوسط الكيوتات وياخذ هشوم بكل وقاحه وبدون
استئذان وهشوم ماصدق

خبر وراح وراه

وحده من البنات: اوووف راح ولاحتى شبعت منه

الثانيه: يعني انا اللي شبعت منه حتى مادردشت معه زين

الثالثه: ع الاقل انتو سولفتوا انا حتى ماعرفته بنفسي

(وتجي روعه : بناااات اصلا راحت عليكم جات خويته جنا

الاولى/ مين جنا

الثانيه: لاتقولين لي جنا خويه فهد اول

روعه: ايوه بشحمها ولحمها

الثالثه: ويييييع انا احلا منها .. صدق حظها قوي اجل من بعد فهد تاخذ هالخقق
وربي حظوظ

روعه تطالعهم بغرور ومشت راحت لجنا وسلمت عليها : هلا والله وينك تاخرتي

جنا: ماطلعت الا متاخر عشان اخذ راحتي بالتاخير

روعه: هههههه احسن شي .. لايفوتك هشوم قبل شوي يترقص والكيوتات اللي هنا ماتوا عليه
وانتبهي على حلالك لاياخذونه

منك تخيلي حتى الايمو والمرتبطات ماتوووا عليه

جنا: وي وي .. انا لازم اروح له الحين واحكره عشان مايطالع غيري .. شفتيه
وينه

روعه: اي اي طلع مع نصور وعبود للحديقه اكيييد يدخنووون

(( وفعلا بالحديقه باحدى الزوايا كانت مليانه بويات ويدخنون ..

نصور وتطلع زقاره لهشوم: تفضل

هشوم: لالا

عبود: موجوك بعد ؟

هشوم: لا وانت الصادق صحتي مااقدر عليهم

( وع جيه جنا )

نصور: هذا جوك جاء لعندك

هشوم ولمى شافتها ابتسمت صحيح مالها خلقها بس تبي تفتك من عبود ونصور : عن
اذنكم ( وتروح وتسلم عليها وتتمشى

معها بجهه بعيده عن البويات والتدخين )

جنا متى جيت؟

هشوم: قبلك

جنا: اهم شي .. ادري انك قبلي يعني من زمان

هشوم ويطالع الساعه : بسرعه مر الوقت .. جاي من ساعه تقريبا

جنا: اهاا ..وشرايك بالبارتي ؟

هشوم: للحين زين

جنا: ماشاء الله عليك يقولون بدعت بالرقص

هشوم: هههههه انا محد يتحداني بالهيب هوب .. ( امشي ندخل لداخل .. ويدخلون الا
ع اغنيه تاينتك مره رومااانس .. وتسحب

هنا جنا وترقص معاها رقص رومنس

جنا وهي متسغربه حركته بس بنفس الوقت هالحركه ارضت غرورها عشان الكل يعرف انو هشوم
لها وبس وقالت ويدها على

كتف هشوم: اممم الظاهر محد يتحداك حتى بالرومانس

هشوم وهو ماسك خصر جنا: انا اكثر شي احبه الرقص

جنا: اممم شي حلو .. وانا اكثر شي احبه هشوومي ..و هشومي لي وبس صح

هشوم اكتفى بابتسامه : …

جنا وهي تطالع يعيونه : ا

هشوم: شفيك

جنا : امممم ا

هشوم: شنو تبين تقولين شي ؟

جنا وتبوسه بخده وقربت لاذنه وقالت بهمس : احبك ..

هشوم بنفس الهمس ع اذنها: حبتك العافيه ..

(والبنات ميييتن من القهر على حركاتهم يفكرون شي ثاني )

وخلصت الاغنيه وراحوا جلسوا عند المشرب

جنا وخذت كاس شامبنيا وقبل ماتشرب خذاه هشوم منها

هشوم: هيييي هييي انا مااسمح لحبيبتي تشرب اوكي

جنا واستانست: يعني انا …

هشوم تبتسم وهزت راسها بالايجاب: طول ماتسمعين كلامي مارح اشوف ولااهتم بغيرك بس لاتخليني اعصب
عليك ..

جنا وتبعد الشامبنيا: خلاص خلاص .. اللي ماتبيه انا ماابيه ..

