تعليم عمل الاكسسوارات

بكرة خيط بلاستيك وده فيه منه جميع الالوان وفيه منه تخين وفيه منه رفيع وفيه
منه استك ياعني بيمط وده شكله وسعره بيكون في حدود اربعه جنية تقريبا

2- ثانيا هنحتاج حاجه مهمة جدااا ودي اسمها زرادية ذات راس مدور ( زراديه ببوز
مدور) مشهورة جدا في اماكن بيع الحاجات دي وسعرها كان اخر مرة 15 جنية بس
من سنة تقريبا الكلام ده او اكتر يمكن غليت بس في الحدود دي ياعني وده
شكلها

ودي اداه مهمة جدا ولازم تكون موجوده عشان هيا اللي هاتدرب ايدينا على الشغل وتطلع
الحاجه مظبوطه بالتمام .

3- زرادية عادية صغيرة ودي كانت في حدود 6 جنية بالظبط وقت ما اشتريتها وده
شكلها

4- زراديه عادية برضو انا كنت بوصفهم بالشبة للراجل وانتي لو رحتي المحلات هاتلاقيها محطوطه
قدامك على طول اسمها حاجات بتاعت عدة الجواهرجي ودي برضو كان سعرها في حدود 6
جنية او 5 تمااااام يا فتاتيك معاي

5- اخر حاجه واهم حاجه هانحتاجها هي الميزان طبعا المفروض اننا يكون عندنا ميزان ديجيتال
بتاع جرامات صغير زي بتاع الجواهرجي زي ده كده

دورة تعليم اكسسوارات مجانا

لكن اذا مقدرناش نوفره في البدايه ممكن نستعمل ميزان البيت وبقى فيه موازين ديجيتال بيتي
او حتى بمؤشر ممكن نستعملها وده مهم في ايه بقى عشان نقدر نحسب تكلفتنا لاننا
هانشتري اللولي والخرز بالجرام وبالكيلو فلازم لما نيجي نحسب نحسب برضو بالجرام عشان نعرف العقد
او الحلق ده كلفنا كام بالظبط

طريقة حساب التكلفه :_

نفترض اننا اشترينا ربع كيلو لولي ب 10 جنية ياعني ( 250 جرام ب 10
جنية )
نقسم العشرة جنية على ال 250 جرام عشان نطلع تكلفه الجرام الواحد كام

10 % 250 = 0.04 للجرام الواحد
وبنفس الطريقة بنحسب تكلفه الزرد والمسامير واي حاجه احنا شاريينها هانستخدمها وفيه حاجات بتكون كبيرة
بتتباع بالواحده برضو بنحسبها وكمان بنحسب مصاريفنا بنشوف مواصلاتنا كام وبنقسمها على عدد الحاجات اللي
اشتريناها في اليوم ده ياعني لو نزلت صرفت مثلا 10 جنية مواصلات واشتريت بس ربع
كيلو لولي ب 10 جنية يبقى اضيفها عليه لو اشتريت نوعين خامات لولي وخشب او
اي حاجه تانية اقسم العشرة نصين على ربع كيلو اللولي خمسة جنية وعلى الخامه التانية
خمسة وهكذا

وكذلك الخيط بكرة الخيط الراجل بيقولك دي حوالي كام متر وبتشوفي سعرها كام وبتقسمي السعر
على عدد الامتار

وبكده لما تعملي عقد مثلا بتوزنيه و بتشوفي اخد كام جرام 50 مثلا بتضربيهم في
الرقم اللي طلعناه للجرام الواحد ياعني 50 * 0.04

وبالنسبة للخيط بتقيسي بالمازورة اخدتي كام سنتيمتر من البكرة وبتبقي حاسبه السنتيمتر الواحد بكام وبرضو
بتضربيه وبكده نكون عرفنا نحسب التكلفه بالتماااااااااام من غير ما ننسى ولا حاجه ولا تضيع
مننا حاجه وبعد كده بنضيف مجهودنا زي ما احنا شايفين وعلى اساسه بنحدد السعر

معلش انا طولت في الموضوع ده شوية لان فيه ناس كتير بتحتاس ومش بتبقى عارفه
تحسب التكلفه وانا واحده منهم اول ما اتعلمت خسرت كتير عشان كده حبيت اقول الموضوع
باستفاضه شوية كتير عشان نبقى على درايه بكل حاجه من الالف الى الياء
ا واحده الناس كلها بتنفذ بيها لكن اللي بيفرق حاجه ويظهرها عن التانية هيا شكلها
المميز واختلافها عن الحاجات التقليدية

