اشعار بدوية

هذا جيل الجو الفايح قليل ربايح ديمة نص الليل ذوايح
جيل الباهى جيل اللى في الكيكة لاهى
نسيوه بريريد الشاهى و ع المكياطة تما طايح
جيل الراب لا يقرا و لا يحل كتاب
ديما شاطح دون اسباب و من الدخان خياله سايح
جيل الموضات جيل اخر واحدث طرحات
يتبع في الفيديو كليبات و ماشي في التيار و رايح
جيل فضيحة جيل نوادر اخر صيحة
في الجو مزنح تزنيحة مع هيفا و روبي سايح
جيل ال ok جيل اللى يحكى بيديه
تتعب و انت تعدل فيه و لا ما تثمر فيه نصايح
جيل التوخيرة جيل يقلد في شاكيرا
و مسكر راسه تسكيرة مقفول و مفتاحه رايح

انا ابن الثريا

لنا في الربى قد- بيوت عز- باتت —– مصابيحا سطوعا ناطحت السماء
ورثنا الندى لن نحيد يوما عنه —– فلو ام العدو نمنحه السقاء
وعنا سلوا من سيوفنا قد راموا —– فلولا من رماح تخترق الجواء
وجدي جابوصى كما ولدت انا —– ببيت الاسد ربيت اتبعه الثناء
متى ترقبونا تعوا نجوما لاحت —– ببرق من سناها تستبق العطاء
قصور بنينا على جبال المجد —– سمت فوق السحاب تغتنم البقاء
ومهما الزمان رمى بنا في الناس —– احطناهم بسلم يجتذب الرخاء
نصيد النمور ونمتطي الجياد —– قوافينا صروح جملت البناء
نذل الطغاة ونحصر الاملاق —– فلا تنقم علينا تنحرم الهناء
غشينا الفيافي فاخرجت اشجارا —– ننادي في العراء تتبع النداء
الفنا الحروب لاننا فرسان —– اذا جدت امور انزلت البلاء
ركبنا خيولا دليلها الغربيب —– فزلزلنا جبالا ان طلبوا اللقاء
فاقدامنا صارمضرب الامثال —– تحدينا الصعاب اعلنت الولاء
نجيب السؤال ونهزم الابطال —– ولا نخشى المحال بل نطن السناء
انا بدوى
انا بدوي.. ثوبي على المتن مشقوق          _             مثل الجبال
السمر صبري ثباتي
ومثل النخيل خلقت نا هامتي فوق     ___    مااعتدت نا احني قامتي الا فصلاتي

والا افتخر بفعال يمناه مخلوقيا بوادى    _____               انا
فعلي شهوده عداتي
الله خلقني وكلمة الحق فوق راسى  ________ وملكت الارض وراس مالي عصاتي

غناوى علم” فاهق العزيز”

امغير لعزيز عزيز….قولت عزيز ماهى ساهله
زعما يا عزيز اتصير …نخطر عليك وتحوس حوستى
اندمت فى ابكاى عليه .. عزيز كى تعاميت باعنى
ليش يا عزيز ادير الصوب…بنت عابي عالخطا
خذا عزيز مني عقل…..ويريد زاد ياخذك يا النظر
ما عاد عزيز كيف عزيز…. نلقولك ولا عاد تسكتي
فراق العزيز صعيب ……………والصبر في فراقا كادني
عزيز قلت له واندمت .. .. انساني نسيني وما انتسى
منى عزيز ويش ايريد …… وهو غلا من روحى على
اثنين صعبات عليك……نسوة عزيز ياعين والرجا
العين في غياب عزيز…….حتي عالبكا مو قادرة

منحوت في بياض العظم ..عزيز نسوته ماهي ساهله

عزيز هو رفيق العمر .. يقصر ايطول ما يوم ينتسى
حتى لو عزاز انكرو ……نحلف عليه عقلي عندهم

مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه

—————————————————

منامي جاب نظيف الخد ونا راقد تهيالي نحسابه بجد

—————————————————

هذا جيل الجو الفايح قليل ربايح ديمة نص الليل ذوايح
جيل الباهى جيل اللى في الكيكة لاهى
نسيوه بريريد الشاهى و ع المكياطة تما طايح
جيل الراب لا يقرا و لا يحل كتاب
ديما شاطح دون اسباب و من الدخان خياله سايح
جيل الموضات جيل اخر واحدث طرحات
يتبع في الفيديو كليبات و ماشي في التيار و رايح
جيل فضيحة جيل نوادر اخر صيحة
في الجو مزنح تزنيحة مع هيفا و روبي سايح
جيل ال ok جيل اللى يحكى بيديه
تتعب و انت تعدل فيه و لا ما تثمر فيه نصايح
جيل التوخيرة جيل يقلد في شاكيرا
و مسكر راسه تسكيرة مقفول و مفتاحه رايح