هشوم: يازينك وانتي تسمعين كلامي

جنا وتقرب له وتضمه رح اسمع كلامك ع طول ( والكل يطالعهم من بعيد ويراقبهم
بحسررره .. وتجي نصور)

نصور: تعالوا تعالو -وتروح معاهم للدور العلوي لجهه غرف النوم-

نصور وتفتح لهم غرفه وتعطيهم مفتاح : خذوا راحتكم

جنا وتاخذ المفتاح: ثانكس (وتدخل وتسحب معاها هناء وهناء مثل المصدومه)

بداخل الغرفه خذت هنا من جنا المفتاح وسكرت الباب وجلست ع الصوفا ونادت جنا تجلس
جنبها وجنا ماصدقت خبر

هنا: شوفي جنوون .. انا رح اقولك شي وياليت تفهميني

جنا بدلع : اكييييد رح افهمك اذا انا مافهمت مين اجل رح يفهمك ..

هنا: حلو .. شوفي بصراحه انا اليوم ماابي المسك زين

جنا وانصدمت وخاب املها ليييش .. انا موحلوه اليوم ؟

هنا وابتسمت: انا ماافكر بهالطريقه .. انا لمى وافقت انك تكونين حبيبتي ماوافقت عشان هالشي
.. وافقت عشان احبك

وافهمك وتفهميني قبل كل شي .. انا ماابي اتسرع او ابدء بشي واحنا للحين

ماعرفنا بعض زين ولاتعلقنا ببعض ولاحبينا بعض بجنون .. خلي كل شي يجي من نفسه
خلي الحب يجي قبل اي شي ثاني

جنا وانصدمت من كلامه وبنفس الوقت عجبها اول مره حد يتكلم معها بهالطريقه مره رومانسيه
هذا الحب اللي كانت تدوره هذا هو

الانسان اللي طول عمرها تفكر فيه وتتمنى تلاقيه .. واخيرا واخيرا

لقته .. اليوم والحين خاصه من بعد هالكلام اللي سمعته ومن التصرفات اللي شافته من
هشوم تمسكت فيه اكثر واكثر ومارح

تتركه بالعكس بخاطرها تحبه وتفمهه مثل ماقال

هشوم: زعلتي من كلامي

جنا بابتسامه صفراء: لا بالعكس كلامك مايزعل .. كلامك هو كلام الحق

هشوم: اجل يلا نطلع

جنا: يؤيؤ .. واللي برى شنقول لهم

هشوم: ههههه نصوري خليه علي ..

جنا: طيب (ويطلعون ونصور كان بالصالون ..

نصور: شسالفه ؟ وشفيكم طلعتوا بدرب

جنا: مانقدر اليوم _وبهمس باذنه_ عليها الدوره

نصور: ههههههه خيرها بغيرها ..

جنا: بيبي تعال اسلم عليك بروح البيت ..

هشوم: سلامنا موهنا بوصلك لين الباب ( ويطلعون لين برى وتوصلها وترجع وبالحديقه ع وجهها
بنت سكرانه ومعها خدامتها..

البنت: هشووومي

هشوم وهو متقرف منها: خير

البنت: تعال ابيك ابيك بالغرفه رح اونسك اليوم

هشوم: هههههه سوري بس انا ماابيك ( وتطالعها باحتقار وتمشي وع جيه نصور وعبود ..

نصور: ههههههه وشتبي منك وصايف ؟

هشوم: مدري عنها .. لوعت كبدي

عبود: وصايف هذي مقبره ماترد ميت .. ومابقى حد بالبارتي وبرى البارتي ماجربها

نصور: من جد .. وصايف هذي مابقى بويا بهالبارتي مانامت معاها ..

هشوم: ويييييع مالت عليهاا ولاجايه بعد .. بروحها موقادره توقف وخدامتها متوهقه فيها

عبود ونصور ههههههههههه

عبود: هشوم وربي انك فله عطني رقمك عشان نعمق العلاقات الدبلوماسيه فيما بيننا

هشوم وقلبها ناقزها وماتبي تتعرف عليها اكثر بس للاسف هي اضعف من انها تقول لا
او تصرف وقالت : سجل عندك _وتعطيها الرقم ))

نصور : شباب خلونا ندخل لداخل نكمل السهره ..

(( وراحوا لداخل وكملوا السهره بالرقص والغناء والضحك والسوالف … وطول الوقت الكيوتات يتصلقون بهشوم
خاصه بعد روحه جنا لكن هشوم معطيهم بولباس .. وانتهى البارتي بسلام .. ))

الفصل الرابع:حاله حب

احنا مع بعض معقول المعجز حصل لاتقول ..

يوم السبت .. يوم جديد على ابطال روايتي .. يحمل معه المزيد من المفاجات والتطورات
..

بالكليه ..

