اي والله احبها والعمر يفداها
تامر على راسي وتامر على دمي
الجنه الله خلقها تحت ماطاها
هذي هي امي عساني فدوة ل امي
:
امي .. غلا الدنيا ولو فيه غالين
يالله عساني بالعمر مااعدمها
ماقد حنيت الهامه الا ل ثنتين
عند السجود وعند بوسة قدمها”
:
انا احبك وحبك شي من ديني
وانتي اكثر انسان من لحمي ومن دمي!
يمة بليا حيا والله وحشتيني
ويالعنبو لايمي في حب حضن امي!
مافيه داعي ل الحزن والتوجاع
ولا شي دايم في حياة الزوالي
ابوي اغلى من وطت رجله القاع
خليته بقبر وحيش وخالي
:
ورب العيد ماله طعم هذا العيد
اشوف الحزن مخلف للفرح ظنه
امر المقبره .. واقول ب التحديد :
يبه : كل عام واعيادك هي الجنه
:
يبه مجرداسمك يزيدني فخر
وحنانك وطيبك جعلني اميره
وافعالك الي بالشدايد تسطر
تشهد عليها الارمله والفقيره
:
ماهي خساره طيبتي ف الرديين
محدن جبرني بالعطاء بس ودي
كن الكرم ديني وانا موفي الدين
هذي وصاة ابوي من بعد جدي
:
يابوي لا فترت اعظامك من الشيب
اخذ من اعظامي عظام بديلات
صوتك وصوت امي كبار المكاسيب*
لا يابعد صوتي وبعد كل الاصوات
:
*
*يابوي انا خادمك وخدمتك نوماس
ورضاي لامن صرت راضي علي
لو العمر يهدا من الناس ل الناس
عد ان عمري جاك مني هديه
