يا غايب الك وحشة ونجوم الليل تحجيهة
بدونك دنيتي ظلمة عساني لا عشت بيهه
برسمك اصبر العين لو هزه الفراك
بس بيش اصبر الروح من روحي تشتاك
وحق الي تعبده الناس وحده
حبك سلب مني الروح وحده
هذني ثنين وانت اختار وحده
لو ترحل لو تضل محبوب اليه
احس بغيبتك غربة وضيقة مالها اخر
احس اني بلا صحبة وكلبي يكسر الخاطر
دوخت روحي وياك صارت عجيبه
شو بس الك اشتاك شن هالمصيبه
اشلع واودي العين وية الهوى الهاب
مقصودة بس تروح وتشوف الاحباب
انت عمري انت روحي يا اعز الناس اليه
انت بلسم كل جروحي وعمري يرخصلك هدية
الكلب لو ينساك للسوك اجيبه
واكتب عليه للبيع خاين حبيبه
خليني يمك جرح ولجمني يمتى تريد
راضي واكلك بعد بس لا تروح بعيد
غالي وتضل بالروح دوم انت غالي
تشرق شمس وتغيب وانت على بالي
ينقاس بيك الذهب مو بالذهب تنقاس
يلبيك طبع الوفى الماينوجد بالناس
بالكلب ثلث اسهام حيل اوجعني
بيهن سهم فركاك هو الكتلني
نبته وغصن مكسور وبشحة الماي
هذا حالي يصير من تكطع وياي
عاشرت كل الناس بغلاتك
هذا الحنان البيك اجمل صفاتك
قلبي جزيرة حب ونهرك يمر بيها
انت الندى والنور انت الهوى فيها
تسال عليك الروح يل تسوى كلشي
تسوى العدل والمات والبعده يمشي
لو قسه دهرك عليك و شفت ناسك ما تجيك
فتح عيونك حبيبي تلكه روحي بين اديك
يا اغلى من العمر يا ساكن جفوني
لو صار حبك حلم ارفض يصحوني
خنجر يحز بالروح صدكني فركاك
لو انسى حتى الروح ما اكدر انساك
- يا اغلى من العمر يا ساكن جفونــي لو صار حبك حلم ارفض يصحونـي