—————————————————

خيرك ياعين تغششتي .. شن فتشتي .. لين جروح الخاطر نشتي

—————————————————

عالكرت نملا كرت
من سحر صوتك في الغرام اسكرت
انا مدمنك
ندير نغمتك نبظة القلب الحاني
وبالدم نرسلك مرايف راني
ولك نشحن النقال من شرياني
وعالصامت اندير الشوق كان نكرت

—————————————————

كل يوم تام رصيدى…. وانتى ترنى طالبه مواعيدى
نسلف وناخد دين ماهو بيدى….الله يلعن النقال فيه حصلت

—————————————————

ياريت ماهو ماكن .. وياريت حبك فيا ماهو ساكن
لا حن قلب ولا عيون تباكن .. ولا العقل منك شال جاي وغادي
يا ريتني متهني .. لا بجرح نشكي لا غلاك سكني
ولا بقيتي جزء فيا ومني .. ولا تخطري وقت انجي لوسادي

—————————————————

خائف يصير معاى كصدام…..وياخد غلاى معاك حكم اعدام.
خائف تصير الخونه… وتنسى غرامى ياعزيز اتخونه…
نهار عيد تذبحنى بكل رعونه….يشمتوا فيا عقاب اقزام

—————————————————

المكياج يا البنات موش حضاره
المكياج جاكم من بلاد نصاره

***
كل يوم فى المزين
فى لبسها تلبس رقيق يبين
لا تستحى من الله لا تدين
غشيمه ما تعرف الادب و اقداره
وتقول يا وليدى الباسي قنين
موديل راقى عاليات اسعاره

***
البنت فى طلعتها
ع الناس تلقا عارضه زينتها
وتلقا الصنة مفيحه ريحتها
والجسم يتمايل يمين يساره
وتلقاها بطية دوم فى مشيتها
تخلى عقول العاشقين حياره

***
طالعة تسلى
وفى الفم دارت مستكة تتحلى
والشعر طايح طالقاته كله
والوجه يتلاصف اتقول شرارة …

غير اعترف و مسامحك… ما انريد منك شى
غير اعترف من صالحك… بالك الحق على
لك عام مانك صافى… وين ما اتغيب اتطول
حتى فى كلامك جافى… مانك حبيبى لول
يانا مش فاهمك… وانتا اتساير فيا
يافى غيرى شاغلك… و خايف اتقوله ليا

—————————————————

مصيونه في الخاطر كنتي … لكن خنتي…وفيت بعهدي ماصنتي
كنتي في الخاطر مصيونه … بين عيونه … لكن كافيتي بالخونه
خليتي كبدي مسحونه…امنين طعنتي … سيفك في ظهري مكنتي
طلعتي ليغيري بليونه… فيسع لنتي…في لحظة ليه استسلمتي
وليتي عبده في كونه … بيه حلمتي … قصة حب معاه ضمنتي

مصيونه كنتي يا لللا… لكن والله … قدرك طاح تحطم كله
كنتي ورد نسيم وفله… لكن هنتي… مكروهه في عيني شنتي
قلبك جاه ابليس وضله…ماقاومتي…صرحتي بعيبك بينتي

—————————————————

زيد يا زمان اقهرنى وسع اجروحى زين ما تعبرنى
خود غايتك …
زيد اوجاعى قول يا زها عدى اومالك داعى
اضغط على قلبى الى ملتاعى على حب راح وفى الكنين سعرنى
زيد اهمومى سيل ادموعى نين يجفل نومى
املا حياتى نو زيد اغيومى وفجر انهار الحزن من ينبوعى

—————————————————

مانك الا غلطانه…حسك رقيق وشفرتك لبيانا ترنى عقاب الليل

يامريوحه …ويا قاعده فى الحوش كيف اللوحه…انا عارفه النقال كيف اطروحه
ياكبر خوفى تطلعى شوشانا.