كانوا هناء ونور توهم طالعين من المحاضره .. وجالسين مع القروب بمكانهم المعتاد بالساحه الداخليه
للكليه .. واحلا شي بمكانهم انو موقعهم جغرافي بوسط الساحي يعني يشوفون كل شارده

ووراده وياويل اللي يجلس مكانهم او يحط اغراضه فيهاا ..

(( وتجي روعه وتروح لهشوم

روعه: هشوم تعال شوي

هشوم ويروح لها : هلا

روعه: وينك من الصبح

هشوم: كنت بالمحاضره وتوني اطلع ..

روعه: طيب تعال معي ( وتوديه بعيد عن الشله وبمكان فيه جنا وبس وتروح وتخليهم)

جنا وكان معها بوكيه ورد احمر مره يجنن عطته هشوم وقالت له : احبك

هشوم وهو متفاجئ سلم عليها وقال : مشكوره

جنا: العفو ..

هشوم: وش المناسبه

جنا: بمناسبه حبي لك ..

هشوم: يعلم الله ياجنا اني مره ارتحت لك ..

جنا (اوووف بس هذا اللي طلع منك بس يلا مولازم ابين له اني زعلانه )
: …

هشوم: فطرتي ؟

جنا: لا ليش؟

هشوم: اجل خلاص خلينا نروح نفطر انا وانتي

جنا: مع الشله

هشوم: لالا .. خلينا لحالنا بعيد عن الشله شوي لاني مع الشله مااقدر اتكلم معك
واخذ راحتي بالكلام وننشغل عن بعض (( ويروحون للكافتيرا وهشوم اشترت لجنا فطور ع حسابها

وتشيل لها الاكل وتوكلها والبنات ميييييتتتن قهر منها انها تتمشى مع هشوم ويدلعها بعد ..
ف الكل الحين شاف شلون نظراتهم لبعض وعرف انهم مخاوين .. ولمى كملوا فطور تمشوا

مع بعض وقضوا مع بعض طول اليوم .. وتعرفوا على بعض اكثر .. واخيرا انتهى
الدوام وكل من راح لبيته … ))

اول ماوصلت للبيت كانت تحس بنشوه الانتصار وكانت مشاعرها متضاربه ماسالت نفسها هل هي تحب
او لا .. كل همها برستيجها عند البنات وكانت تموت بضحكته ولمى تتذكر ضحكته تروح

لعالم ثاني .. حاولت تمسك نفسها بس ماقدرت اتصلت فيه ومارد عليها … رمت الجوال
من القهر

جنا: اوووف صدق اني غبيه ليش ادق ليش اتسرع اووووف (( ويرن الجوال وتاخذه بسرعه
وتشوف المتصل *هشوم بويا * وترد وهي منسدحه ع سريرها وتعلب بخصلات شعرها

جنا: الو هلا والله

هشام: اهلين

جنا: هلا شلونك

هشام: زين

جنا: متى وصلت للبيت ؟

هشام وفيه نوم : توني الحين

جنا واستغربت نبره صوته تفكر انه ماله نفس يكلمها: وشفيك؟

هشام: فيني نوم ..

جنا: يعني تبيني اسكر

هشام: حبذا

جنا: من جدك انت

هشام:اي

جنا: ليش تكلمني بهالاسلوب

هشام: مواحنا اليوم قلنا نبي علاقتنا تنبني ع الصراحه

جنا وعصبت: ع الصراحه موالوقاحه

هشام: مشكوره

جنا وتوهقت(وي وشقلت ) : هههه امزح معك

هشام: …

جنا: زعلت

هشام: ….

جنا: اسفه اسفه ماكنت اقصد بس استغربت ردك

هشام: جنا يمكن تتعبين معي لاني مااحب اجامل واللي بقلبي على لساني

جنا: وانا احب هالشي وتعجبني صراحتك

هشام: صراحتي والا وقاحتي

جنا وتوهقت: شدعوه هشوم كنت امزح

هشام: طيب انا بنام الحين تامريني شي

جنا: لاتزعل مني

هشام/ ماني زعلان ابد عادي

جنا: طيب تمسي ع خير باي (وتسكر ) وتلعب بخصلات شعرها وتقول بخاطرها: اووووف الله
يفشلني مره خفيفه بس يلا بالبدايه بذل نفسي واتمسكن لين مااتمكن

اليوم التالي بالكليه .. اول مادخلت هنا الصباح شافت جنا بوجهها تنتظرها

هنا وتمشي بعربجتها المعتاده وتفتح عبايتها وتتطاير مع الهوا وتضبط شعرها السبايكي سلمت على جنا
بخدودها ومشت معها لداخل الكليه

جنا: تو مانورت الكولج

هنا: النور نورك ..

