يالله انا اسالك يا رفيع الجلالي=عن ذخر النشاما في الليالي الشديده
يسر امره ايامها والليالي =من فضايلك تجعل له حياة سعيده
طير حر شهر بالمجد في راس عالي=ومن قنص بالشبك لا يمكن انه يصيده
النجوم السوامر ما تساوي الهلالي =وفيه مثله لا شك انه قليل نديده
افتخر بابن قروش كل ماجا مجالي=والعلوم القريبة ما تساوي البعيده
مجلسه دايم مدهل شيوخ الرجالي =وكم سجين بجاهه مطلقين حديده
يذبح الحيل زود للكبار المتالي=وكم فقير تغاني عقب ما مدت ايده
المداخن تساق وتقتفيها الدلالي=وكل ما كثروا الضيفان من يوم عيده
وصفه العارض المنقاد بين الجبالي=ولو بعد الخصايل كان بملا الجريده
ويوم خاويت ابن قروش لحد الشمالي=فرصة العمر خوت من فعوله حميده
زال همي وهاجوسي ووقتي صفا لي =وفاز من كان ابن قروش بوقته عضيده