الاشياء المهمة اللي استفدت منها واتعلمتها
… اول 3 او 4 ايام من الرجيم راح يجيك صداع
مستمر … والسبب هو انتقال الجسم من الاكل الكثير للاكل القليل …
انتبهو تستسلمو لهدي النقطة … وتتركو الرجيم
لانه البعض يعتقد انه صداع يمتد طول فترة الرجيم
والصحيح انه 3 او 4 ايام … استخدمي اي مسكن
وامشي في حالك
ثاني نقطة .. اكتئاب الرجيم .. وما ادراك ما اكتئاب؟
يصيبك حالة نرفزة وعصبية بسبب قلة الاكل
وضيق .. تحسين نفسك انتي الوحيدة اللي تتعبين
وتعانين .. وغيرك ياكل المحمر والمشمر وانتي على الخضار المسلوقة
في هدي الحالة .. حلها بسيط جدا
قطعه صغيرة شوكﻻته … بحجم مربع الجالكسي الصغير … او حبة شوكﻻته
من شوكﻻين اوباتشي
المهم يكون حجم صغير … حتى لو كان في غير قائمة
الرجيم تبعك (شوكﻻتة وليس حﻻوة)
شوكﻻتة صغيرة … اتحدى بعدها تقولي اكتئاب
ﻻنه الشوكﻻته … يسعى لتحسين المزاج والنفسية
انا احط جالكسي ابو ريالين ونص اللي فيها 6 مكعبات في درج السرير ..
كل ماحسيت باكتئاب
اكلت مربع صغير … واللي تقول انها ماتنزل الوزن
…طيب جربي واتحدى ما تنزلي
بس طبعا الست مكعبات تكفيني من 3 ايام لاسبوع
مو تخميها كلها بيوم واحد؟
النقطة الثالثة … نوع الرجيم اللي تختاريه
وهدي نقطة … مهمة … ﻻنه رشاقتك تعتمد على اختيارك
مثلا صعب وحدة ارادتها ضعيفة او وسط .. وتطبق رجيم كيميائي او رجيم
قاسي او رجيم يعتمد على نوعين من الاكل طول اليوم
ﻻنه راح تفشل … وارجع اكرر راح تفشششششل
وتكره الرجيمات …. بسبب الحرمان
اختاري رجيم مناسب لقدراتك على قول المثل
( مد رجولك على قد لحافك )
اتبعي رجيم اللقيمات او مايسمونها السبع لقيمات
رهيب ومجرب … وشفت بنات نزلو عليه اكثر
من 30 كيلو ومافيه حرمان … ويناسب تاكلي
قطعه شوكﻻته عشان الاكتئاب
وكمان عندك رجيم السعرات الحرارية ورجيم النقاط
كلها تعتمد على الكمية … اما النوعية مفتوح لك المجال ما لذ وطاب ..
والحلو في هدي الرجيمات
انك تقدري تاكلي شوكﻻته بدون ماتحسي بتانيب الضمير
رابع نقطة … خلي بثلاجتك عصير سيزر اناناس
كثير من الدكاترة ينصحون فيه ﻻنه ﻻيحتوي على سكر
متى تستخدمي هدا العصير ؟
وقت مايقرصك الجوع …
في بنات مايحبو ياكلو بين الوجبات خس وخيار وانا منهم …
وقت مايقرصك الجوع … خدي حق رشفتين او 3 رشفات … ورجعي
الباقي بالثلاجة
وممكن يكفيك يوم او يومين ..
اللي خلاني احرص اقول سيزر اناناس …
ﻻني جربت وقت مايقرصني الجوع … يروح العقل
وتبدا العاطفة شغالة … وافتح الثلاجة .. احيانا الاقي
عصيرات معلبة مليانة سكر .. واضطر اشرب منه عشان اسكت الجوع وبكدا
… يلخبط نظامي الرجيم
او الاقي حﻻ بالثلاجة … واحتلها في غياب العقل
وارجع اولول واندم …
عشان كدا فكرة سيزر اناناس … جدا جدا ممتازة
ويحرق دهون ومافيه سكر … وينصحون فيه في الرجيمات