جنا وكان معها هديه كبيره وعطتها هشوم

جنا: تفضل

هشوم: وش المناسبه

جنا: بمناسبه حبنا ..

هشوم: حبنا .. امممم بس للحين ماصار شي

جنا:ولاتزعل بمناسبه انو حبي لك كل يوم يكبر ويكبر

هشوم وابتسم ابتسامه نصر وقال: مشكوره (( ويتمشون ويروحون لمكان الشله .. ويسلمون على البنات
.. ))

نور وتوها جايه مع روعه وجلست جنب هشوم

نور: واووو لمين هالهديه الحلوه

هشوم: لي من جنا

نور: اوووه شكلها الاخت عاشقه

هشوم: شكلها ..

نور: والله شييي .. الظاهر انها مصره تكون الليدي الخاصه فيك يالبويا

هشوم: ههه اي بويا يرحم والديك انا بويا شكلا فقط .. وموعاجبني اللي يصير

نور: يعني شنو موعاجبتك الهدايا اليوميه

هشوم:هههه لا من قال .. اقصد الكل مسوي لي فيها هشوم وهشوم وانا موعاجبتني هالتسميه
بس نجاريهم لاننا جزء منهم

نور: والله انك انتي احسن مني .. انا احس اني كومبارس بالشله وانو الكل يكلمني
عشانك ووجودي والعدم واحد

هشوم: يؤيؤيؤ وشدعوى انا وانتي واحد والشله اذا مواانتي فيها ماابيها .. بس انتي لازم
تعودين الكل عليك وتتاقلمين معاهم .. انتي مومرتاحه هنا

نور: الا بس قلت لك احس اني مومهمه

هشوم: انتي مهمه وانا عارفه انك مهمه .. وصدقيني لو تقربتي من بنات الشله رح
يعزونك ويقدرونك مثلي ..

نور وخفف عنها كلام صديقتها وقالت: معك حق .. اللي مايعرفني مايثمني

هشوم ونور: ههههههه

(( ويجي نصور : هشومي تعال بسرعه

هشوم ويقوم يتمشى معها ..

نصور: فيه موووت هنا تبي تشبكني بعطيها جوها هالاسبوع

هشوم: اسبوع بس ليش؟

نصور: انا موراعي علاقات انا لاشبكت اشبك اسبوع والا اسبوعين واخذ حاجتي وبعدين خلاص

هشوم: افااا وورى ماتسمر معاهم

نصور: هههههه موانا اللي اخاوي انا شبك .. يعني ممكن اني اخاوي مليون وحده بس
مااحب حد

هشوم واستغرب تفكيرها : طيب وماتتعلق فيهم

نصور: انا صعبه اتعلق بحد .. وماابي اصلا اهم شي اخذ حاجتي ..

هشوم ومافهمتها: حاجتك ؟

نصور: اي حاجتي وبس

هشوم: وش قصدك؟

نصور: لاتسوي لي فيها غبي انت فاهم كل شي

هشوم: لا بجد خذني ع قد عقلي وشنو تبي تاخذ منهم

نصور: انا مااخذ منهم شي هم اللي يعطوني .. والله ياهشوم ببارتي جسوم كان فيه
وحده ميييتته تبي تخاويني وماعطيتها وجه ولمى ثقلت بالشرب خذتي لغرفه وصار اللي صار

هشوم وخاف: شللي صار

نصور بضحكه خبيثه: ههههههه صار اللي صار .. يعني انتي بويا وعارفه شغلنا يالبويات ووحده
عارضه نفسها عليك اكيد رح تاخذ اللي تبيه منها بس شيي ..وعجبتني بيومها

هشوم وخافت: هاااه .. شكلك خربتها

نصور: مو انا بس حتى هي ههههههه

هشوم وسرحت : معقوله اللي قاعد يصير معقوله كل البويات شاذات جنسيا ويتفاخرون بعد ؟!
,, يعني المساله مو بس كشخه وستايل .. المساله جد ..

( وتجي وحده وتسلم عليهم خدود وتسلم على نصور بطريقه وقحه وتضمه وتبوسه بوسط الساحه
وقدام البنات والامن يمروون ولاكان شي صار (( المواقف اليوميه المعتاده اللي تصير قدام

عيني بالجامعه ) وبعد ماسلمت وراحت

نصور: وشرايك فيها ؟

هشوم: زينه

نصور: واكثر من زينه بعد .. هذي بعطيها فرصتها اسبوع وباخذ حاجتي طبعا واذا اثبت
جدارتها بعطيها فرصتها شهر

هشوم: شهر بس

نصور: تحمد ربها .. غيرها ماياخذون فرصهم الا يوم واحد ..