——————————————————————————–

يا ما بكيت عليها… وهي زاد تبكي ونا انودع فيها … يوم السفر

ماني ناكر… بكايا عليها في الصباح الباكر
وهي زاد تبكي ماسكه التذاكر… امنين ما ايديا لامسن ايديها
صار الوداع مغير ماني فاكر… مغمي علينا كل حد في جيهه

يكيت بحرقه … ونا ف الصعود وفي السلالم نرقى
سيل م الدموع النازفه بالدرقه … بيدي انكفف غير واحل فيها
الله لاتعودك يا ايام الفرقه … امجرب وغيري ما انوده بيها

————————————————————–

خلك معاي حنون تكسب غلاي وتربح المليون
من غير اسئله

تكسب حبي … وللي تطلبه يبقي احداك ملبي
وانجيك بالتاكيد كي ماتبي … من غير قسوه ياعزيز اتمون
انت علتي وانت شفاي وطبي … واحلي زهره مفتحه في الكون

——————————————————————-

ياعمر ضاع بلاش … ويانهر موتنا حداه عطاش
ياعمر ضاع حسايف … وياحلم عايش به لقيته زايف
وياقلب كملهن ايامه خايف … وياجرح وسط الكبد مايبراش

———————————————————–

نرجو فيك ياغايب اتجينا …
بعدك طال طولت الغياب …
انكان نسيت احنا مانسينا …
دز العذر كان عندك اسباب …
انكان اتقول في حقك اخطينا …
هات الدليل واحكم بالصواب …
نرجو فيك يا غايب اترد …
عز العمر عدا في رجاك …

——————————-

ياقلب عندي احباب ماتنساهم تصون ودهم وتحفظ عزيز غلاهم

—————————————————————

انتم زها للعين وين تراكم …
وانتم شعور الحال يا محلاكم …
وانتم ونس الايام في ملقاكم …
لاتغيبوا يلي جميل اسماكم …

——————————–

روفي عليا ياامناي وحني … صبري كمل مرسولكم مستني
. . . . . . . . . . . . . . .
. . . . . . . . . . . . . . .
. . . . . . . . .

روفي بيا… لي وقت شاقي بغيتك ياابنيه

امراجي ثلاث اشهور بالعديه… مرسول منكم مالفا طمني
::::::::::::::::::::::::::::::::::: :::::::::::::::

روفي قولي … كلمه اتخفف حيرتي واحمولي

سواء كانها بالرفض ولا اقبولي … خير من اقعادي هكذا مستني
::::::::::::::::::::::::::::::::::: ::::::::::::::::::::::

امجور غلاكم لين هد حيولي … ماالقيت من عاون وحاشا عني

معاكم بقي بالحيل كابر هولي … بعد فيك ريت عيون سم سقني

انحس وين ماتبقى احداي اتجولي … اتقول روح من جسمي انتزعت مني

………………………………………….. ………

لا مكسما لا كيه … انسي غلاي واتركي يابنيه … الله والنبي
لامكسما لافلوس … لامال عندي لا سحر لافانوس
ولا كنز من جدي ظهر مدسوس … راتب ضمان وما وصل للميه
وانتي الحاله زايطه بفلوس … تجيبي شقف اسماح للكلية
ونقال فيدك ملك ليك اخصوص … تكلمي البابا هيا روح بيا
قولي لباتك فاتحيه اخصوص … يشبحلي ترى تعيين في الشعبيه
وتبقي معايا يامناي عروس … الفلوس منك والحنان عليا
لامكسما لا كيه … انسي غلاي واتركي يابنية … الله والنبي

—————————————————————-

ايش جابرك ياقلب رد عليا … ايش جابرك عالموجعه والسيه
ياقلب بلاش محنا بعد ما ينكرك مازال تبي منا
وين ينشدوك تقول كنت نحبه هو باعني والعيب ما هو فيا
ياقلب انسى غرامه وانسى صوته ومشيته وكلامه وخلي حياتك ماشيه عاديه.

——————————————————————————–

وين ما نقول تهوني… تجي صورتك هذيك بين عيوني… تزيدي غلا

وين ما نقول نهونك … يلي مذيبلني سواد عيونك
لا حذاك في الدنيا علم لا دونك …ولكن خسارة فيك عاكس عوني

———————————————————————

مسجات عزايز فى يوم الحنه
—————————–

قالت ام العريس ..
يا ام اشروط اتقول شكاوى … ياريت ولدنا ماهو غاوى
…………….
ام العروس ..
ولدكم ما درنالا شى … جانا يجري كا الجدي
…………….
ام العريس ..
عروسك يا خايل الاباس … جراده تشعبط ع الساس
……………..
ام العروس ..
ها البشوبو الى جبتنا … كان اتريدنا خودنا
……………..
ام العريس ..
لانك عين ولانك جمه … ولانك من عيله تسما
ياسلم جياب الدبله …فرح ها العيله المنهبلا
سيقانك سيقان دجاجه… ما جيناك الا من العازه
……………..
ام العروس ..
ولدكم بو كرعين اكبار … جانا يجرى كا الحمار
……………..
ام العريس ..
بو عين كبيره فلا ته … لو ماجاها راهى جاته

