الله يرحم حبنا اللي قتلتيه جفت دموعي والبقا فى حياتك
ياللاسف كل الاسف مابكيتيه انتى الغرور اعماك مع حب ذاتك
انتي بديتي الحب وانتي نهيتيه اقرى عليه الفاتحه فى صلاتك
انتي رعيتي الحب وانتي طعنتيه توني دريت ان الغدر من صفاتك
انتي شريتي الحب مني وبعتيه عسى الثمن يكون سبت غناتك
انتي بنيتي الحب وانتي هدمتيه الله واكبر من يسوي سواتك
انتي رسمتي الدرب بس مامشيتيه اعماك عن درب الغرام التفاتك
انتي كتبتي العهد وانتي مسحتيه محاولة تزوير فى ذكرياتك
مره لبستي الحب مره فصختيه هذا الهوى لاتحسبينه عباتك
قلتي احفظه تذكار واقول مابيه تذكار حبي هو شهادة وفاتك
خلي جمالك ينفعك واستغليه روحي وري للي قال لك ياحلاتك
اخذي الهوى وياك لشى احتفظ فيه يمكن يجي يوم يهدم حياتك