هشوم : هههههاااي .. شكلها رح تثبت جدارتها وباين عليهاا

نصور: ههههههه .. تبي اشبكك مع خويتها

هشوم: لالا .. خليني مع اللي عندي

نصور: اموووت ع المخلصين .. (( ويكملون تمشي ونصور يكلم هناء عن البويات وعالمهم وهناء
مسويه فيها تعرف وهي كل شوي تنصدم اكثر واكثر .. لكن هل تقدر تقول لا
؟!

(( بعد مرور اسبوع .. خلال هالاسبوع تطورت علاقه هشوم وجنا كثير وجنا كل يوم
هديه وهشوم عاجبه الوضع .. نور تحست علاقتها بالشله وبخاصه مع روعه .. نصور

وهشوم صايرين مره مقربين لبعض .. ))

يوم الاحد بالكليه .. كانت جنا كالعاده توها مداومه ومعاها الهديه الخاصه لهشوم وجالسه بمكان
الشله المتعاد بس هشوم طول ولا جاء ,, واستغربت .. وتجي روعه

جنا: روعه شفتي هشوم اليوم ؟

روعه: لا .. ولاحتى نور

جنا : غريبه يعني مادواموا ؟

روعه: مدري يمكن عندهم محاضره الحين

جنا: امشي نروح لكلاسهم ونشوف ..

روعه : يلا (( ويروحون للكلاس ويسالون عنهم وعرفوا انهم مادوامو ))

جنا: غريبه وينها ذي ؟

روعه: ماقال لك انه مارح يدوام

جنا: لا امس طول الليل سهرانين انا وياه ع التلفون ماقال ولالمح انه مارح يدوام
.. اتصلي فيه وشوفي وينه

روعه: وورى ماتتصلين انتي ؟

جنا: امممم ابي اثقل شوي ..

روعه : طيب بتصل (( وتتصل وجواله مقفل )) مقفل

جنا: غريبه مومن عوايده .. طيب شوفي نور

روعه : اوكي .. ( وتتصل نفس الشي )) حتى نور مقفل ..

جنا: شفيهم متفقين ع الغياب ؟

روعه: ماادري عنهم ..

جنا: طيب اجل خلينا نجلس مع القروب بدل وقفتنا هنا .. (( جنا كانت طول
الوقت تفكر ليش مادوام هشوم اليوم وليش ماقالها عن غيابه ))

(( مرت ثلاث ايام وهشوم ونور مايدوامون .. وجوالتهم مقفله .. جنا اعصابها تلفانه واللي
قاهرها اكثر انها ماتقدر توصل له ولابايدها تسوي اي شي اشتاااقت له كثيررر .. **

كانت جنا جالسه مع زينه واشواق بالكافتيرا .. واعصابها مررره تلفانه .. ))

اشواق: جنوو مافيه اخبار عن هشوم

جنا بياس : لا جواله للحين مقفل حتى نور ..

زينه: غريبه مومن عوايده هالقطيعه كلها

جنا بنفس الحاله اليائسه: انا مرا مشتاقه له وبنفس الوقت اخاف يكون فيه شي ..
مدري ليه قلبي معورني عليه .. احس فيه شي واللي قاهرني ماني قادره اسوي شي
عشان اتطمن عليه

اشواق ممازحه: تحبينه ؟

جنا ومالها خلقها: شواقه مووقتك .. انا يائسه .. انا ابي هشوم ابيه الحين

زينه وكسرت خاطرها صديقتها: ان شاء الله تشوفينه قريب .. اكيد مارح يجي السبت الا
وهو مداوم

جنا: ………….

(( وتجي روعه الكافتيرا وهي ترررركض ))

روعه: جنووووووو (( وتروح لطاولتهم

روعه: جنو عندي لك خبر بمليون ريال

جنا: روعه واللي يعافيك مالي خلق ملاغتك ..