خليك بعيد مادام قربك فى الجروح
يزيد الله يربحك …
ليش تخايل وانا من غرامك شى مانى طايل لا بيك يسقم
البخت المايل ولا بسمتى تقدر اليوم اتعيد …
——————————————————–

امته اشواقك تستحى من البعد وترايف على وامته ولمته
بالجفا والموجعه تجرح فى كم وعد منك عدى وواجد عليه
بكيت ماهناك عزم انشده تصدق انى مليت …
———————————————————-
يايومي . يا امسي

يانوري . ياشمسي

ياصوتي . ياهمسي

لما اشوفك اتذكر عبسي
————————
ابعثلي حتى مرسال … في وطن الشوق ايصبرني
مادام اغيابك مزال … طمن قلبي ياهاجرني
يكفيني حارمني شوفك … ماتبخل حتى بحروفك
ديما تسبل بظروفك … ناوي عالفرقه تجبرني
———————————————————-
طولت فالجيه اشتقنالك … زعم نخطروا ديما علي بالك
وانت بعيد افكارنا … كل يوم ترحللك
وانت بعيد ازهارنا … تنشد علي ظلك
مالبعد ما مليت … ولله عليه خذيت
صابر هنيالك … اشتقنال ك
————————————————————
مش هكا تكون الليبيه … بنت الاجواد انكان تنشد فيا
سود الميامى وبالسواد سفيا … ام الخدود امورده دهنيه
فيها محاسن واضحه وجليه … بيض القلوب و صافيات النيه
حلوه وجميله وكلها حنيه … كريمه عطوفه من العظيم هديه
تستر البيت امربيه ذريه … تكرم الضيف انجاك وان الجيه
فى طاعة المولى و زاد رضيه … تعرف الله وعاشقه ف نبيه
————————————————————–
ان كان نشغلك دز السلام العاجل …
مع الريح ولا مع الحمام الزاجل …
سلامك دزه … ان كان بينا باقي عروق معزه …
راهوا في غيابك خاطري استفزه …
الحاسد اللي من العيب ماهو خاجل …
والشوق ياوليفي غصن عزمي هده …
يخطرلك الشوق يهد عزم الراجل .
——————————————–
غايب عن عيني من مده عزيز انوده لين الخاطر واصل حده .
——————————————————
كثر الملام غير جر عيوب …
يقلب مواجع مالهنش لزوم…
كيف من يرقع في قديم الثوب …
يوفي كتوفه يقصرن الاكمام .
—————————–
دز رساله
ونا نجاوبك عل العقل كيف جراله …
بقي من غلاك مريض هذا حاله …
اسهى لين نيران الغرام كلنه .
———————————
مسلسل ما ينتهى …
غلاك يا عزيز غير تابعه .
———————–
مرايف جيت جايبنى حنين و نار الشوق فى قلبى صهيده …
لك مشتاق نبدالك منين يا عنوان فى صفحه جديده …
بسمة فرح فى عالم حزين فيه الود و البسمه وديده .
—————————————————-
الناس دايره الاصحاب يوم الطربه …
وانا صاحبي نبيه يوم الكربه …
يوم الضيقه يوم حوست الخاطر وجفت ريقه …
يوم صورة الاحباب تبان حقيقه …
سوا صافيه ولا اتجي منحرقه .
—————————————-
لوكنت نعلم قبل قلبك قاسي … لاشقيت بيك ولا وجعني راسي .
————————————————————–
ميت موت عليك مرايف نبي انجيك ولكن خايف .
————————————————-
كثر خيره لقيت حنون وخير لي من غيره …اصاحبت نا والليل .
————————————————————–
اليوم شاكيه ياعين قولي كنك …انتي مرايفه ولا اوهامك جنك .
—————————————————————
مرايفين ياغالي عليك انمسوا … بريافنا ياريت يوم اتحسوا .
————————————————————
حاولت ننسى ما القيت عزايم مصعب النسيان عللي هايم .

