اشعار عن الاب المتوفي

يابوي ليتك حي وتشوف حالي
تشوف وش هو صار من بعد فرقاك

صار الوطن بعدك من الناس خالي
صار… ( الوطن غربه ) بعد مافقدناك

يابوي انا بعدك سهير الليالي
مقهور من دنياي منا…. ومناك !

حدتني الدنيا وانا راس مالي
اني … عزيز النفس . مثلك وشرواك

مافيه شي في حياتي صفالي
حتى . الورود . ان جيتها صارت اشواك

اطيح واحمولي عليه اثقالي
واتخيلك مديت لي كف , يمناك

بعدك ولامره ترى ارتاح بالي
اصفق على كفي ندم واتحراك

من ضيقتي ياكم اصدق خيالي
واقوم ادور عنك واقول ب القاك

اضيع بالعالم وهمي سؤالي ؟
هو انت ؟ وينك ؟ ليه ماعاد شفناك ؟

ادري لو انك حي ياعز غالي
يمديك.. تفزع قبل.. ماجيك وانخاك !!

ويلاه , ياحالي وماهو جرالي
ويلاه , ياقلب تعذب في طرياك

ويلاه , يابويه من اول وتالي
لا…… والله.. اول.. كان.. ينجيني ادعاك

واليوم من بعدك وش اللي بقالي
غير اني ادعي ربي يغفر خطاياك

يالله حطه وسط منزال عالي
في جنة الفردوس يارب الافلاك

واغفر ذنوبه ياعزيز الجلالي
وشرح لي صدر ضااااااق من جور دنياك

اللهم ارحم والدي بواسع رحمتك وتغفر له

وتجعل قبرة روضه من رياض الجنه ياارب

ابي حبي لك يفوق حدود الوصف…يتعدى جمال ابيات الشعر…
حبي لك يكبر وينمو مع كل حرف وكلمه تسمعها اذني منك…
حبك لي…كاللهب اشعل جوارحي في صحراء ذاتي…
فيزداد حنيني اليك وشوقي اليك…!
اريدك بجانبي دائما…عندما تركتني ورحلت…بحثت عنك..احتجت اليك كثيرا..
مرت علي الليالي ثقيله..سوداء مظلمه..
اخبئ راسي في ردائك اثناء شوقي اليك..
هنا فقط..
ابكي متالمه..احدثك بكلمات عتاب وشكوى…
لماذا رحلت…؟!!بدوني…؟!!
اسمع انفاسك..اشتم رائحة عطرك..اغفو على همساتك..
عد الي…
عد الي قبل ان يغتالني الفراق..
عد الي قبل ان تضعف قوتي ويقوى وهني…
عد الي..
فانا بدونك كالمركب التي تكسرت مجادفه…
عد الي..
عد الي الان واجبني
لماذا رحلت بدوني