اول طريقة عندنا هيا طريقة اللضم ( لضم الخامات مع بعضها اللولي مثلا )
ودي بنستعمل فيها الخيط بس وبنعتمد فيها على استعمال خامات مختلفه مع بعضها زي اللولي
والاحجار مثلا او اللولي واشكال بلاستيكية معينة او الوان مختلفه من اللولي والطريقة طبعا مش
محتاجه صوور لانها بسيطه جداا جدااا ناخد الخيط ونلضم فيه الاشكال اللي احنا عايزينها ورا
بعضها ولما نوصل للطول المناسب نعمل عقده متينة ونعيد عليها مرتين تلاته وبس ودي بعض
الاشكال اللي هاتوضح الطريقة البسيطه دي

دورة تعليم اكسسوارات مجانا

دورة تعليم اكسسوارات مجانا

دورة تعليم اكسسوارات مجانا

ودي اول واسهل طريقة نعمل بيها اكسسوارات وفيه اكيد منكم كتير عارفها بس انا حبيت
ابدا معاكم دورة كامله من الالف الى الياء

بسم الله

اولا عندنا حاجتين اساسيين غير الخامات بتاعتنا سواء كانت لولي او غيره وهما الزرد والمسامير
والزرد ده هو عبارة عن الحلقات المدورة الصغيرة اللي بتشبك المسامير في بعضها وطبعا فيه
منها حوالي اربع او خمس مقاسات من اول الصغير خالص لحد الكبيييير خالص وده شكل
لاحدى الاحجام

دورة تعليم اكسسوارات مجانا

ثانيا المسمار وهو اللي عامل زي الدبوس وده اللي بتكون موجوده فيه الخرزات او اللولي
وبنلفه من الطرفين وفيه نوعين نوع ليه راس مدورة ملفوفه جاهزة والنوع التاني مقفول من
الاخر براس زي راس الدبوس الابرة والاتنين فيه منهم مقاسات طويل وقصير وبرضو فيه منهم
الوان هما والزرد اكيد ياعني فضي ودهبي ونحاسي بالظبط وده شكلهم
دورة تعليم اكسسوارات مجانا

بعد كده عندنا خاماتنا سواء كانت لولي او بلاستيك او اكريلك وطبعا الاشكال لاااا حصر
لها ودي عينة منها

ده مثلا اكريلك لونين اخضر واسود

وده بلاستيك واكريلك

دورة تعليم اكسسوارات مجانا

وطبعا لو جينا نعمل انسيال او سلسلة قصيرة اكيد بنحتاج للاقفال اللي بتكون موجوده زي
كده وطبعا فيها الوان برضو دهبي وفضي ونحاسي

دورة تعليم اكسسوارات مجانا

وبرضو الاقفال دي فيه منها اشكال كتير بس مش متوفر عندي غير ده بس ان
شاء الله هابقى اجيبهالكم باذن الله

ودي كده بتعتبر ادواتنا الاساسية طبعا مع الزراديات السابقة وبعد كده هانبتدي الشغل تابعوني وبرضوو

وده الشكل النهائي للخرزة بتكون ملفوفه من الناحيتين

دورة تعليم اكسسوارات مجانا

ونكرر نفس الخطوات السابقة مع كل اللولي والخرز الموجود عندنا لحد ما يبقى بالشكل ده
كله
ي الحلق

دورة تعليم اكسسوارات مجانا

وهنا شبكنا واحده لولي كمان بنفس الطريقة

دورة تعليم اكسسوارات مجانا

وكمان واحده شبكناها بنفس الطريقة لحد ما نوصل للطول اللي احنا عايزينه وبيكون كده انتهينا
من فرده حلق وبنعمل التانية بنفس الطريقة بالظبط ومننساش ان اخر واحده لولي او خرز
في الحلق المفروض نستخدم ليها المسمار اللي ليه راس مقفوله عشان يكون شكله مظبوط وبكده
نكون عملنا حلق جمييييييل جداااا جدااا من صنع ايدينا وطبعا الافكار لا حصر لها والاشكال
كمان وكل واحد زي ما بيحب الحلق طويل قصير واحده لولي واحده اتنين زي ما
يحب

• اكسسوارات صباح
• تعليم عمل الاكسسوارات بالصور
• طرق عمل الاكسسوارات يدويا بالصور
• عمل الكسسوارات