روعه: افاااا وانا اللي جايبه لك الاخبار الزينه وجايبه لك خبر عن هشوم

فز قلبها اول ماسمعت اسمه : هاااه وش قلتي هشومي .. تعرفين وينه امااانه روعه
من جدك والا تستهبلين

روعه بابتسامه: من جد وجد الجد بعد .. انا عارفه وين مكان هشوم

جنا: طيب وينه قولي تكفين روعه تكلمي

روعه: بقولك بس وين بشارتي ؟

جنا: لك اللي تبينه لك عيوني لو طلبتيها بس تكلمي

روعه: انا ماابي عيونك ابي البشاره

زينه: روعه تكلمي وشفيك وقفتي قلب البنت

جنا: طلباتك اوامر بس قولي

روعه: شاهدين يابنات انا ابي بلاك بيري هااه وش قلتي

جنا: جاك .. تكلمي وشفيه هشومي ؟

روعه : طيب دام السالفه فيها بلاك بيري هذي جلسه (وتجلس مقابلتها) اممم سلمك الله
هشوم غايب كل هالمده لانه منوم بالمستشفى معه ازمه ربو ونور مرافق معه .. بس
هذي هي

كل السالفه ولااا ابشرك اليوم بيطلع من المستشفى

جنا وتطمنت بس بنفس الوقت خافت عليه: هاااه وانتي وشدراك ؟

روعه: بنت عمي ممرضه بنفس المشتسفى اللي هي فيه .. واختها كانت معها امس بالمستشفى
وشافتها اختها ناديه اللي معنا بالكولج وقالت لي بس

جنا: انا لازم اشوفه والحين

روعه: هييي هيي هو بيطلع اليوم خلاص صبري السبت بيجي

جنا: مااقدر مافيني صبر الحين بروح المستشفى وانتي رح تجين معي وتكلمين بنت عمي وتخلينها
تدبر لنا طريقه واشوفه ..

روعه: من جدك انتي

جنا بترجي: تكفين روعه طلبتك

روعه بعد تفكير: امممم عطيتك ياعمري بس لاتنسين البلاك بيري ..

جنا: طيب طيب خلينا نقوم الحين ونروح للمستشفى اول

روعه: اوكي يلا

(( وفعلا راحوا للمستشفى .. لكن قبل مرت جنا واخذت بوكيه ورد كبير ومره حلو
وشوكلاته من باتشي .. وراحت له .. ووصلت عند باب الغرفه وسمعت صوته وماقدرت

تتكلم ولاحتى تتحرك بلمت بمكانها مثل الصنم وهي تسمع صوته .. تذكرت ضحكته اللي تموته
فيها وابتسامته اللي ماتفارقها .. دمعت عينها بدون ماتحس وهي واقفه بمكانها

روعه واستغربت اول مره تشوف جنا بهالحاله : جنا وشفيك

جنا: هاااه .. هذا صوت هشوم

روعه: اي صوته والحين ادخلي عشان تشوفينه

جنا: وحشني ؟

روعه: تبين تشوفينه

جنا هزت راسها بالايجاب

روعه: طيب يلا (ومسحت دموع صديقتها ومسكتها من يدها ودخلوا .. هناء استغربت اول ماشافتهم
وجنا اول ماشافتها ماقدرت تتكلم اشتاقت لها بالحيل .. حنت عليها لمى شافتها بهالحاله

نحيييفه بالمره .. وشعرها كان كثيف كثر عن اخر مره شافته فيها ولابسه لبس المستشفى
والهالات السوادء تحت عينها ووجهها اصفر .. باين عليها التعب .. اول مافته ماقدرت تتكلم
ولاتوصف

مشاعرها الا بهالكلمات ..

ماصدقت نتلاقى انا ماني مصدقني .. حابس فرحتي فيني اخاف عيوني تخدعني ..

احنا مع بعض معقول .. المعجر حصل لاتقول ..لو هذا حلم .. لاسامح الله مين
يفوقني ..

جازى الله الصدف .. عندي وعنك خير .. ياسيد البشر ياغير ..

ليه واقف بعيد اقرب ماحنيت لاحضاني .. لاتعتب ولااعتب .. انسى نفسك انساني

خلينا مكفينا اللي صار .. ماصدقت نتلاقى ..

ماصدقت نتلاقى انا ماني مصدقني .. حابس فرحتي فيني اخاف عيوني تخدعني ..

لو تدري وش حصل وانت مفارقني .. ماكنت عارفني ..

لوبمرايه تلمحنى احسبني انت وانده لك .. مدري صرت تشبه لي والا صرت اشبه لك
..

خلينا مكفينا اللي صار .. ماصدقت نتلاقى ..

ماصدقت نتلاقى انا ماني مصدقني .. حابس فرحتي فيني اخاف عيوني تخدعني ..

احنا مع بعض معقول .. المعجر حصل لاتقول ..لو هذا حلم .. لاسامح الله مين
يفوقني ..
جنا وصحت من خيالها ع صوت حنت له كثير واشتاقت له ..

هناء: موناويه تسلمين يعني

جنا وراحت لهشوم وضمته بحراره وبكت بهدوء لين حست هنا بحراره دموعها ع كتفها ..

نور وحست نفسها غلط وقالت: روعه وش رايك ننزل نروح نشرب لنا شي ..

