الجمهرة حامد زيد

اي بالله اخطو والخطا اللي جابهم عين الصواب
مبطي وانا اشوف الطمع يكشف رداهم واستره

ما يملي عيون الحسود بهالزمن غير التراب
ومن لا يتوب من الخطا تحرم عليه المعذرة

اللي من اولها خراب اكيد تاليها خراب
والبندق اللي ما تثور في هدفها تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره

مشكلتي اني ما عرفت احسب لصدتهم حساب
قلبتهم صدري علي ذكرى القصيد وحنجرة

صوتا يصوت منبره وخطاب ما مثله خطاب
والطيبة اللي زعزعت صوت الخطيب ومنبره

مافيه دمعا صوبوها احبابي بوجهي وخاب
ولا زرق حزني على غالي ولا فج نحره

كل الزهاب اللي معي ذكرى من اصحاب الزهاب
واللي بقالي من العذاب اشرف طريقي واخطره

لاني تجنبت الغرق عديت من فوق السحاب
لان اكثر اصحابي ورق ما شفت للطيبة ثمره

والله ما حطيت بين الحقد والقوه حجاب
حتى غدوا ربعي يحدوني على الضيق اشكره

البارحة ثارت علي رقاب واوتني رقاب
البارحة يا ثقل دم البارحة ويا محقره

اهب يا وجه الحسد وشلون جمعهم وغاب
كيف السنيين اللي عطتني بعثرتهم بعثره

اثر المصايب ما تجييك الا من الناس القراب
وبالهزمن حتى الرفيق اللي تثق فيه احذره

لا بارك الله في رفيق تزعله كلمته عتاب
ولا جمع الله الرجال اللي تفرقهم مره

عودت نفسي كل ما شددت لليمه ركاب
ما صد وجهي عن طريق الا لاجبت اخبره

الصاحب اللي ما يجي من صحبته غير العذاب
نذرا علي ما هجرني ولا انا اللي بهجره

من يفتح لفرقاي باب افكله عشرين باب
واذا خوي ما يقدر خوتي ما قدره

وان روحوا فانا بري منهم ليوم الحساب
وان جرحوا قولو لهم ما حركوا في اشعره

شفهم لهم السنه ولا خذوا مني جواب
احسن دواء للي يحاول يستفزك تحقره

انا جمعت اوراقهم بكتاب وغلقت كتاب
يا وقت لم اللي تلمه وانثر اللي تنثره

ما كنت احاتيهم صغير عاد احاتيهم شباب
اما ذخرني صاحبي لليوم الاسود مذخره

عقب اكتاب البارحة ما عاد انا احمل اكتاب
الطيب جرجرني وانا ماني بناقص جرجره

اللي يخاف من الظما يتركلنا فرق السراب
واللي مب هو قد الظلام وحشته لا يسهره

انا تجرعت العطش لين احترق وجهي وذاب
انا كسرت بخاطري قبل الصداقة تكسره

انا خسرت اللي غيابه غير عن كل الغياب
انا غفرت لعالم ما تستحق المغفرة

انا كثر انسان تعلم من كثر مخطا واصاب
انا اخر انسان يتكلم في زمان الثرثرة

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرحه هالسهر وحيلي وهدته الصعاب
دمعي هدر ضحكي ندر عمري وضيعت اكثره

شيبت فعقول العرب هيبت رووسا ما تهاب
جمهرت ناس عمرهم ما يعرفون الجمهره

ما صرت ذيب الا لان لي حولييني ذياب
ما كنت اغيب الا لان العفو عند المقدرة

تراه حلاتك لا حملت لصاحبك كلمة عتاب
ان ما نطقت بها بوجهه ما تهمه بظهره

في هالزمن ما يملي عيون الحسود الا التراب
ولا الحضيض الطلقة اللي ما تصيبه تذعره

ودك اليا من جاتك الغلطة من الناس القراب
الصاحب اللي ما كسبت محبته ما تخسره

• الجمهره حامد زيد
• حامد زيد
• شعر حامد زيد الجمهرة
• صورة حامد زيد الجمهره
• قصائد حامد زيد غزل