حاولت ننسى غرورك ونبعد عليك ونتركك لشعورك …
لكن حنيني شالني لبحورك ولقيت نفسي في غريقك عايم .
————————————————————-
مانك عليا غالى ننسى غلاك ونعلن استقلالى
من يوم معاى اخطيت …
جديد انديره ننسى لول ونشقى بغيره
ونلقى الخبر منقول فالجزيره … ودعايه كبيره من مذيع ايطالى .
—————————————————————-
لاجيتي ولا وصلني نهار سلامك … طبعك تغير ما عرفت اسبابك .
—————————————————————–
تونسية قالت : العقل فيه برشا هموم مانجمش ياعزيز انقولهن …

ردت عليها الليبية : هابا ياماشايل عقلي غير وطيت عليه بثقلي …
——————————————————————-
زولها مستوفي … ولها عيون شقتني مع شرشوفي …
اعطاب خزرها سالب ستاير جوفي … واخذ جميع الكبد والدواره .
——————————————————————-
رفيقي مصوقر ماهناك مثيله يصون الرفق من قبل ما نشكيله …
رفيقي ذراعي وين الفزع حاضر ايجي مداعي …
نرقد ويبقى في سريره واعي …
يحسب حساب الدهرفي تبديله .
——————————-
من قالك عمري بلاك يروق …
ومن قالك يهدا بلاك الخاطر …
ومن قالك شوقي لغيرك شوق …
ومن قالك مانك عليا خاطر .
——————————-
ياقبر بين اقبوره … بترابك تغطا فيك سمح الصوره … احسن اضيافته .
————————————————————————
ياريت خاطري بات مردوم … في قبر وتراب هايل …
ولا في الغلا بات مهزوم … ولا حاس بين العدايل .

____________________________________________
مرات نحمل في احموله الزايله …
ومرات حتي الجرد نوحل فيه …
ومرات نذهب في الضحا والقايله …
ومرات حتي الليل نخبر فيه …
ومرات نفرح والمدامع سايله …
ومرات حتي العيد نبكي فيه …
ومرات اثقل ثقل نقعد شايله …
ومرات حتي حمل الريش نعجز فيه …
ومرات ننسي اجروحي الغايره …
و نشقي بجرح الرفيق ونداويه .
————————————-
ابكاي ياعزيز عليك … انكان دين ويش ايخلصه .
————————————————–
اتريد من النهار نصيب … ابكا اليل ما عاد سادها .
—————————————————
العين من غلا مرهون اتذوح ما دباره لاقيه .
__________________________________
في شارع المدار زاد قهرني …
وين ما خطم احداي ما عبرني .

زاد جنوني …
ونزلن بلا رادات دمع عيوني
وهو بالمواجع كاويه مكنوني
نصبر عليه والله بيصبرني
وشيط النار اليوم في كانوني
على جمر هافي يريدها تاكلني
اللي قبل كنت انقول ضي عيوني
على مر كاسه هواللي جابرني .
———————————–

يابعيد الجوبه …
معاي نار تكبر دايره لهلوبه … وصلني جوابك .
…………………………………….
قريت كلامه …
مالسطر لول لاعقاب سلامه
كلام بعدها ناعشت في دوامه
وايام ماضيه مالعمر مي محسوبه

……………………………………..

يابعيدالديره
عايش علي ذكراك سمح السيره
والعقل من فرقاك حاير حيره
ناوي يتوب وماقدر عالتوبه

………………………………………..

يابعيد الساكن …
عالبعد والهجران حبك ماكن
وين مانويت اندير عزم بلاكم
جميع المناضر شفتهن مقلوبه .
————————————

كنك اتريد العين عينك منها …
واعرف غرضها لاطول عنها .

اشقى بيها …
وحاول دقائق ما تعيب عليها
شوفتك تشيل الهم وتنسيها
في شوق طايل بالوجع ساكنه .
——————————

ياما عليك بكيت …
نكذب ان قتلك راني غلاك انسيت
ياطول عازتي .
———————————

جاب اولافي …اللي خاطري خلوه ضيه طافي
البارح منام الليل .
———————————————

يا ظالمه هذا عليش اقدرتي …
اليوم ناسيه وباب الغلاء سكرتي .
———————————

سبحان كيف رقدنا …
وجانا النوم وماتقول فقدنا …اعزاز فارقوا .
——————————————–

صدفه اندور في وراق قديمه …
لقيت صورته خزرة عيون الريمه .
————————————

خلك قريب احدانا … لاتنفعك مدار لا لبيانا … بلا مواخده .
———————————————————-
بياض نقي لون المكنون
وصيتك عطره مالي الكون
تعيشي صوت وهمس حنون
عشقتك واللي يكون يكون
رويتك ورده فوق جبل
جوريه فواحه تهبل
نسرين وفل الكل قبل
علي شانك بالعطر يهل
والدنيا تهون
وروحي بين ايديك تكون