روعه وفهمت عليها وقالت : يلا (( ويطلعون ))

هنا: افاااا ليش هالدموع هذي ؟

جنا : …….

هنا ووخرت عنها وطالعت بعينها: جنون مااحب اشوف دموعك .. دموعك هذي تتعبني بزياده

جنا وتمسح دموعها: خلاص دامها تتعبك مارح تشوفها مره ثانيه

هنا: انا مااحب اشوفك زعلانه يعورني قلبي

جنا بدلعها العفوي : لو ماتحب تشوفني زعلانه .. كان ماغبت كل هالمده بدون ماتقولي
وحتى جوالك مقفل .. ليش كذا ياهشوم انا كنت خايفه عليك وطوال ذيك

الايام نفسيتي كانت زفت ولاليلي لين ولانهاري نهار

هنا: اوف اوف انا سويت هذا كله فيه الله لايعطيني عافيه

جنا وتحط ايدها على شفايفها وتقول: لاتقول كذا .. ان شاء الله اللي يكرهونك ..
بيبي انا موجايه اعتب عليك او حتى الومك انا جايه لانك وحشتني ومشتاقه لك بس

الكليه بدونك بايخه مو شي وانا بعد بدونك مو شي

هناء واستغربت من كلامها: لهدرجه اهمك ؟

جنا: هشوم انت حياتي اللي اعيش عشانها .. انت عيوني اللي اشوف فيها .. انت
روح قلبي .. انت كل شي بحياتي .انا مااقدر اعيش بدونك ..

هنا وانحرجت من كلام جنا وحست انها صادقه بكل كلمه تقوله : سوري جنون ماكان
قصدي اني اخبي عليك بس انا لمى تجيبي الازمه انسى كل شي ومااقدر اتحرك حتى
جولاتنا انا ونور ماخذناها معنا

جنا: عموما بيبي الحمدلله ع السلامه .. ولاتسوي كذا مره ثانيه لاتتركني ولاتتبعد عني

هناء: انا مارح ابتعد عنك ..

جنا وتضم هنا بقوووه وتقولها بهمس باذنها : فديتك احبك ..

هنا حست بضربااات قلبها تتسارع وحست بشعور غريب اول مره تحس فيه ولاتقدر تفسره ..

جنا وتوخر عنها لان جوالها رن .. وتقول: بيبي انا مضطره اني امشي الحين لاني
تاخرت ع البيت .. وان شاء الله اشوفك السبت بالكولج ..

هنا : ان شاء الله

جنا وتسلم على هنا وتجي تطلع وتناديها هنا وتلفت عليها

جنا: هلا

هنا: ثانكس ع الزياره ..

جنا كان بخاطرها تقولها كلام كثير بس اكتفت وقالت : العفو .. ( وطلعت وع
طلعتها دخلت نور ..

نور: يااااي ع الرومانسيه

هنا: ……

نور: بصراحه البنت موبس تحبك الا تموووت فيك وطايحه عليك بقوووه وخاقه بعد ..

هنا: يؤيؤ .. وانتي شلون استنتجتني هذا كله ..؟!

نور: من كلام العين .. شفت بعيونها نضره اول مره اشوفها .. نضره شوق وحنين
و .. بصراحه وبالعربي لاتفوتها من يدك هذي اللي تحبك وتخاف عليك ..

هنا وابتسمت وماعلقت : ….

نور: هنووو بسالك

هنا: امري

نور: تحبينها ؟

هنا: هاااه مدري

نور: شنو يعني ماتدري

هنا: يعني Idont new احيانا احس اني احبها واحيانا احس عادي مدري والله

نور: المهم ترى البنت طيبه وحبوبه وتستاهلك فكر فيها زين

هنا وفكرت بكلام نور وفكرت بالموقف اللي صار قبل شوي وحست انو جنا فعلا تحبها
وتستاهلها .. وصارت تفكر فيها بشكل جدي ..

رجعت للبيت وهي تفكر باللي صار توا .. تحس انها بحلم كل شي صار بسرعه
وبدون تخطيط .. وتفكر هل هي تحب هشوم او انها للحين تمثل تفكر وتفكر ..

قطع عليها تفكيرها اغنيه نوال اللي حاطتها باللاب توب وتسمعها بالسماعات .. لقيت روحي مع
عود وكمان .. دايما تسمع هالاغنيه بس هالمره تمعنت فيها عدل وسمعت كلماتها وحست

انه هالاغنيه تعنيها جداااا ..

لقيت روحي بعد ماانا لقيتك .. بعد اللقى ارجوك لالا تغيبي ..

