اغنية بسم الله ماشاء الله

بسم الله ماشاء الله .. ومفيش حارس الا الله

وانس يلعب وياصحابه .. وسيدنا محمد يستناه

بعد ما يلعب يجري عليه .. بحنان الاب يربيه

والحنيه تبان في عنيه .. وبيضحكله رسول الله

صلوا علي سيدنا المختار .. قال له في ودنه علي مشوار

وانس طفل صغير لكن .. كان بيامنه علي الاسرار

خبي السر ياقمحايه .. مهما تزن النحلايه

وما قالهوش للوردايه .. والعصفوره علي الاشجار

الله اكبر سمي وكبر .. امه بتسال لما اتاخر

قال لها سر رسول الله .. وانا مش ممكن اقوله ولا اقدر

تاتا يخطي العتبه ويكبر .. وبيتعلم وبيتشطر

يروي حديث سيدنا محمد .. وبيحكيه للناس ويفسر