بيتي مملكتي

نصائح مهمه للتحضير للعزومات

العزومات علي قد ما تبقي فرصه حلوه للتلاقي و قضاء وقت ممتع مع الاهل و
الاصحاب الا انها بتتحول لكابوس بسبب سوء التنظيم

مجموعه افكاار من بيتي مملكتي لعزومات مشرفه و باقل مجهود ممكن

حددي عدد الاصناف و ما تكتريش زياده عن اللزوم اعرفي العدد و حددي ليه اصناف
محدده و سهل انك تخضري ليها مكوناتها من قبل زي ما حاقولك في النصائح القادمه

اشتري المكونات كامله قبلها بيومين و حضري الخضار لو حيتنضف او اللحمه لو حتتبليها و
الفراخ كمان
لو ختعملي محشي حضريه من قبل بيوم في الحله بالثلاجه و يوم العزومه حطيه علي
النار مع الشوربه علي خطوه السوا
عصجي اللحمه من قبل بيوم لو حتعملي عصاج للمكرونه بالبشاميل .. سبكي الصلصه .. لو
فته حمصي ليها الخبز
بعض الحلويات ممكن تحضريها من قبل بيوم زي المهلبيه و الجيلي .. تشيز كيك ..

ما تناميش الا و المطبخ نضيف من غير مواعين حيفرق في حالتك النفسيه جداا تاني
يوم
حضري الاطباق الكامله و المعالق و المناديل و الاكواب وحضريهم فوق البوفيه
يوم العزومه اصحي بدري علشان ما تتزنفيش في الوقت
خللي طبخك في الصواني الالومنيوم المعده للاستخدام مره واحده لكي توفري عناء غسيل المواعين
اسلقي الدجاج ( انا باحب السلق يكون يوم العزومه علشان رائحه الزفاره لو ما عندكيش
مشكله ممكن تسلقيها من قبل بيوم )
ابداي بوضع الخضار في التسبيكه او شي اللحم او الدجاج بالفرن و حضري وصفاتك كامله

حضري الخضار للسلطه مقطع بدون تتبيله و ضيفي التتبيله ساعه وضع الطعام علي السفره
اثناء التسويه افرشي مفرش السفره و رصي الاطباق .. عطري المنزل و تاكدي من نظافه
الاستقبال و الحمام
قبل وصول الضيوف بنصف ساعه ممكن توزعي المخللات و المياه و الاكلات الغير محتاجه تسخين
او المسخنه و المغطاه بقويل
بعد انتهاء العزومه و انتي بتلمي بقايا الاكل حاولي تكوني اطباق من الاصناف ترسليها لبواب
العماره او لو واحده ساعدتك في تنظيف المنزل بنيه الصدقه و ادخال البهجه و الفرحه
عليهم