صعب عليا ابقى وانا مانسيتك .. احساسي كني بين ربعي غريبي ..

كل ماتبيه من عمري انا عطيتك .. حتى الخفوق ينطق بكلمه حبيبي ..

ليت النجوم تقبلها مني ياليتك .. في كل فجر بقول ياشمس غيبي ..

كم لي اصيح واقول ياني فديتك .. ماعاد شي من نصيبي نصيبي ..

ياكل عمري لك بعهد وفيتك .. انت حبيبي وباقي لي حبيبي ..

في هاجسي وحلمي ووهمي لقيتك .. حتى الاماني في الامل لك تطيبي ..

ابد مااظن اني في لحظه نسيتك .. وان كان ذا ظني فالله حسبيبي ..

وهذي مناتي بعد ماانا لقيتك .. ابي حياتي تحتويني حبيبي ..

لقيت روحي بعد ماانا لقيتك .. بعد اللقى ارجوك لالا تغيبي ..

صعب عليا ابقى وانا مانسيتك .. احساسي كني بين ربعي غريبي ..

خلصت الاغنيه وحطت راسها ع الوساده ولعبت بخصلات شعرها وهي تفكر بهشوم وبس .. ماتدري
هل تحبه او مجرد تعلق ؟!

يوم السبت ..

بالكليه .. كان هشوم توه داخل الكليه وعلى طول اتصل بتؤام روحه .. ونور عينه
(نور )

نور: هلا والله وينك؟

هشوم: توني داخل الكليه

نور: طيب خلك عند اللوكرات(الصناديق ) الحين بجيك

هشوم : اوكي (( وتجيه نور عند اللوكرات .. ويسلمون على بعض ويمشون ويدخلون احد
الاقسام))

هشوم: ليكون بس بندخل محاضره مالي خلق

نور: لالا .. اصلا ماعندنا محاضره الحين بس باخذ كتاب من وحده من البنات تعال
معي الكلاس

(( ويدخلون الكلاس واول مادخلوا سمعوا البنات يقولون

سبرايز ..

هشوم وهو متفاجئ ومبسوط بنفس الوقت

هشوم: شسالفه ..؟!

نصور: السالفه ومافيها اننا مبسوطين برجعتك والحمدلله ع السلامه وهذا بارتي صغير لعيونك

هشوم ويسلم ع البنات ..

نصور ويشغل المسجل ويعلي الصوت

هشوم: هييي نصور ناوي تفضحنا

نصور: لا يبه ولايهمك مضبطين الوضع ومتفقين مع الامن .. فلها وربك يحلها ..

(( ويبدؤن بالرقص والسوالف .. ))

جنا وتسحب هشوم لجهتها وتجلس معه تسولف: وحشتني

هشوم: وحشتك العافيه ..

جنا بدلع : طيب مين حبيبي ؟

هشوم: انا

جنا: مين روحي ؟

هشوم: انا

جنا: مين اللي مايرفض لي طلب

هشوم: انا

جنا: حياتي انت .. طيب ياحبيبي انا خايفه عليك وعلى صحتك وانت مره نحفاااان وانا
فكرت بالموضوع وسالت مامي وعطتني الحل

هشوم: الحل لشنو

جنا: لنحفك .. الحل عشان صحتك تصير زينه وهذا الحل (وتطلع شويه اكل من الكيسه
اللي معها )

هشوم: شنو هذا

جنا: مثل ماانت شايف هذي 3 تمرات وحليب السعوديه كلهم كل يوم ورح تسمن وتصير
صحتك زينه

هشوم: من جدك انتي مااحب حليب السعوديه

جنا: معليه رح تحبهم عشاني .. توك قلت ماترفض لي طلب

هشوم: عشانك بس (( وتاكلهم ))

جنا: بالعافيه حبيبي .. وان شاء الله يوميا رح تاكلهم

هشوم: من جدك انتي ؟

جنا: اي حبيبي وانت مارح ترفض لي طلب صح ؟

هشوم: وانا اقدر ..

جنا وتضمها : يالبى اللي مايرفض لي طلب ..

(( وفعلا صار هشوم يوميا ياكل 3 تمرات ويشرب حليب السعوديه .. بالبدايه ماكان متقبلهم
بس يوم بعد يوم تعود ع الوضع .. ولاجل عين تكرم مدينه .. وبالعافيه ياهشوم

• رواية غراميات مجنونه كامله
• صور صديقات يبوسون بعضهم
• غراميات مجنونة
• غراميات مجنونه
• غراميات مجنونه‎
• غرميات