ازالة الشنب

معظمنا جرب طرق مختلفة لازالة شعر الوجه .. وفيه اللى جرب الطريقة التقليدية بس (
الفتلة ) والحقيقة هيه مؤلمة اوى غير انك لازم تروحى للكوافير .. وفيه بنات بتعملها
بالحلاوة بس بقولها خلى بالك لانه مضر جدا بالبشرة ..

اولا : بيعمل ترهل فى البشرة .
ثانيا: بيوسع المسام .
ثالثا: بيدى مظهر كان عمر بشرتك كبير.

اما الموس بقى طبعا عارفين انه مينفعش خااااااااااالص بيغير لون البشرة وبيطلب شعر تقيل وبتفقد
البشرة جمالها .

خلينا ندخل فى المهم بقى …
انا جايبالك وصفة سهلة ومفيدة ومكوناتها متوفرة فى اى بيت .

المكونات : 1- عسل نحل ابيض.
2- دقيق .
3- مية ورد.

الطريقة :
1- وزعى العسل على وجهك كله ورقبتك كمان لو تحبى ( سيبيه على وشك لمدة
ربع ساعة تقريبا ).
2- حطى الدقيق على العسل بعد مرور ربع ساعة.
3-دلكى وشك كانها صنفرة لحد ما تشيلى كل اللى على وشك.
4- سيبى وشك لمدة خمس دقايق .
5- وبعدين هاتى قطنة مبلولة بمية الورد وامسحى بيها وشك عشان تقفلى المسام.

النتيجة:
هتبان بعد استخدامك للماسك دة بيوم. يعنى بعد مايرتاح وشك.

ممكن تعمليها كل ما يطلع شعر فى وشك او تكونى عاوزة تخلى بشرتك كلها نضارة
وحيوية .
دة كمان بيشد بشرتك ومفيد جداااااااااااا لو فيه بنوتة عندها حبوب.

للحصول على افضل نتايج :
ممكن تعمليها مرة كل اسبوع.